High & Untouchable Gods Society -ARES TIMOTHY LI (GOD OF WAR)

Chapter 4 -Conservative But Naughty Angel

High & Untouchable Gods Society
Ares Timothy Li
GOD OF WAR
written by: Blackrose

C-4 (Conservative But Naughty Angel)

--------,-'-,--'-{@

Hazel Lane

November 10, ngayon ang araw ng stag party ng kaibigan ni Mr. Martin. Hindi na ako papasok ngayon maging ang mga babaeng makakasama ko sa stag party. Pero pupunta parin ako sa club dahil dun kami magkikita-kita at umarkila kasi ng van si Ms. Patricia para daw sabay-sabay na kami sa pagpunta sa Mirage Hotel kung saan gaganapin ang stag party. Pagdating ng 6pm ay nandoon na kami sa club at saglit lang ay lumabas na si Ms. Patricia mula sa club at saktong dating narin ng van. Umalis kami ng 7pm dahil malayo ang Tomas Morato sa Makati City. Dumating kami sa Mirage Hotel kinse minutos bago mag-9 ng gabi dahil narin sa traffic. Pumasok kami sa isang room kung saan ang sabi ni Ms. Patricia ay kinuha para sa amin ni Mr. Martin para maging dressing room namin. Pagpasok namin ay pinagbihis na agad kami ni Ms. Patricia. Ang lahat ng mga kasamahan ko ay naka-playboy bunny costume at naka-headband pa talaga sila ng bunny ears. Kanya-kanya kami ng make up sa mga sarili namin, naka-bathrobe na ako dahil masyadong daring ang suot ko at hindi pwedeng ibalandra. Hinayaan ko lang na nakalugay ang mahaba kong buhok at sinuot ko na ang tanging totoong alahas na meron ako na necklace na may heart-shape pendant. Hindi na ako nagsuot ng bracelet o ano pa man. Nakasuot ako ng 5inches white platform shoes, isa ito sa pinundar ko noon na ginagamit ko sa pole dancing.

'Okay! 15 minutes na lang ay papasok na kayo sa loob! Ang kinakabahan ay tumagay na dito para kumalma kayo kahit papaano at magkaroon kayo ng lakas ng loob!' sabi ni Ms. Patricia at isa-isa kaming tinignan, nasa may coffee table ang isang bote ng alak saka shot glasses. May ilan nang lumapit doon at nag-shot ng alak. Hindi ako umiinom pero parang gusto kong uminom ngayon dahil grabe talaga ang daga sa dibdib ko. Tumayo ako mula sa dresser at naglakad papalapit kay Ms. Patricia. 'O Hazel! Kailangan mo yan!' nilapag niya sa harapan ko ang isang shot glass. Tinitigan ko muna ang shot glass, huminga ako ng malalim saka ito dinala sa bibig ko at ininom ito ng straight. May nag-abot sa'kin ng isang maliit na square na chocolate. Ramdam ko ang pagguhit ng init sa lalamunan ko ng nilunok ko ang alak saka ko sinubo ang chocoalte. 'Ano? Mapait ba?' umiling ako. 'Hindi mapait yan dahil tequila naman yan.' tumango ako. 'Next?'

'Isa pa Ms. Patricia.' hirit ko pa sa kanya.

'Oh! Sobrang kaba ka ba talaga?!' hinawakan niya ang nanlalamig kong kamay at napailing na lang ito sa akin saka nagsalin ulit ng alak sa shot glass. 'Oh! Siguraduhin mong hindi ka malalasing at magkalat sa stag party. Nakakahiya kay Mr. Martin.'

'Okay, kaya ko.' kinuha ko muna ang inabot ulit sa'kin na chocolate bago ko inabot ang shot glass na nasa harapan ko saka ito muling ininom ng straight. 'Hooh!!' napangisi ako dahil gumaan na ang pakiramdam ko kahit papaano at nabawasan narin ang panlalamig ng kamay ko.

'Ayos na Hazel?' nag-thumbs up ako kay Ms. Patricia at pinagpag ang dalawang kamay ko saka lumayo sa coffee table. Maya-maya pa ay may kausap na siya sa cellphone niya at pagkatapos ang tawag ay tumayo na siya. 'Okay! This is it girls! Lalabas na tayo at pupunta na sa Presidential Suite kung saan ginaganap na ang stag party ni Mr. Zeus Genesis Reiz! Tara na! Tumawag na si Mr. Martin sa akin!'

Nagsilabasan na ang mga kasama ko pero bago pa ako makalabas ay pinuntahan ko ulit ang coffee table at nagsalin ulit ng alak sa dalawang shot glasses. Agad ko itong ininom ng straight na magkasunod saka sumubo ng chocolate at sumunod na sa kanila. Huminga ulit ako ng malalim saka naglakad papunta kila Ms. Patricia na naghihintay na sa may dulo. After ng ilan minuto ay pumasok na ang mga kasamahan ko at kami na lang ni Ms. Patricia ang naiwan dalawa sa labas. Nagpalakad-lakad ako sa hallway at humihinga ng malalim.