جولين :مهاب خايفه تصير مشكله
مهاب :ماتخافيش امي اني حانكلمها وبوي مش حايعرف
جولين :انشالله خير
وصلت ونزلنا
جولين ; السلام عليكم
اسماء :طيب فيك الي جيتي ياست الحسن والجمال
الخال :وعليكم السلام
كيف بنمشي نخش لداري نادا عليا خالو
الخال :جولين استني
جولين :نعم خالو
الخال :علاش مشيتي من غير شوري
جولين نشوف لي اسماء الي عيونها عليا وتستنا فيا شن بنقول :اسفه ياخالو حقك عليا بس كنت مضايقه شويه واستاحشت حوشنا وريحته
الخال :كان قلتيلي راهو رفعتك اخر مره تطلعي بروحك الدنيا معش اطمن
جولين :حاضر
خشيت لداري وصكرت الباب واني متحطمه ومخنوقه. فتحت الفيس ولقيت طلبات صداقه واذكرت إلياس درتله قبول (ااووف ياربي ماكنتش هكي 😢 بس شن بندير كنت ف حنان ماما وحضن بابا وضحكت اختي وتوا ماعندي حد ينصحني هذا صح او خطأ 💔😢)
إلياس :
روحت من المحلات ودوشت وصليت وتعشيت وفتحت النت ع امل نلقا قبوول منها لاني من يوم الي شفتها عقلي مش قادر يفكر الا بيها (اووو ياااربي واخيييرا دارت قبولت مش مصدق )
إلياس. :هلا 😊
جولين :اهلين
الياس :شن جوك وشن اخبارك انشالله بخير
جولين :الحمدلله تسلم ☺
إلياس :جتي اني الحمدلله 😂😂
جولين :ههههههه اسفه مش قصدي
إلياس :لالا عادي ولا يهمك اممم. اني اسمي إلياس عمري 27 سنه قاري اقتصاد ونخدم عمل حر محلات ملابس وانتي
جولين ف حاطرها اووو ماشالله شكله مايسكتش هادي من اولها 😂😂 :اني اسمي جولين عمري 17 سنه نقرا تاني تانوي السنه هادي انشالله
إلياس : عاشت الاسامي والعمر كله ياصغيرونه 😂
جولين :تعيش وتسمي تسلم 😂😂 انت شيباني مش اني صغيرونه 😝
إلياس :
😱😱شيباني حيها عليك حي. والله قعد ف عز شبابي 😂😂😂😂
جولين :خيرك انخلعت 😂😂 نبصر ربي يحفظك لشبابك
إلياس :احم 😌 ههههه ويحفظك مشكوره
إلياس :جولين
جولين :نعم
إلياس : تحبي
جولين : لا
إلياس. :اها به جولين اني من غير لف ودوران بنقولك شئ ياريت ماترديش عليا طول فكري ع مهلك
جولين : تفضل
إلياس : جولين اني من اول يوم شفتك فييه خديتي عقلي ماقدرت نفكر الا بيك اني مش عيل بش نلعب عليك او نكذب رايدك بالحلال ونستناك لين تكملي قرايتك عادي والله ولو تبي تكملي عندي ماعنديش مشكله ارجوك فكري قبل ماتردي
""
عند جولين "طق طق طق
جولين هيا هي فتحت الباب واندفع عليها لدرجه طاحت ع الارض
جولين :اااه 😫
اسماء صكرت الباب وخشت :تعرفي ياكلبه عارفه الخبث متاعك تحسابي روحك لو ماقلتيش لي خالك ع الي صار بنسامحك ع الي درتيه لا ياقلبي مش بالساهل. وبدت تضرب ف جولين الي طايحه ع الارض بي رجلها وجولين تبكي ومش قادره تنوض من الضرب الي تضرب فيه اسماء. بعد ماهدت اسماء وحولت غلها
أسماء :تفو عليك حقيره انتي حتي الهاتف ماتستحقيشي خدت الهاتف وطلعت صكرت عليها الباب وجولين فقدت الوعي معش تندري ع الدنيا والدم ينزف من خشمها وجسمها كله احمر
' إلياس :
ياربي خيرها هادي ماردتش 😥
س 2:30 ف الليل.
جولين :ااه 😢😢 قعدت ف مكانها حاولت تنوض ماقدرتش من الالم. فات الساعات وهيا تبكي وع الارض وتتحسب ع اسماء. وتذكر ف ايام دلعها من امها وبوها 💔 فاتت الليله ع جولين اصعب ليله ف حياتها جت س 9 الصبح طق طق طق
مهاب :جوليين.
