فصليه صديق اخوية

بارت 3

كعدت الصبح واني عيوني مورمه من البجي اليوم لازم اروح فصليه واني حيل خايفه بلحظه وحده ادمرت كل احلامي واخويه بالسجن اليوم يطلع دخلت سبحت ولبست تراك اسود ولميت شعري ونزلت
نبأ : صباح الخير 😊
الكل : صباح النور
فاطمه : يمه نبأ بيج شي 😢
نبأ : اجيت وحظنت خالتي ماتحملت وضليت حاظنتها وابجي
فاطمه : 😢😢 يمه لاتبجين شنسوي هاي قدرج
عبدالله : نبوئه حبيبتي تعالي يم اخوج 😢
نبأ : رحت كعدت بصف عبدالله وحظنته وكمت ابجي ماعرف شسوي
عبدالله : حبيبتي لاتبجين اذا متريدين تروحين والله ما اخليج ترحين واسويها دم بدم
نبأ : لا حبيبي اني اقبل اروح بس راح اشتاقلكم هواي 😢
عبدالله : 😢😢
نبأ : صعدت الغرفتي كمت الم ملابسي ولبست عبايه وغطيت راسي حتى ليشوفوني ونزلت حظنت اسراء وهدير وكمنه نبجي وحظنت خالتي وبجينه وحظني بكر وادم وضلو يبجون 😢 وعبدالله مات من البجي عليه واني ميته قهر على اخويه خطيه ميكدر يسويلي شي اخذني عبدالله وصعدنه بالسياره وصلنه البيتهم واني جنت خايفه شلون راح اعيش وياهم واني ماعرف اي شي عنهم باوعت على بيتهم كولش حلو وجبير شويه واجه ولد شاب هو والشيخ مال عشيرته بس مكدرت اشوف الولد زين بس شفته سلم على عبدالله وعبدالله مله دير بالك على اختي الشيخ كله يحطوها بعيونهم
عبدالله : نبأ حبيبتي بيضي وجهي وديري بالج على نفسج وعلى زوجج واسمعي الكلمه
نبأ : ماشي عبودي حبيبي وانت دير بالك على نفسك احبك 😢
نزلت ويه الشيخ وطبيت جوه للبيت بس ماعرفهم شفت بنات اثنين امبين عليهن حبابات ومره شويه جبيره بالعمر هم مبينه حبابه
اجه الشيخ وعقدلنه بس اني مشايفه الولد وحتى ما اعرف اسمه بس سمعت الشيخ يكول اسم عمر وعقدنه ورحت كعدت بالصاله لان ما اندل اجني البنات عليه
نور : هلو حبيبتي اني نور اخت عمر
حور : واني حور هم اخت عمر
نبأ : هلا بيجن
نور : مراح دكولينه شنو اسمج
نبأ : اسمي نبأ
حور : فدوه اسمج يخبل
نبأ : تسلمين حبي
نور : ليش حاطه على وجهج الشال خلي اشوف مرة اخويه الحلوه
نبأ : نور من رفعت الشال عن وجهي ضلت صافنه وابتسمت
نور وحور : الله مصلي عل نبي تخبلين ماشاءالله والله نيالك ياعمر على هل جمال
نبأ : اني كلش خجلت من كالن هيج بعدين سمعت صوت ولد غطيت وجهي بسرعه
عمر : نووووور لج نووور وينج
نور : ها عمر شبيك تصيح هياتني
عمر : وين الفصليه امشي صعديها للغرفه وسدي الغرفه عليها ومتنطيها ولا اكل ولا شرب
نور : بس عمر خطيه شنو ذنبها
هدر (ام عمر): يمه عمر خطيه البنيه ما الها دخل بلي صار
عمر : يمه الله يخليج لا تدخلين هسه هي صارت مرتي واني شيعجبني اتصرف وياها
نور : اوك عمر
نبأ : سمعت الي حجو اووي شنو هذا عمر شكد مكروه ومغرور وعصبي اجتي نور واخذتني للغرفه طبيت الغرفه جانت اتخبل كلش حلوه 😍
نور : باعي حبيبتي تره عمر حباب وكلبه طيب بس لان ابويه قريب عليه هسه هو عصبي بس بعدين يتعود وانتي حاولي تكسبي
نبأ : انشاءالله حياتي
طلعت نور واني بقيت بوحدي دخلت سبحت ولبست اسود لان ابوهم متوفي استحيت البس الوان وضليت كاعده بالغرفه اخاف اطلع يمهم لان عمر موجود قفلت الباب ونمت
