سوف انتقم 💔

البارت الاول

قصه جديده واحداث جديده وحقيقيه وبعض خيالي ان شاء الله تعجبكم #للكاتبه أيات الصافي او #للكاتبه بنت الجنوب❤
اسمها 💔سوف انتقم 💔 
هل يوجد فرصه ثانيه للحب او للعلاقه وهل يوجد رحمه في الحب لانه الانتقام سوف يزيل الحب الموجود في القلب او هل للحب شيء جديد ❤

في يوم كان الجو جميل في فصل الربيع حيث الشمس الرائعه والجو اللطيف اسيقظت ع صوت امي تناديني
ماما  بنتي سمر يله كعدي راح تتأخرين ع الجامعه يله بسرعه نزلي
سمر  اوك ماما جايه وانا هم تاخرت بسرعه ركضت غسلت ولبست بنطرون اسود وقميص ابيض ورفعت شعري( ذيل حصان ) ونزلت ولكيت ماما جهز بالريوك وخذتلي لفة جبن وجاي واكلتها  واخذت تكسي لان الخط من تأخرت راح عني وصلت الجامعه وامشي سريع واصتدمت😬 بشخص بس ما شفت وجه كبل شلت كتبي واريد امشي بس سمعته يكول شنو عميه ما تشوفين عمه انا خليت ومشيت ما هتميت لكلامه ودخلت محاضره وخلص محاضره ورحت انا وصديقتي نور مشينا للكافتريه وظلينا ضحك وسوالف وانتبهت ع شخص يباوعلي ويضحك انا ما اهتميت
راح اعرفكم ع نفسي
اسمي سمر عمري ٢٠ مرحله ثانيه ادرس قانون طولي وسط وبشرتي بيضه وعيوني كبار ولونهم رمادي وطبعا انا سافره وشعري طويل ودائما اريد اقصه ماما ما تقبل  وانا ما اهتم بلبسي او شكلي يعني عادي عندي بعض البنات ترتيب ومدري شنو انا عكسهن ما عندي هيج من اكولكم ما احبهم جذب احبهم بس ما الي نفس ارتب وحط مكياج عادي ع طبيعتي..... عندي ابوي(حمزه) جان يشتغل محامي بس هسه تقاعد وامي (جميله) مدرسه رياضيات وعندي اخوان اثنين مزوجين (حسن وكرار)وكل واحد طالع بيت لوحده واخت وحده (سما)بصف الرابع علمي
نرجع للسمر وهي بالجامعه
وبعدين مليت من الولد يباوع ويمه اصدقاءئه كلت لنور خلينا نمشي يله اخاف ابو الخط اجى كالت اوك وطلعنا  ورحنا كل وحده لبيتها ودخلت شفت امي تسوي غده وتحضر بيه كتلها شلونج ماما
ماما هلا بيج يمه انتي شلونج وشلون يومج بالكليه
سمر الحمدلله ماشي الحال راح اصعد انام وارتاح وغده ما اريد لان اكليت لفه بالكليه
ماما اوك يمه روحي ارتاحي
سمر 😘😘 صعدت لغرفتي وبدلت ولبست بجامه وبدي نص ردن مالت النوم  حطيت منبه ع الساعه ٤:١٥م ونمت وما حسيت الا المنبه دك طفيته وكمت غسلت وانا هم جعت سويت بيض قلي واكلت وسويت كوب كابيتشينو واخذت كوبي وصعدت ختى اروح اقرا وجبت كتبي وكمت احظر محاضراتي واقراها وخلصت بعدين سوينا عشا وتعشيت وخلصنا غسلت الاماعين ورحت صعدت لغرفتي لكيت نور داكه عليه ومراسلتني وراسلتها ورحت اريد انام واتذكرت الولد اللي يباوع علي شنو 🤔 ماكو بنات بالجامعه الا اني يباوع عليه وهم اكو بنات هوااي بالجامعه حلوات يعني يباوع ع وحده ما مهتمه بشكلها ولا بلبسها بس هو شكله حلو وعنده عضلات ..يله شسويله خلي يولي ونمت
في بيت علي
راح اعرفكم ع نفسي
مرحبا ✋
اسمي علي عمري ٢٣ سنه وبشرتي شوي سمره وطويل وضخم وعندي عضلات مرحله رابعه ادرس تربيه قسم انكليزي وعندي اخوان اثنين ومزوجين وانا اصغرهم وعندي اخوات ثلاثه اثنين مزوجات وحده صف ثالث متوسط 

امس جنت طالع من الجامعه وبنيه انصدمت بيه حلوه وبيضه بس ما مهتمه بنفسها ووكعن كتبها بالكاع وشالتهن وهي تشيل بيهن كلتلها عميه ما شوفين شنو عمه وهي خلت ومشت كلش عصبت لان تجاهلتني ومشت حتى ما باوعت بوجهي بس انا الها وانا كاعد بالكافتريه اجت هي وصديقتها وضحك وسوالف هي انا ضحكت من شفت ضحكتها بس من شافتني اضحك كامت وخلت ومشت وهي هيج بس تذكرت لمن تجاهلتني وكلت انا اعلمها وعندي اصدقاء من النوع اللي يراهن ع بنيه اذا مامتهمه بيهم انه ما ادخل بيهم لان ما احب هاي الشغلات وانتبهت ع صديقي يكللهم شرايكم بهاي البنيه ع اللي انصدمت بيها وتعجبت كلت يسوها انا  حسيت بشيء غريب مثل الغيره او شعور يشبهه ما اعرف ليش بس ما اريد احد يأذيها بس انا كللتلهم انا اراهن عليها وهمه انصدموا لان هيج كلت لان انا ما احب هالشغلات هاي
مرتضى  صدك تحجي علي 😳
علي اي شبيك متعجب
مرتضى لا هيج بس كلت انته ما تحب هالشغلات
علي  يله كوموا يله
مرتضى  انتظر شلون راح تخليها تحبك
علي  افكر 🤔 

انتظرونا بالبارت الثاني وان شاء تنال اعجابكم 😘😘