اسيرة داعش

البارت التاسع 🏴اسيرة داعش 🏴

فؤاد : اباوع عليها بالمرايه تخبل رغم مريضه وضعفانه بس هالبنيه حبيتها كـ اخت وعزيتها الله يحفظها

الله يحبها .... ونقذها من جرذان داعش ..

بعد مرور ست ساعات ... وصلنا يم سيطرة التاجي بعد ازدحامات ومشاكل ..

طلعناها ... عمي حسين مامخلي اغنيه شي .؟

حسين : اي عندي ليش تريد اشغلك

_ علوا ضوجه كلش ....شغل اغنيه حاتم العراقي اشوفك وين يمهاجر ..

اول ماا اجت ابالي ازل كلت هسه تكوم تبجي باوعت عليها عيونها مجمره ...!

جان اطفيها ...

حسين : عليش مو جاي نسمع

_ لا خلينا ع طبيعه احسن ...

_ ع راحتك ...

ازل : متلهفه بس اريد رجعتي بحظن امي مشتاقتلها ومشتاقه الابويه حيل

صارلي بالاربع شهور خمسه مشايفتهم ولا اعرف عنهم شي ....

صافنه شون راح احجيلهم شصار بيا ...راجعه صح فرحانه بس مكسوره ..

المجتمع ميتقبل بنت مغتصبه .. ! ولا احد راح يرضى يتزوجني باجر عگبه...

بس اهم شي اركز ع دراستي حاليا بس خل ارجع ... !

بعد ساعه دخلنا بغداد واخيرا ... نزلنا ابيت عم فؤاد ...

انوار : بنت عم فؤاد ... هلا والله ابن عمي حي الله ملگاك ....

فؤاد : هلا بيج خيه ...

ابو انوار : الحمدلله ع سلامتك ابني كل الهلا اتفضل ...

فؤاد : الله يسلمك ..عمي الغالي

ام انوار : هلا فؤاد هلا حبيبتي الحمدلله ع سلامتكم ....ماشاء الله

متغيره صايره تجننين ...احلى من كبل ولا عرفتج بس ضعفانه ...

ازل : صفنت شجاي تحجي ... تسلمين خاله بس منين تعرفيني ..؟

فؤاد : مرت عمي متوهمه زوجتي انتقلت الى رحمة الله بالطريق ...

ولازم اروح ع اهلها انطيهم خبر هم ميصير ...

ابو انوار : لا حول ولا قوة الا بالله البقيه بحياتك ان شاء الله اخر الاحزان
والله الله يساعدك صعبه ...

فؤاد : شسوي كلها بيد الله ...

ام انوار : والله انقهرت الله ينتقم من هالجرذان ....لعد هاي البنيه منو ؟

فؤاد : باوعت ع ازل وهي هم باوعتلي ...

ازل : باوعت عليه شنو الي راح يحجي ... !

فؤاد : بنت عم صديقي اهلها ابغداد هنا وهي جانت بالموصل يم بيت عمها وطلعت وياي ....

ام انوار : هاااا خطييه ...