عمر : من رحنه للبيت مال الدعم ابويه اتفاجئت من شفت عبدالله يعني اخو الي دعم ابويه الشيخ طلب فلوس وفصليه اني مجنت موافق عل فصليه لان ماريد ازوج بس قبلت غصب عني وثاني يوم اجه عبدالله وجاب ويا اخته وصانه عليها مبين يحب اخته كلش نزلت طبت جوه واجه الشيخ عقدلنه سمعت اسمها نبأ وصوتها حلو خلصنه العقد واخذنها البنات واني بقيت كاعد بالصاله بعدين صحت على نور وكلتلها اتصعد الفصليه للغرفه بس اني مقهور اكول شنو ذنبها بس لازم اخذ حق ابويه
"""""""""""""""""""""""""
نبأ : كعدت الصبح محد اجه عليه ومحد جابلي اكل واني جوعانه بس اتحملت وبنفس الوقت مشتاقه الاهلي 😢 اجتي حور ونور
نور : صباحوو عسل
حور : صباحو بالاميره
نبأ : هلا حبيباتي صباحو
نور : لج تخبلين والله ياعمر انيالك 😂
نبأ :🙈
حور : ولج كافي خجلتي البنيه كومي حياتي بدلي وتعالي ويانه اتريكي
نبأ : اوك حبي
راحن البنات اووف يذكرني بأسراء وهدير 😢 شكد اشتاقيتلهن كمت سبحت ولبست تراك اسود وحطيت  مكياج خفيف وحطيت على راسي شال لان اخو عمر موجود استحي منه نزلت ولكيتهم كلهم كاعدين بس لحد هسه اني مشايفه عمر
نبأ : صباح الخير
الكل : صباح النور
هدى (ام عمر ): تعالي يمه اكعدي اتريكي
نبأ : اي عمه اجيت
هدى : يمه لا تصيحيلي عمه صيحيلي يمه انتي هسه مثل بنتي
نبأ : انشاءالله عمه اقصد يمه 😂
هدى : ربي يحفظج العمر يمه ويهدي بالكم يله يمه اكلي
اكلت وياهم ولحد هسه ماشفت عمر ياترى شلون شكله كملنه ريوك وشلنه المواعين اني والبنات ورحنه للمطبخ غسلناهن وحظرنه الغده واسمع صوت ولد طلع عمر بس اني مشفته لان جنت بالمطبخ
عمر : نمت اني يم امي مرحت يم نبأ ولحد هسه مشايفها وما اريدها ولا راح اتقبلها كعدت الصبح وطلعت ورجعت الظهر بس مشفت نبأ رحت بوست راس امي وحظنت اخواتي سألت نور على نبأ
عمر : نور وين الفصليه
نور : عمر كافي دكول فصليه البنيه حبابه ومن الصبح كعدت ويانه وحظرت الغده ويانه
عمر : اوك ماشي صيحيها خلي تلحكني للغرفه تحظرلي ملابس واني طاب اسبح
نور : اوك
نبأ : اجتني نور وكالتلي عمر يصيحني اني خفت من عنده عفت الغده وصعدت لكيته بالحمام ديسبح واني رتبت الغرفه وحظرت ملابسه
عمر : صعدت للغرفه وطبيت سبحت من طلعت لكيت بالغرفه بنيه ناعمه مو ضخمه لابسه تراك اسود وحاطه شال عل راسها وجانت اترتب بالجربايه ومنطيتني ضهرها
عمر : انتي وين ملابسي
نبأ : هذنيج معلكات
عمر :( هي بعدها منطيتني ضهرها وتحجي ) جنت دا البس سألتها شنو اسمج اريدها تحجي
نبأ : ( جنت خايفه منه حتى مدرت وجهي عليه ) اسمي نبأ
عمر : اله اراويج نجوم الظهر
نبأ : (بصياح) ليش انت منو حتى تحجي وياي بهل اسلوب
عمر : استفزتني بحجيها وصوتها عله عليه اني متحملت اجيت دا اضربها درت وجها حيل وجانت الصدمه 😳
نبأ : جنت منطيه ضهري العمر ومشفته ما احس اله واحد دار وجهي يريد يضربني وجان اشوفه نفسه الي راد يدعمني 😨
عمر : هاي انتي😨
نبأ : انت😨شدسوي اهنا
عمر : انتي الفصليه 😐
نبأ :اي اني ليش اكو غيري
عمر : انصدمت من شفتها اوويلي شلون جمال عبالك كيكه انوب شفايفها جنهن كرز 💋 اووف
نبأ : ضليت اباوع على عمر شو هذا بقه صافن بيه اني كلتله شبيك شفت جني وعفته ونزلت
عمر : بقيت صافن عليها وهي نزلت واني ضليت افكر معقوله البنيه الاخذت عقلي هي اخت عبدالله وهسه صارت مرتي😳
"""""""""""""""""""""""""""""""""
اتمنى تعجبكم 😍
تابعو حسابي فدوه 😘
احبكم ❤