اسيرة داعش

هذه القصه واقعيه تتجسد بمعاناة فتاة عراقيه من سكنة الموصل _ تلعفر لكنها بغدادية الاصل ...وقعت ضحيه ليست هي فقط بل الكثير من النساء

المتزوجات والفتيات الصغيرات الايزيديات وغيرهن قد تم اسرهن من قبل داعش الذي استخدم الدين غطاء له ولوحشيته التي شوهت الدين الاسلامي ...

ازل من سكنة الموصل بغدادية الاصل ....نرجع بالزمن لسنة 2014 _5_27
________

ازل : يمه يلا رايحه عالمدرسه اجيب نتيجتي ...

ام ازل : وين غير اروح وياج خو تروحين وحدج ..

_ يمه شكو عليا منطقتنا امينه ماكو شي .

_ لا حبيبتي الوضع مو تمام واخاف عليج ..

_ ابراحتج كومي يلا ...اني الوحيده الاهلي لا اخت ولا اخ ابويه يشتغل بالداخليه اسبوع ينزل يمنا واسبوع ابغداد يكضي ...

ابويه حاول ويا امي نرجع نسكن بغداد بس امي ماتقبل لان اهلها هنا بالموصل اصلهم ...

ام ازل : يلا كملت امشي ..

_ رحنا اخذت نتيجتي طلعت ناجحه الحمدلله بمعدل 88 للسادس الاعدادي فرع علمي ...

صديقتي جانت ازيديه تحجي بلغة الكرمانجيه بس تعلمت تحجي عربي مكسر تعرفت عليها اول مجيت داومت ...

_ آفين شطلعتي بشري ؟

_ نجح انا

_ اي عفيه فرحت الج هواي ..

_ اشكرك ...

_ تعاي اليوم نحتفل ونبقى نتونس ..

_ ممممم تمام

_ اجت وياي آفين بقينا نسولف ونضحك لحد اخر الليل اجه اخوها ياخذها ...

رحت انام جنت تعبانه حيل لشويه سمعت موبايلي يدك واني اصلا ناسيته وين كمت ..

دورت عليه ..اييييييه واخيرا تعال لكيتك ملفوف بلبطانيه ...اباوع حبيبي بابا ...

شبي ياربي بهل لليل اباوع للساعه ب1بالليل رديت الوووو....

_ الو هلا بنيتي ازوله وينكم شنو متكولون عدكم اب شي ..

_ شنو ليش مخابرتك امي

_ لا هي امج ترد تصد

_ ليش وينها

_ غير يمج شنو وينها

_ مو ماعرف رحت استلمت نتيجتي ناجحه وجتي صديقتي آفين وياي وبقينا اني وياها مراحت لل10

_ اي عفيه واني اخر من يعلم بنجاحج

_ والله باباتي غير امي

_ هي امج صايره عمله نادره .. مو خوش

_ هههههه احتماال مسويته صامت

_ ادري صامت تسوي صار شي بالله شون هسه جتنا اخباريه الموصل مهدده ..