ام الربيعين

البارت الثالث

للكاتبه ازل ايلول
#ام_الربيعين
مشت ايام حياتنه اني وامي ببيت بابا قدس كمت اصيحله بابا يستاهل هالكلمه مني يحبني مثل بناته ومدللني والي يجيبه البناته يجيبلي ويجيب لامي ....... مااعرف شلون اوصف هالشخص ممكن اوصفه بالملاك الله نزله علينه ..........
صار النه ثلاث اشهر ببيت قدس
اليوم كعدت واني مهمومه مااعرف حتى ضايجه ومقبوظ كلبي عبالك خايفه من شي لو راح يصير شي  اوووووف الله اليستر
نزلت جوه لگيت خاله ام قدس 
حور...لعد وين امي خاله
...ام قدس..بتدهي نايمه
خلت مىة قدي وتكعدهه شويه وسمعنه صريخ زوجة قدس طفرنه رحنه للغرفه لگيت امي راسهه بحضنهه وطالع الزباد من حلگها ضلن يبجن واني بغير عالم اريد اصرخ اريد ابجي العبره بزردومي ماتطلع اريد ابجي ماكو كلهه تگلي ابجي مايصير لازم تبجين تتمرضين واني ماكدر لااحجي ولاابجي ضليت لاليلي ليل ولا نهاري نهار بس فاتحه عيوني واباوع يوم ثالث بليل محسيت على روحي نمت واني اشوف امي ولازم بأيدهه جهاد ودكلي يمه شوفي حياتي اني روحتي وي وليدي لتأذين روحج لان اتأذه اني بقبري عليج انتي تحبيني مو لتخليني خايفه عليج وافكر بيج
كارمن... يبعد اخيتي لتخليني اخاف عليج اني احبج روحي شوفي حياتج ...
حور...لعد.شلون عفتوني لوحدي منو الي بعدكم...
كارمن...وراج مستقبل وحياة طويله ومغامرات اذا تحررت الربيعين رجعيلهه لتبقين هاي محافظتنه واصلنه ....
فزيت من الحلم نزلن دموعي ضليت ابجي واثرخ جامت الساعه حوالي 2بليل الكل اجه هلى صوتي واني ابجي والبنات يبجن وياي ضليت ابجي والكل راح ينام ضليت كاعده اني بعد سنو الي هنا ناس مااعرفهم لازم اطلع منا اي لازم اخذت ملابسي بجنطه وفلوسي وذهبي الي جبنا من الموصل وطلعت قبل لااطلع كتبت ورقه وخليتهه ع الثلاجه ......

طلعت امشي وتمشي مااعرف وين رايحه جانت حوالي 6الصبح عبرت من يم مستشفى شفتهه كلت اداوم هنا رحت للمستشفى شفت حارس كتله....
حور...السلام عليكم
الحارس..... وعليكم السلام اختي
حور...خويه اريد اقابل مدير المستشفى
الحارس...تعاي كعدي هنا هسه عشر دقائق ويوصل

رحت گعدت على كراسي قريبه من الحارس جانن عيوني حمر من البواجي والصريخ صوتي مبحوح ووجهي مخرمش والحجاب طالع نص شعري منه گعدت انتظر يجي المدير .....
شوي ووكفو الحرس
المدير...السلام عليكم
الحرس..وعليكم السلام
الحارس...استاذ
المدير... نعم منعم
الحارس..استاذ هاي اابنيه اجت وتريد تلتقي وياك
باوعلي وكال خلي تجي
رحت ورا امشي هو دخل والكل يسلم عليه واني ورا دخل لغرفه وخلاني افوت
غسان...اهلا وسهلا نورتينه
حور...اهلا وسهلا بيك شكرا..
غسان...تفظلي امر خدمه...
حور...اني جايتك ومااعرف اذا تقبل او لا...
غسان...شنو الي تريدي..
حور...استاذ اني اسمي حور عمري20سنه اصلي موصلي اخوي قتلو داعش واخذنه اني وامي واحد من الحشد هو واخو جنت عايشه عدهم وهم نعم الاصل منهم ومن تعزيبهم النه اليوم رابع من ماتت امي واني شفتهه بالحام وقررت اطلع من هالبيت لان معاد احد وياي بس اني وهالشي مو من صالحي طلعت امشي لحد ماوصلت للمستشفى هتي ومااعرف وبن اروح استاذ اترجاك انو توافق هنا تشغلني لانو مالي احد هنا
غسان...شفت دموعه بعيونه هو بالاصل مبين حباب
غسان...وانتي تأمرين امر واخليج مو منظفه ممرضه تساعدين الممرضات
حور..ابتسمت شكرا شكرا الله يخليلك بناتك بحق ال محمد
غسان...هههه تسلمين تعالي وياي
اخذني ورحنه برا وعرفني ع الدكاتره والدكتورات وع الممرضات والممرضين بديت بدوامي بدلت لبست قميص لون ابيض ولي شفايف حمر ولبست بنطرون اسود لبست ستره مالت ممرضين هي صدرية الدكاتره اول مره البسهه فرحانه رحت يم الممرشه خلود اجت مريضه راحت خلود تخلي الكانونه والمغذني اني علي اساعدهم اجيب الابر المغذيات الكانونات اخلي اوكسجين هيج اشياء
وداني دكتور غسان لقسم امراض السرطان كال هناك تشتغلي احسن انطيهم ادويه والعبهم اعلمهم على اشياء رحت يمهم دخلت باوعوالي بنات وولد ويمهم امهاتهم
حور...السلام عليكم.
الكل..وعليكم السلام..
حور..امهاتي ممكن تطلعون علمود ننطيهم الادويه ويرتاحون همين
الامهات..ان.شاء الله ديري بالج عليهم بنيتي
حور...ولا يهمجن تدللن
طلعن سديت باب الردهه وكتلهم
حور...مرحبا
الاطفال...هلاوو
حور..اني اسمي حور وراح اكون صديقتكم
تقبلون اكون وياكم العبكم واعلمكم
الاطفال...اااااايييي
رحت انطيتهم الدوه شربو
وجبت كتاب قصه كانت الساعه ب8بليل وحده من لاطفال كالت تعاي يمي رحت كعدت يمهه وبيديت اقرالهم قثه عن الامل وعن الحب نامو هم واني عفتهم ورحت المكاني ونمت كعدت وصوت الاطفال يصيحون نريد حور حور حور منريدج انتي نريد حور حور اجه دكتور غسان علي
غسان...ولج ركضي خبصونه ليله وحده كلبتهم كلاب
رحت اركض واضحك وصلت لگيت ولد واكف بنصهم ويديهم يكلهم اني جبتلكم العاب وياب بس سكتو اني دخلت وهم صاحو
هييييييييييييييه حوووووووور وضلو يضحكون ضحكت عليهم
وبقى الولد واكف بالنص مدار وجهه
حور...اوووف ليش هيج تصيحون ميصير تصيحون انتم ولد شطار وحبابين واكو هم جوه مرضه ميصير خطيه لازم ينامون بعد مااريدكم تصيحون خوووش
الكل...... حاظر ماما حور ابتسمت
رحت انطيهم  نطيتهم خلصت ردت اطلع بعدني بباب الردهه صاحوو
الاطفال صوت واحد حوووووووووووووووررررر تعااااااااااااي دنگت وخليت ايدي على ذاناتي

