جولين :بس 😞
اسماء قاطعتها بغيض :نوضي ياجولين اطلعي لي خطيبك
جولين بحزن :انشالله
ناضت خدت القهوة وخشت لي ابراهيم مدت القهوة
خالها :احم شويه نستاذنكم بنشوف العيله يبوني
ابراهيم :خود راحتك
طلع خالها وابراهيم ايشوفلها كيف طالعه تهبل ♥♡
ابراهيم :جولين خيرك بعيده قربي متخافيش
جولين ف قلبها ياربي شن بنقوله زعما لو نقوله او نشرط عليه حاجه قويه توا يفوتني بس لا اكيد خالي حايعدبني بعدها ..:اممم اهو قريبه حتي اهني ..
ابراهيم :ع راحتك اني اسمي ابراهيم م 78 نخدم ف معرض سيارات عندي فيله ف .... وشن تبي لو تبي تقري ولا تخدمي ماعنديش مشكله
جولين :
بنبدا نكتب بأختصار من غير محادته لاني مليت بصراحه وبنكملها ع خاطركم
جولين قالت لي ابراهيم انها ماتبيشي وهوا تفهم وضعها وقال لي خالها خلاص مافيش نصيب ..وخالها خدي منها الهاتف وحبسها ف الدار والياس اليوم الي بعده جاب عياله بيخطبها خالها قله جولين توفت وهوا انصدم كيف هكي سأل عليها ماصدقش والناس طبعا ماتعرفهاش فاقالوله مانعرفوش فاتت عليه ايام عايش بلا روح حياته انقلبت لا ياكل لا يشرب بعد سنه امه خطبتله بنت وهوا رضي بيها بس ماقدرش بعد شهر فسخ وقعد شادها خدمه بس وكل ماامه تفتح معاه الموضوع يصكره ويدكر جولين حب حياته الي راح من بين ايديه ..عند جولين عاشت سنه ف جحيم لا تطلع لاتخش كل يوم اضم وخالها يضرب فيها ومانع حد يتكلم معاها والا حايصيرله زيها قعده تفكر ف الياس ومحتاره كيف بتوصله وكل يوم تبكي وترقد ..الي اليوم الي عمتها سمعت بعد ماحكالها مهاب (ولد خال جولين ) جتها وشافتها كيف تغيرت هلبا تعاركت مع خالها ورفعت عليه قضيه وخدت جولين عندها ..بعد شهر جولين كلمت الياس وهوا انصدم وحمد ربه انها عايشه وهوا ماتزوجش ..جي خطبها ودارو الفضانيه وهما فرحانين وتزوجو .. وتوا عندهم ولد يهببببل وتوا حامل تاني ادعولهم ..النهايه ..
