البارت الاول
*********************
كانت الساعه ب١٢ونص الظهر اجيت كلت لامي: يوووم وينج جوعان صبيلي غدة كالت يمة فدوة لعينك راح اصب لك غدة واريد منك تروح لمدرسه اختك سراوي تاخذ لها اجازة لان اليوم مريضه وعندها امتحان ثاني درس تمتحن وتطلع
حسام :ليش راحت تمتحن ليش ما اجلت ؟
الام :ماقبلت تكول المدرسه رفضت التاجيل
حسام :يوم المدرسه مدرسه ابوي لعد احنا ليش خليناها تداوم بيها (مدرسه اهليه يملكها ابوي)
الام:هو ابوك مايقبل يكول القانون يمشي ع الكل
حسام:صار يوم تتدللين
صبت لي الوالدة ذاك الغدة الطيب تمنيته كدامكم.اكلت وخلصت وبدلت اخذت سويجي ورحت لمدرسه اختي كانت المدرسه قريبه كلش ع السوك وصلت ونزلت كان اكو حارس امني بباب المدرسة سلمت عليه واثناء ما احجي وياه دخلت مرة وبيدها هواي علاليك مبين كانت بالسوك دخلت للمدرسه لكيت مجموعه مدرسات متجمعين على هذه اللي دخلت من الشارع واسمعهن يكولن لها:ها عيني وين جنتي ...ها عيني شفتي حبيب القلب ووووو (بقو يتشاقون وياها ويضحكون سمعت وحدة منهن تغني ...مالي شغل بالسوك مريت اشوفك....ماعرفتها منو لان كان ظهرها عليه ماشفت وجهها
صوتها اويلي اويييييلي يجنن كانت تتميل براسه وتحرك ايدها من تغني عرفت منو منهن صح ماشفت وجهها بس ميزت شكلها قوام ممشوق ولابسه فستان بنفسجي انا بقيت صافن وصوتها من غنت احس دخل قلبي مو اذني بعدها انا دخلت لمبنى الادارة وطلبت اجازة لاختي وكالت المديرة بعد ربع ساعه يخلص الدرس تفضل استريح على ما تخلص الامتحان
كاعد بغرفه المديرة وعيني على الباب بلكي تمر واشوفها وبعد شويه سمعت صوت ضحك وسوالف من غرفه قريب لغرفه المديرة اعتقد غرفه المدرسات وسمعت وحدة منهن توزع للمدرسات جكليت وتكول لهن هذا حلال مشاكل نذرت اوزعه وحدة ردت عليها بضحكة وعيني من وين اشتريتي الجكليت هااااا.؟ جاوبتها من السوك
ضحكت صديقتها وكالت ماتنلام بيج هدى من غنت لج مالي شغل بالسوك مريت اشوفك ..هههه
انا تنهدت وكلت ايييي عرفت اسمها بقى اشوف وجهها
وشويه اجت اختي واخذت رخصه من المديرة وطلعت بس احس قلبي بقى بالمدرسه وصوتها اااااخ صوتها ببالي شلون بي بحة حلوة
سالت اختي سراوي: حبيبي عندكم مدرسه اسمها هدى ؟
سرى:عندنا اثنين
حسام شلون شكلها
سرى:وحدة كبيرة بالعمر وزين شكلها وثانيه صغيرة وتخبل تلبس فساتين ماتلبس بناطير لو تنورات تجنن يلوك لها اللبس
حسام بقلبي كلت اويلي على اخوج سراوي طاح ومحد كال له اسم الله
سالتها شنو تدرس كالت لي انكليزي
رجعنا للبيت وكل شويه يمر صوتها ببالي واتعوذ من الشيطان اكول هاي شجاني اليوم
بعد فترة رحت للمدرسه بدوام الولد لان كلت لكم المدرسه مو مختلطة مقسومة دوامين كان ابوي محتاج مني استشارة هندسيه لان يريد يبني بعد كم صف ويوسع بناء المدرسه طبعآ انا المهندس اللي خطط بنايه المدرسه
وطلعنا نتجول بلمدرسه ومن رجعنا لغرفه المدير دخلت مدرسه واستأذنت من والدي تريد تحجي بموضوع عن طالبه معينه وحسيت منحرجة ماتريد تحجي كدامي والدي كال لها احجي هذا حسام ابني التفت الي وكالت اهلا استاذ حسام اسفه ماعرفتك
المدير :اي ست هدى شنو موضوع هذه الطالبه ؟
هدى : استاذ الطالبه اكثر من مدرسه اشتكت منها تغش وقبل فترة اسبوع انا لزمتها تغش وكانت ورقه الغش موجودة وطلبت من المديرة تتخذ الاجراء اللازم لكنها تهاونت بلموضوع انا كلت شي اكيد لان مدرسه اهليه راح يتهاونون وياها ومايحاسبوها لذلك قررت انطيها صفر بالامتحان وقبل يومين سلمت درجات السعي وهي راسبه .اليوم وحدة من المدرسات كانت تدقق وراي جمع درجات السعي حضرتك تعرف شغل اللجنه التدقيقيه واجتها المديرة وطلبت منها تعيد طباعه ورقه السجل مالتي اللي بيه درجة هذه الطالبه وطبعا مع تغيير الدرجة
استاذ هذا الموضوع عندك علم بي ؟ ترضى بي؟
اذا ترضى هسه انا اترك المدرسه لان حرام وكذلك هاي اهانه بحقي كمدرسه
المدير:ست هدى هذا كلام كبير عندج دليل عليه؟ المدرسه اللي باللجنة التدقيقيه مستعدة تشهد ؟
هدى:استاذ انت تعرف كلش زين عندنا سجلين للدرجات واحد عندنا وواحد عند المديرة تكدر تقارن السجلين وتحقق ويه اللجنه
المدير: والله فاجأتيني ست هدى معقوله مدرستي اللي اتباها بيها اكول صح اهليه لكن ماعندي تسيب ولا واسطات هيج بيها تزوير
مع ذلك راح اجي لدوامكم باجر واشوف الموضوع وصدكي اذا طلع كلامج صح ابد ماراح اتهاون بمحاسبه المديرة
بعدها استأذنت الست هدى وطلعت .
