سمر بعد ما سلمت ع ماما وطلعت لغرفتي وبدلت وغسلت وبعدين شفت جهازي مخليته اهتزاز جاي يدك رفعته شفته علي رديت عليه
سمر هلا حبيبي
علي هلا بيج يمه فديتج يكلبي ❤😍
سمر هههه بعد كلبي
علي اموت عليج سمر 😍😘
سمر انا هم 😍😘
علي شنو انتي 😍
سمر اااه اه انا هم اموت عليك واحبك
علي يمه فديته لحبيبتي😍
سمر ❤❤😍
علي تغديتي بعدج حبيبتي
سمر لا بعدني ❤
علي اذن يله روحي اتغدي وان شاء الله اشوفج بالعرس يكلبي
سمر اوك يله باي حبي
علي باي يروحي 😘😍
سمر نزلت اتغده وكلت لامي
ماما اريد اروح عرس شيرين بنت عم محمد (طبعا امي تعرفه لمحمد وتعرف شيرين لان انا دائما احجيلها عليهم بس ع علي ما حاجيتها ما كلتللها يحبني وانا احبه بس ارجع من العرس اخبرها 😍)
ماما هو يمته العرس ؟
سمر باجر ان شاء الله
ماما اوك حبيبتي روحي بس اخذي رأي ابوج قبل لا ترحين
سمر فديتج يا احلى ام 😘😍
كلت لاماما اريد اروح للعرس قبلت بس كالت كلي لابوج طبعا ابوي يقبل بس لازم اخذ رأيه رحت لبابا بغرفته دكيت الباب وكال
بابا تفضل
سمر هاا بابا شلونك
بابا بخير يبنتي انتي شلونج
سمر الحمدلله بابا تمام
بابا اجيتك بموضوع
بابا شنو بابا احجي
سمر تعرف شيرين بنت عمه لمحمد
بابا اي اعرفه شبيهم
سمر لا ما بيهم شيء بس عرس شيرين باجر وعزموني ع العرس واريد اروح تقبل لا
بابا عادي بابا روحي وهي هم صديقتج بس هااا لا تتأخرين هواااي اوك بنتي
سمر اوك بابا شكرا 😘
سمر بابا قبل اروح بس هالمره لازم البس شيء حلو يعني فستان حلو انا عندي فساتين بس ما احب البسها الا لحفلات او اعراس اكثر شيء احب البنطرونات والقمصان فرحت اختار فستان من اللي عندي واختاريت فستان زيتوني كلش حلو امي جابته الي بس ابد ما لبسته الفستان لونه زيتوني وكلش طويل والصدر مالته والردانات كلهن تور وتصميمه كلش حلو واخذت وياه حذاء كعب لون بيجي ونزلت تسريحه من اليوتيوب تليق بالفستان ومكياج لازم احط شويه يله هسه اروح انام والصباح رباح
نمت كعدت ب ٩ لان اليوم ما عدنا دوام اوف يعني كل يوم خميس عدنا اوف فكعدت وسبحت وسشورت شعري ونزلت سويت ريوك الي وتريكت وسويت هم لبابا وماما بس سما متريكه وطالعه لان اليوم عدها امتحان خطيه الله يساعدها
ونزلت امي
ماما صباح الخير بنتي
سمر صباح النور ماما شلونج
ماما الحمدلله بنتي اشو بعدج ما رايحه
سمر اي ماما هسه اروح
وتريكت وصعدت لغرفتي وحظرت الفستان والحذاء وجنطه لونها بيجي
بعدين لبست الفستان وسويت التسريحه وحطيت مكياج خفيف ولبست الحذاء (صراحه ما احب الكعب اظل ما اعرف بيه امشي بس شسوي لازم البسه وي الفستان 😁)
سمر نزلت وامي شافتني
ماما اللهم صلي على محمد وال محمد
سمر شكرا ماما ... حلو الفستان
ماما يمه تخبلين اخاف حتى عين تجيج
سمر هههه
ماما صدك اخذتي هديه لشيرين
سمر لا ماما
ماما هاج ماما اخذي هاي الفلوس واشتريلها هديه
سمر اوك ماما شكرا
طلعت من البيت اجتني تكسي واخذتني من البيت بس وكفته نص الطريق لان شفت محل مال ذهب ونزلت اشتريتلها كلاده حلوه وصعدت لمن وصلنا للقاعه وشفت علي واكف طالع يخبل لابس ستره سوده وقميص اسود وبنطرون بيجي طالع يخبل وشعره ولحيته بعد طالع اجمل 😍😘
نزلت وتلكاني وشافني وكال
علي اليوم شطالعه كمر تخبل بس يحتاج العريس يمج اللي هو انا 😍😍😁
سمر ههه 😅😍😍😘 وانته هم طالع تخبل وحلو
علي مو مثل حلاتج يكلبي 😘😍❤
سمر يله كافي مغازله خلي نروح ندخل
علي يله حبيبتي
سمر 😍😘
دخلت انا بس علي بقى شويه ودخل لان عيب ندخل سويه شيكولون علينا
ورحت سلمت ع شيرين
سمر هلوو شيرين الف الف مبروك حبي تستاهلين كل الخير
شيرين هلا بيج حبي الله يباركلج تسلمين عمري ان شاء الله اليوم اللي اشوفج بيه عروس
سمر شكرا حبي هاج تفضلي حبي هاي هديه مني ان شاء الله تعجبج
شيرين تسلمين حبي ليش تعبتي نفسج
سمر ولو تدللين كلبي تستاهلين يله انا راح اروح اكعد هناك من رخصتج
ورحت كعدت ع طاوله محد كاعد بيه وشويه اجا محمد وسلم عليه
محمد هاا شلونج سمر
سمر الحمدلله تمام انته شلونك
محمد الحمدلله شفتي علي
سمر لا ما شفته اخاف راح للحمام
محمد مدري هسه اشوفه
سمر من راح محمد شفت علي هو وصديقه يمشون يردون يطلعون لبره
وكمت مشيت وراهم وهمه يحجون ع تراهن ومدري شنو بعدين صديقه كاله احنا مو تراهنا انه تحب سمر جذب لان راسها يابس ومتعجرفه هاا اشو هسه اشوفك جنك متعلق بيها هاا تراا محد يحبها بالكليه وانته بس لا تكلي كمت تحبها
سمر سمعت هيج بدون وعي كلتلهم شنو وعلي تعجب جيا شافني وانا كلتلهم شنو تراهن علي ما تحجي شنو تراهن اااااحجي علي صدك لو جذب
علي بس اهدي سمر راح افهمج
سمر وشتفهمني هااا شتفهمني
👈👈👈يتبع
بالبارت الثامن
انتظروني 😍😘❤
أنت تقرأ
سوف انتقم 💔
Romantikالقصه تتكلم عن بنت اسمها سمر وشاب اسمه علي وشلون راح يلتقون ويحبون بعض بس للقدر كلمه اخر وطريق اخر بس بالاخير ان شاء الله يجمعهم القدر ....قصه كلش حلوه واتمنى تعجبكم تابعوا ويانا 😘😍
