دينا: طلعت اني وامي وصلنه للبيت قريب علينه دكيت الباب وانصدمت نفس الولد محمد طلع كبالي امي سلمت هو كال اتفضلو دخلنا وهو الوقت كله عينه عليه عزززززه صخام لابس تراك ازرق بلون عيونه اخ يمه قلبي ابن الاوادم يموت
الام: شلونج خيه ام محمد
فوزيه: الحمدلله بعد اخيتج زينه انتي شلونج هاي الحلوه بنتج مووو؟
الام: اي بنتي
فوزيه: يمه يحفظها الرحمن شكد حلوه
شسمج خاله
دينا: اسمي دينا خاله
فوزيه: شكد عمرج يابعد خالتج
دينا: كلت بقلبي_اهووو بدت بالتسائلات الماتخلص مال النسوان تردين تخطبيني تسأليني هلكد جاوبتها وكتلها
خاف تردين تخطبيني خاله
الام: ولج سكتي فضحتينه ام لسلن اني اعلمج بالبيت تحجي وتصك ع سنونها
فوزيه: هههههه يجوز اريد اخطبج لحميد شكو بيها 😉
دينا: هي كالت هيج واني انسحلت روحي خجلت دنكت وسكتت امي كالت
الام: والله نتشرف خيه خوش ناس
فوزيه: الله كريم ياام دينا بنتج عاجبتني وماالكه احلا واحسن منها لابني شتكولين
الام: والله بكيفج خيه اذا يتوالمون نزوجهم ونصير عائله وحده
فوزيه: يمه دينا محمد بره روحي سولفي وياه شوفي اطباعه تحركي بنتي شعندج كاعده
الام: اي يمه روحي حبيتي نريد نسولف اني وخالتج بموضوع
دينا: اهوووو يدفعني كوه للغثيث خاب طيرن كتلهن اي رايحه رايحه
طلعت بره شفته واكف ومجتف ايديه باوعلي ورفع حاجب
امشي واحجي بقلبي واكول الله ياخذك شنو من خلقه عااا يموت باع شلون يرفع حاجب ابجي طين
محمد: شدتفكرين
دينا: بيك اااا اقصد ولا شي بس اكول شعنده الغثيث واكف هنا
محمد: هاقصدج اني غثيث مووو؟
دينا: اي غثيث ومزعج ومتملق عندك مانع
محمد: تقربت منها وهي ترجع ليوره وكامت تجفص بالحجي لحد ماالله كاللها بس هههه
دينا: شكو وخر راح تاكلني اووووي
غثيث والله
محمد: انتي مااتأذيتي؟
دينا: من شنو؟
محمد: اقصد من وكعتي من الجنه مااتأذيتي؟
دينا: هههههههههههه ازحف ازحف بعد
محمد: انجبي ام حلك ازحف عليها انتي شايفه نفسج بالمرايه جنج مرة بباي
دينا: اوووي غير يكعد براد البيت دروح روح جنك درنفيس
محمد: ثوله
دينا: طالعه عليك ننننن
محمد: احترمي لااكص لسانج
دينا: اووي مزعج ادخل يم امي احسنلي باوعتله بطرف عيني وكتله وحش
محمد: شكد ماتحجي حجي ماصخ تعجبني ياربي تخبل مو بنيه خل اروح اجيب صمون احسنلي
دينا: دخلت شفتهن يظحكن كتلهن ها خلصتن سوالف لا
فوزيه: خلصنه راح اروح اصب غده كعدي حبيبتي
دينا: خاله اجي اساعدج
فوزيه: ههههه تعاي جنتي المستقبلية
دينا: هي كالت هيج واني متت خجل مشكلتي حجوله رغم الساني المااعرف الزمه
دخلت وياها للمطبج كعدت اساعدها وهي متعجبه اخر شي كالت.....................
لهنا ويخلص البارت
ان شاء الله عجبكم ونال رضاكم
أنت تقرأ
العمه والجنه
Roman d'amourغيرة العمه من الجنه وانو هي ربت وتعبت وكبرت واجت الجنه اخذت ابنها ويعمي الحقد قلبها ونظرها قصة العمه والجنه قصة واقعية #بقلمي ام تقاوي
