فصليه صديق اخوية

بارت 2

عبدالله : من خابرتني نبأ تركت عمر بالكافتريه ورحت للسوبرماركت اشتريت انواع الككو النبأ لان ادري بيها اذا ارجع ومجايبلها شي راح تموتني 😂
نبأ : من خابرت عبدالله وسديت المكالمه ضليت كاعده بغرفتي افكر بالشاب ليش مديروح من بالي بعدين كمت ورحت بغرفه البنات دكيت الباب ✊✊
اسراء وهدير : تفضل منو
نبأ : هاي اني 😃
هدير : اوف نبأ خرعتينه عبالنه ماما
نبأ : ليش شدسوون 😉
اسراء : شي ميخصج وصدك شكو اجيتي اهنا
هدير : اسراء كافي شبيج انتي ويه نبأ هيج تره البنيه تحبج وهي اختنه
اسراء : لا مو اختنه وهي اهلها ميتين 😏
نبأ :😢😢
هدير : اسراء شهل حجي عيب عليج وما اسمحلج تحجين على نبأ هيج هي اختنه وغصبن عليج
نبأ : هنه بقن يتعاركن واني عفتهن وطلعت بس حسيت بحركه بكلبي من جنت صغيره لحد هسه محد كلي هيج واسراء اليوم قهرتني وبجتني اني رحت الغرفتي سبحت وتمددت على الجربايه وضليت ابجي الحد ما تعبت ونمت
بكر : جنت بالمطبخ وسمعت صوت البنات يتعاركن صعدت اشوف شصاير وسمعت كل الحجي رادت تطلع نبأ من الغرفه اني رحت ليغاد حتى متشوفني وشفتها دتبجي حيل كسرت كلبي وكلت اله اراويج يا اسراء اذا ما موتج طبيت للغرفه مال اسراء وهدير  من شافني سكتن كلتلهن شبيجن
اسراء : هاا 😳 لا مابينه شي
هدير : لا بكر جذابه هي كالت النبأ انتي مو اختنه اهلج ميتين ونبأ كامت تبجي
بكر : اسراء انتي ماتستحين شلون تسوين هيج بالبنيه باعي اسراء هل مره راح اسامحج بس اذا تسوين هيج مره ثانيه اموتج والله مفهوم وهل كلام موجه الجن ثنينجن
اسراء وهدير : اوك
اسراء : طلع بكر من الغرفه واني كرهي النبأ ديزيد بس لازم اتحملها لان هي اخت حبيبي عبودي واذا اريد احصل على عبدالله لازم استحملها
عبدالله : اجيت للبيت بالليل ماكو حس نبأ شعجب جنت اول ما اجي هي تستقبلني اليوم ماكو مو من عوايدها رحت الغرفتها وشفتها حبيبتي مثل الملاك نايمه بس عيونها مورمه معقوله اختي الغاليه باجيه يله باجر اعرف شبيها وحطيت الككو يم راسها ورحت الغرفتي وسبحت ونمت لان عندي دوام باجر
"""""""""""""""""""""""""""""""
خلي اعرفكم عن عائله عمر ☺

