ماضي لا يرحم

بارت2

بقاو كيدفعوا هما يباليهوم واحد التيتيز كالس واغيشافتو آسية وهي تزعط فيه اما رانيا كانت كتشوف فهاداك لي حداه خرجوا عينيها لولد لي شافتو اسية شاف فيها وهو يقول
مالك كتشوفي فيا مزوق ولاشنو عمرك شفتي بنادم.
اسية تبهضات وهي تقول :مزوق بالنبق نتا مول هاد الكجكوج وانا كنشوف كولشي مجمع بحال الذبان مجمع عل شي خرية.
رانيا جمعات ضحكتها وواحد البنت تهضر
البنت نورا معياقة وكيليمينية :شوفي فيا نتي برززاف عليك حبيبو امير.
آسية :بغيت لموك حبة فداك اللسان ماعرفت هضرت معاه ولا معاك.
رانيا :قالتلك حبيبو واااع طيراتني الدلع وسي ديري غاشيكوش ديال دالع راه الهضرة باقا ممقاداش لك.
امير :وليني مرض على من صبحت يخخ عل بنادمين.
رضا كيضحك :ههه امالك اصاحبي.
امير تيشوف فاسية :هاد المخلوقة ماعرفت منين جات فرعاتلي راسي وزايداها بالمعيور مسكينة ماعرفاتش معامن.
اسية تتشوف فيه بغات تضربو :سمع اداك وجه طارو كون حتا معرفت شكون راه نشدك نرميك من برج خليفة وماتسقرني.
امير وقف : عاوديها لراسك.
اسية جعرات وطارت عل شعرو وبدات تجر
امير :طلقي ولاميعجبك حال.
آسية :ماطالقاش.
كيهز واحد الضربة وكيعطيها حتا وصلات جيهت الباب.
اسية :اي اي ياميمتي. والله لابقات فيك ياكحل الدغموم.
امير  جلس اللور والبنات تبعوه وهو يجري عليهم.
رضا مشا كيعاون اسية
رضا:ختي واش نتي بخير ؟؟
اسية:شتك تاتسول عطيني التيقار.
رضا :انا ماشي بحالو عطيني يدك نعاونك.
مداتلو يديها وهزها كلسها فبلاصتها.
اسية :شكرا.
رضا مد ليها يديه :صحاب ؟؟
اسية صافحاتو :علاش لا غماتكونش بحال داك الطارو.
رضا:هههه لاهو هكاك داير.
دخل الاستاذ ورضا مشا كلس بلاصتو حدا امير.
امير ببرود:شتك عاونتيها.
رضا :حشومة هاديك راها غا بنت فاللخر.
امير :تكون حتا معرفت شنو غندمها غاصبر تشوف .
آسية تتقرص رانيا :اويلي حي فين كنتي يالمزغوبة.
رانيا:الله شحال تيتيز ياختي داك الولد.
آسية :شكون داك وجه طارو ؟
رانيا:لا لاخور ولكن حتا وجه الطارو تيهبل .
آسية :تبتي شمن كيهبل شوفي هاد العام غيدوز واعر كلو زبايل.
رانيا:ياختي.هاد العام يطردونا داك البراءة لي كنبانو بيها قدام الناس غطير.
آسية :من اليوم غتبدا الحرب.
الاستاذ:صمت من فضلكم اليوم مكاين قراية حيت هدأ اول يوم كنتمنا ماديروش المشاكيل فالجامعة.
وخرج.
رضا:امير اش باليك نضربو شي دورة جيهة البحر ونرجعو.
أمير بلا مبالاة :واخا يلاه.
ناض وخرجو بجوج.
اسية :رانيا.
رانيا مرفوعة ماشي فهاد العالم.
آسية غوتات فودنا :واكسيدة طانطان وفينك.
رانيا:يالصكعة خسرتيلي التخيل.
آسية :اودي ولات عندي هنا جولييت وروميو مافراسو مايتعاود.
رانيا :سكتينا من دوك البسالات ديالك ويلاه نخرجو لشي جايحة نتساراو.
خرجوا وهما غاديين كيشوفو امير كيغوت
أمير :بغيت نعرف شكون هاد الكلب لي دار هاد الحالة فطوموبيل.
رضا:تكالما اصاحبي يلاه نركبو فطوموبيلتي ومنبعد نشوفوا شكون.
امير :صافي زيد نشوفو الكاميرات المراقبة.
آسية حدها شافتو وسمعات كاميرات المراقبة وهي تجر رانيا وشدوها بعيط جبد حتا وصلو لواحد الشارع.
رانيا:ويلي على المسخوطة ليوم يغبر لبوك الشقف اختي هاداك الولد خلعني يقتل ويذبح بلا احساس.
آسية :اش فجهدو مايدير كاع.
رانيا :عرفتي شنو انا شادني الجوع ناكلو ونفكو هاد الكارثة.
آسية :من نهار عقلت عليك ونتي حاضية غاكرشك الله يعطيك متاكلي .
رانيا منيتها:امين.
آسية :جغديد نشاء الله.
رانيا قرصاتها
رانيا :مالك واكلا لطاسيلتك الورث.
آسية :واكلالي لحمي ياشنيولة.
رانيا :زيدي زيدي حسن مناكلك حتا نتي.
عند أمير
دخلو لادارة غي شافتو المديرة وهي توقف
المديرة باحترام :سي امير مرحبا والف مرحبا .
امير :بغيت نشوف كاميرات المراقبة دابا.
المديرة :واخا يلاه معايا لقاعة الحراسة.
دخل للقاعة وخدم البيسيات وهي تباليه رانيا واسية.
رضا كيضحك :هاد البنت لي تسلطات عليك هي لي غتحيدلك هادشي فيك غاتحدهالك.
امير:غاتسكت ولا نبدا بيك نتا اللول .
رضا سكت.
خرجوا من تماك ومشاو يدورو.