من بعيد الزحمة والناس كتيرة داخلة ومارقة 💔 وصلت كده جمب الباب كان في ولدين قاعدين وقافلين الباب😕 قلت ليهم لو سمحتو على اساس يفتحو الطريق😕 شكلهم ما سامعين مع الجوطة وكده 😑 بزهجة كده قلت ليهم الشارع ده ضاق بيكم تقعدو هنا😕 اتلفت علي واحد 😕 لقيتو ده حازم الولد الثقيل داك😑 قالي لو قلتي نفتح ليك الطريق كان اكيد زحينا ليك 😏 قلت ليهو وتفتكر انا عاجباني الوقفة مثلا بعد كده😐 زح لي 🙄 وقال للجمبو بعد ليها 😎 زحو كده وانا دخلت💔 قلت الليلة دي من بدايتها معكسة ✋ شكلو لا لامة لي في عريس ولا كديس😂 قنعت زاتي😂 شفت حوش النسوان البناات يسوون كديي👌 قلت بقلبي يلا كده اقتنعت بكلو انو ما حا اطلع بي حاجة مع الشفع دييل😂😂 صاحت لي فطومة قعدت اتلفت اشوفها وين رفعت لي يدها✋ جيتها قالت لي كان ما عبايتك دي ما كنت حا أعرفك😂😂 قالت لي طلعتي الليلة زي البنات ابكر الجواك ده مشى وين😂😂 قلت ليها يبقبق وشك 😂😂 قلت ليها انت محكحكة كده ماالك قااال😂😂 وقاعدة زي العاصرك بول كده مالك 😂😂😂 قالت لي ده الاسكيرتي ضييق ياخ😂😂😂 قلت ليها اخيير ليك كده لكن 😂😂 قالت لي ناس الدوحة يستاهلو لكن التحكحك 😂😂 قلت ليهاا الله يستر بعد حكحكتك دي وتزندك ده ما جوك 😂😂 قالت لي بدردق سبعه مرات بالتراب😂😂 قلت ليها احسن انا مقتنعه من البداية 😏 كوني مثل ايلاف😎😂 قالت لي اي ما شايفه ايلاف بحنتها هديك ليها😂😂 قلت ليها حنة ما تضوقيها😂😂 ارح يلاكي نساعد في التقديم وندخل يدنا مع الناس😂 علي قول امي وقت طلعنا من الدنيا دي النلم في الجنة بحق الجار😂😂😂 قالت لي هيي براك الطالعه منها انا ما بطلع😏 قلت ليها طلعت روحك 😂😂 ارح قومي😑 قالت اقوم وين انا مجبصة زي ناس الجيش😂😂 قلت ليها اسي بتنتنفسي كييف😂😂 قالت لي نفسك بالقطعه😂😂 قلت ارح يااخ يمكن تطلعي ليك بواحد😂 قالت لي الواحد بجيبو وانا قاعدة😏 قلت ليها قعد نصك شوومة😂 مشيت منها علي محل الناس البقدمو وكده💔 لقيت خالة البت بتجهز في الضيافة للبنات باركت ليها💔 قالت لي عقبالك 💜قلت ليها تسلمي بحياتك 💜 وبقلبي بقول الله يكفينا شر شفعكم ديل بنتخارج تب😂 شلت شيالة عايزة اقدم بيها💜 مدت ضيافه قالت لي اتفضلي اول😊 قلت ليها انا بشيل صحن عدييل😂😂 قعدت تضحك😂 وطلعت 💔 بديت اقدم للناس الجوا الغرف وكده💔 لما جيت للناس القاعدين في الحوش برا💔 جا الكريه الاسمو حازم ده قال لي اديني الشيالة دي للرجال 🙄 قلت ليهو امش شيل البكفيك من جوا الغرفة ديك👈 قال لي بس انا مستعجل 😏 قلت ليهو طيب خلي زول ما مستعجل يجي يشيلها ✋ ومشيت منو 💜 ياااخ حبيت نفسي حب اخيرا اتفشيت فيهو😎😙 قدمت للقاعدين كده وانتهو عايزة ارجع الشيالة جوا الغرفة😊 لقيت طالع منها ولد احييي انا تقول الشيالة هي الشايلاهو❤❤ هو طالع وانا داخلة💔 رجع بالجمبة كده وقال لي اتفضلي 😊 دخلت حتى طلع😊 زووق يااخ ❤ اتخيلتو رااجلي طووالي 🙊🙈 جاي ياخد حاجة من الغرفة وانا جيت لاحقاهو عايزة اديها ليهو 🙊🙈 حق الخيال ده حلو كييف😂😂ختيت الشيالة وقلت لخالة البت اتكفو الناس ممكن تختو كم واحدة كده في الطربيزة برا للزيادة وكده💔 قالت لي نخدمك في عرسك انشالله 😙 قلت ليها تسلمي حبيبة❤ طلعت مشيت اقعد مع الشومة ديك 💔 نادتني ام العروس 💔..