عمر : الاخ الاكبر بالعائله عمره 24
فهد : الاخ الصغير عمره 21
نور : الاخت الجبيره عمرها 22
حور : الاخت الصغيره والمدللة عمرها 18
الام : اسمها (هدى)
الاب: اسمه ( ابراهيم)
نور : هلو اني نور اخت عمر اني حلوه مواصفاتي كلش حلوه وجمالي طبيعي عمر دايمن يحجيلنه عن صديقه اسمه عبدالله اني هلكد ما يحجي عنه عمر حبيته من دون ما اشوفه
فهد : هلو اني اخ عمر الصغير اني اخبل فدشي صاك وكل البنات تحبني 😊😉
فهد : اجتي ايام اشوف عمر بس صافن وميحجي شي اجيت سألته
فهد : عمر بيك شي
عمر : تعال فهودي شحجيلك ياخوي
فهد : احجي احجي بلكت اكدر اساعدك
عمر : لك فهد شفت بنيه تخبل ايه من الجمل وحجيت الي صار . . . . .
فهد : ولك عمر انت وكعت بالحب ياخوي
عمر : لك ياحب اصلا اني ما اعترف بشي اسمه حب مع الوقت انساها واني شفتها صدفه
فهد : الله كريم يا خوي يله اروح انام دير بالك عل نفسك يالعشكان 😂😂
عمر : دمشي ولي ولك 😂
عمر : راح فهد وضليت كاعد افكر بعدين نعست واتذكرت عندي كليه ثاني يوم كمت سبحت ونمت
"""""""""""""""""""""""""""""""
بيت نبأ الصبح 😴
هدير : نبأ نبأ كومي اكعدي يله انروح انداوم
نبأ : اي كعدت حبيبتي
كمت كعدت وسبحت وبدلت ورحت للمدرسه ومر اليوم بخير ورجعت للبيت تعبانه وسبحت وكعدت اقره واسمع صوت عياط خالتي وبجيها نزلت جواه واباوع خالتي تبجي وعبدالله وبكر وادم حايرين اني والبنات عبالنه صاير شي ( على فكره زوج خالتي متوفي فممذكور بالقصه 😊) اجيت وسألت عبدالله
نبأ : عبدالله احجي اشصاير
عبدالله : نبأ حبيبتي اخوج مصطفى داعمله واحد بالسياره والرجال حالته خطره ومصطفى هسه بالسجن
نبأ : اني من سمعت مصطفى بالسجن متت قهر وكمت ابجي
بكر : اسكتي نبأ لتخافين انشاء الله الرجال يكون عايش ادعي يكون عايش
نبأ:😢😢😢
"""""""""""""""""""""""""""""""
عمر : كعدت الصبح ورحت للكليه وخلصت المحاضرات وخابرني اخويه فهد
فهد : عمر وينك انت
عمر : بالكليه ليش شبيك
فهد : عمر الحك واحد دعم ابويه وهسه هو بالمستشفى وحالته خطره
عمر : اني من سمعت ابويه مدعوم رحت ركض وسقت بسرعه ورحت للمستشفى لكيت امي واخواتي بالمستشفى بعدين طلع الدكتور وكال البقيه بحياتكم مكدرنه ننقذه اني اهنا فقدت وكلت اله اراوي هذا الدعم والدي اله اخلس طول عمره بالسجن وره شويه نشوف اجوي ولد اثنين يسألون عن والدي وعرفت همه كرايب الي دعم والدي
عمر : شكو شتردون جايين
بكر وادم : انريد انشوف المريض ممكن
عمر : هه والي توفه وكله بسبب ابنكم اله اخلي يبقه بالسجن واخذ حيف والدي بالعشاير واله اسويها دم بدم
بكر : ماشي ياخوي واحنه حاظرين بس خلصو العزاء مال والدك وشوكت متجون هلا بيكم
بكر : رجعنه للبيت وحجينه الي صار العبدالله وعبدالله وافق ونبأ خطيه بس تبجي وما اكلت ولا لكمه على مود اخوها وخواتي يبجن وهدير شو حالتها فد مره معاجبتني واكتشفت انها تحب مصطفى بس محجيت شي
عبدالله : بعد ماحجالي بكر الي صار ويا بالمستشفى اني وافقت وانتظرت يخلص العزاء ونشوف شنسوي حجيت ويه شيخ العشيره مالتنه واجه وجان يجون اهل التوفه وياهم شيوخ هواي ......
نبأ : خلصت فاتحة الرجال واني خايفه على مصطفى وخالتي بس تبجي ومتاكل وهدير خطيه تبجي على مصطفى وكلنه مخبوصين اجوي الشيوخ البيتنه وكعدو بالديوان
عبدالله : اجوي الشيوخ وكعدو بس اتفاجئت من شفت صديقي عمر وياهم معقوله يكون ابو عمر هو الي توفه وحجو عن الفصل
شيخ عشيره عبدالله : اطلبو الي تريدو واحنه حاضرين
شيخ عشيره عمر : احنه انريد فصل 50 مليون ونريد فصليه
عبدالله : لا شيخ فصليه ما ننطي بس انطيك 50 مليون واذا تردون اطلبو اكثر بس فصليه ما انطي
شيخ عشيره عمر : لا مانطلب غير شي انريد فصليه واذا ماتقبلون انسةيها دم بدم الكم مده يومين وتنطونه الفصليه
عبدالله : مكدرت احجي شي واباوع على عمر حالته حاله ومقهور على ابو وحتى مباوع بوجهي واني هم مستحي منه ومقهور معقوله انطي نبأ حبيبه عمري فصليه
نبأ : راحو الشيوخ واجه عبدالله واباوع عليه دمعته بعينه ومحد ديحجي سألت بكر وادم مجاوبوني وهم هم يبجون اجتي خالتي وسألت عبدالله
فاطمه : يمه عبدالله شبيك انشاءالله حليتو السالفه
عبدالله : يمه يردون نبأ فصليه 😢
فاطمه : يمه صخام الصخمني سوده عليه بنتي تروح مني ليش 😢😢😢 يمه راحن احلام بنتي اووف 😢😢
نبأ : بس بقيت صافنه وابجي وماعرف شصار بيه رحت الغرفتي بس ابجي واجتي هدير واسراء يهدن بيه واني بس ابجي اجه عبدالله
عبدالله : نبأ حبيبه اخوج سامحيني مكدرت اسوي شي
نبأ : ياخويه لاتتأسف 😢😢 عادي واني اقبل اروح فصليه بس على مود مصطفى 😢
عبدالله : فدوه حبيبتي اريدج قويه والله جنت اتمنالج حياه حلوه بس مو بيدي 😢😢 يروح اخوج
نبأ : نمت بحظن عبدالله وضليت اشهك الحد مانمت بحظنه .........
""""""""""""""""""""""""""""""
اتمنى تعجبكم 😘
شويه شجعوني فدوه حتى اكتب اكثر😊
كولولي شنو رئيكم بيها💋
احبكم ❤