سوف انتقم 💔

البارت الرابع

علي وانا احجي وي سمر وشفت اصدقائي اللي راهنوا ع سمر وخفت اخاف يحجوا او واحد منهم يزل لسانه بحجايه وانا اخاف اخسره لسمر لان بديت احبها واموت عليها بس انا اخاف تعرف انه انا مراهن عليها الا اخليها تحبني وبعدين اتركها وبعدين شفتهم اقتربوا كلتلها يله انا اترخص باي
سمر باي
بعد ما سلمت ع علي كالي انه هو الولد اللي انصدمت بيه اعتذرت منه وهو قبل اعتذاري كالي عادي وشكرته وبعدين ملامحه تغيرت من شاف اصدقائه انا شفتهم بس سويت نفسي ما ادري بيهم لان انا اعرفهم دائما يمشون وي علي
وبعدها دخلت محاضراتي واخذناها وطلعت وردت امشي اطلع للبيت بس ابو الخط خابرني وكال ما يكدر يجي لان صار عنده ظرف وبعدين كتله عادي وخابرت اخواني عود يجوني ما يردون وبعدين طلعت كلت أجر تكسي وتوصلني بس شفت علي بسيارته وباتجاهي نزل كال
علي  هاا خير شنو ابو الخط ما اجاي
سمر  اي كال عندي ظرف وما اكدر اجي
وهسه راح اخذ تكسي واروح
علي  شنو تاخذين تكسي تعالي انا اوصلج
سمر   لا شكرا هسه اخذ تكسي
علي  لا والله ما يصير يله تعالي صعدي
سمر  اصعد بس لراس الشارع تذبني لان زحمه ولد يوصلني لباب بيتي شيكولون وانته تعرف الناس
علي   اي عادي لراس الشارع اوصلج يله صعدي
سمر  صعدت بالصدر يم علي ومشينا نص الطريق واحنا سكته ابد لا حجينا ولا شيء وانا صافنه وبعدين سمعت علي يصيح
علي  سمر سمر
سمر  هاااا
علي  هاا وين وصلتي بالصفنه 😂
سمر  اشكد ستحيت وكتله هاا بعدني ما واصله 😅
علي  سمر 😍
سمر  نعم 
علي شعجب لحد الان ما مرتبطه يعني مثلا ما حبيتي شخص او شخص حبج
سمر هاا 😳 بيني وبين نفسي تذكرت الولد اللي ضحك عليه وع شكلي وحصرتني الدمعه بس مسحتها بسرعه قبل لا يشوفني وكتله انا ما احب هاي السوالف لذلك اكره الحب
علي شفتها تبجي بس ماردت اجرحها بس انا جرحتها وصار وكله من وراي كامت تبجي بس شفتها مسحت دمعتها وجاوبت بكل قوه انا ما احب هاي السوالف تعجبت من قوته وتحملها من احد يحينها بحجايه صدك من كال محمد هي ضعيف بس تبين قويه شكد كسرت كلبي ودي اخذها واحظنها واكلها احبج واموت عليج بس اخاف هي ما تحبني خلي انتظر وانقطعت سلسله افكاري سمر تصيح عليه 
سمر  علي علي
علي هاا هاا 😳
سمر  علي وصلت اهنا يمك وشكرا ع التوصيله 😊
علي يمه شحلات اسمي لمن يطلع منها وصوتها حلوو 😍 كتلها لا العفو ما سويت شيء
سمر باي
علي باي وكلت  بنفسي باي يروحي و يكلبي

نرجع لسمر

من وصلني علي حسيت بسعاده كلش حلوه وكلما اصير بقرب منه احس كلبي يريد يطلع ووجهي يحمر ويمكن بديت احبه 😍😘  ورحت اريد انام وهم ع نفس الروتين وبعدين شفت جهازي جايتني رساله ع الخاص موديلي
المجهول هلوو
سمر هلا بس بلا صغر بيك منو
المجهول  انا علي  سمر
سمر كالي علي تعجبت وكتله هاا هلا علي وهو كال
علي  هلا بيج
وظلينا نتراسل وبعدين كتله انا اترخص
كال
علي   مرخوصه بس قبل لا ترحين باجر اريد احجي وياج اريد اشوفج ونحجي
سمر اوك باجر بالكليه اشوفك ونحجي
علي اوك باي
سمر  باي

يتبع 👈👈👈
اتمنى تنال اعجابكم 😍😘  احبكم 😘