جولين تسمع ومش قادره تتكلم
مهاب :جوليييين وينك
جولين :😢
مهاب :غريبه مش من عاده جولين ترقد لتوا 😓
طلع مهاب ع اساس جولين راقده ف باله.مهاب :صباح الخير
الخال ف الجنان :صباخ النور وين ماشي من توا
مهاب :والله ياحاج حصلت خدمه انشالله اليوم اول يوم
الخال :خدمه شني
مهاب : خفر
الخال :انشالله ربي يوفقك توكل. بس اسمع وين جولين ماشفتهاش من البارح
مهاب :ا والله دقيت عليها الباب مافتحتش اكيد راقده انشالله هي سلام
الخال :ف امان الله
اسماء : اهلا اهلا بنيتي كيف حالك وحال صغارك
فاطمه :الحمدلله ماما بخير كيف حالك انتي وبابا ومهاب
اسماء :كويسين وينكم معش جيتو بكل
فاطمه :والله امس كيف روحت من طبرق واليوم انشالله توا انجيكم (فاطمه راجلها من طبرق بس عايش ف طرابلس بين فتره وفتره يمشو غادي )
اسمأء :انشالله نستنا فيك وكلمي حتي اختك تجي بالسلامه
ناضت جولين وهيا متسنده ع السرير ومشت للحمام (حاشاكم )دوشت وهيا تبكي من الوجع طلعت لبست توته ورديه بسيطه كم فيها توب ازرق كحلي صلت وقعدت تدعي ربي يفرج همها
شويه وفتحت اسماء الباب لما اطمنت انه الخال (محمد ) طلع اسماء :نوضي ضمي الحوش بيجو بناتي وياويلك نسمع كلمه طالعه يلا (طبعا اسماء ماخلت اتر ف وجها انها مضروبه نهائياا )
جولين كان خاطرها تكلم لورين وتحكيلها لانها الوحيده الي تعرف همها
ناضت ضمتت الحوش والكوجينه ومع كل حركه تتألم 100 مره تمت وشويه وطق الباب
جولين :مني
إيمان :افتحي إيمان
فتحت وسلمت عليها اهلا إيمان كيف حالك
إيمان :اهلين الحمدلله وانتي
جولين :بخير
إيمان عندها ولد عمره 9 شهور
إيمان :هاك حطي عبدو ف الدار
جولين :به
إيمان خشت لدار المعيشه :السلام عليكم
اسماء :وعليكم السلام كيف حالك وحال راجل ووليدك
إيمان :الحمدلله كويسين كيف حال بابا ومهاب وينهم
اسماء : تمام. مهاب عنده خدمه وبوك مشي لي عزي صاحبه قعدو يهدرزو وشويه وجت فاطمه عندها 3 صغار بنت و 2اولاد. ايلاف و حسن وحسين وقعدت جولين ادور عليهم واضم الي يحوسوه صغارهم وهما مقعمزين ودارت الغدي وفوق منها مش عاجبهم
إيمان :خيره طيابك هكي من معلمك
جولين :ماما الله يرحمها
إيمان :اي اصلا واضح مش امي لانه امك لما كانت مش حلو طيابها 😏
جولين 😞😳
ناضت لي دارها
جولين :اااه ياماما وييينك استاحشتك علاش هكي يارب 😢😢😭
إيمان :جووووليين وينك تعالي ارفعي الصفره واغسليها مره وحده حني شويه وبنروحو نبو نهدرزو ع امي
جولين ف دارها (: هدرزو هدرزو 😭😢😭😢 ع خاطر اني ماعنديش ام تقهري فيا ) حاضر
س 9 ف الليل بعد مادارت جولين العشي وتعشو وروحو قعدت اضم ف حوستهم تمت خشت صلت وتمدت ع سريرها
طق طق
جولين :مني
مهاب :اني جيجي
جولين :هيا هي
فتحت
جولين :تفضل
مهاب :جيجي شن جوك
جولين ابتسمت بألم :الحمدلله وانت قالو بديت تخدم
مهاب : مليح اي والله اليوم اول يوم
جولين :اها كويس
مهاب خيرك جولين حسيتك مضايقه
جولين بضيق :لالا شئ
مهاب :جولين قولي الحق خيرك ماتكذبيش عليا
جولين 😢:😭😢😭😢
مهاب انصدم جوليين خيرك تبكي شن فيك
جولين تبكي يس مش قادره تتكلم
مهاب معش تحمل ضعفها هكي حضنها :خلاص اسسس خيرك اهدئ واحكي شن صار
جولين :
حانشوفو شن بيصير ف الحلقه الجايه تابعونا