حور....اني مو كلت ماكو صايح
دار علي الولد وكال...

....بس اريد افهم شمسويتلهم
باوعتله ..مسويت شي اني
اشو هو ضل صافن علي اجه ولد وصاح عليه
الحرس..استاذ ملك تأمرنه نمشي لو ننتضرك
******************************
مرحبا
اني ملك عمري 28سنه دكتور ابن برلماني (مداعي الاسم) مواصفاتي ابيض على سمار وعندي لحيه كلش خفيفه شعري اسود وعالي بي فيكه وخصله من شعري بيضه من كذلتي هاي متوارثه عند ابوج وجدي وعمامي ...... جسمي معضل العب حديد عندي 4خوات نجوم كواكب نازك ملائكي اني وحيد اهلي بالولد امي ميته ماعدنه زوجت اب ملائكي اخر العنقود امي ماتت من جابتهه اني ربيتهه بحيث تكلي بابا ومتكل لبوي بابا باسمه ....... اني دكتور بأمراض السرطان دكتور غسان اعز اصدقائي اني متعود كل مااجي للاطفال اجيبلهم العاب عدنه ردهه وحده بيهه الاطفال كلهم بطابق الخامس  اليوم رحت للمستشفى صعدت للاطفال جانو كل ميشوفوني يفرحون بس هالمره من اجيت كلهم ساكتين كتلهم يلا الدوه وهم كلهم صرخو مو انت نريد حووووووووور نريد حوووووووور
اذاناتي مااحس بيهم بعد من الصريخ شوي وسكتو عبالي تعبو شوي وسمعت صوت انثوي حلو وهادى تحجي وياهم وهم حاظر ماما اااااهه هاي من يمته يصيحون ماما نطتهم الدويه وماحس اله صرخه منهم عليهه
درت عليهه وحجيت هي رفعت عيونهه عمي شنو هاي مو بشر التقام اسود جنهه ملاك ضليت ابرعم اجه الحارس كتله لا روح
باوعت عليهه كتلهه تعاي وراي المكتبي
رحت امشي وهي وراي فتحت الباب ودخلت سديته كعدت ع الكرسي ...

ملك..اي سولفيلي.
حور..على شنو
ملك شلون خليتيهم هيج يصيحون باسمج وجانو ميريدون احد غيري هسه ميريدوني يردوج شنو هااتغير
خور...اني مغيرت بس عاملتهم بليل بلطف وكعدت سولفتاهم قصه وقبلهه لعبتهم وانوب القصه ونامو هاي هي
ملك..كنت محتاج هالشي لانو اني ماابات بالمستشفى واريد من غيري يديرون بالهم عليهم بس ميردون احد بس اليوم وبسرعه رادوج وحبوج ...
اريدط تهتمين بيهم وتجذبينهم الج
حور..ان شاء الله دكتور..
ملك..بالمناسبه اني دكتور ملك
حور..اهلا وسهلا اني حور
تشرفت بيك دكتور............يتبع ارائكم تهمني 😍😍 ازل ايلول