البارت الثاني ٢
حسام..
كاعد بغرفه الادارة ودخلت بنيه شابه وابوي كال لها تفضلي ست هدى وانا التفتت بسرعه اباوع لها اريد اشوف هاي ام صوت الحلو اللي سمعته ذاك اليوم شلون شكلها
لكيتها بنيه حليوة حنطيه وملامحها ناعمه مرتبه حاطه مكياج خفيف مو مثل بنات عمرها يجيبن ويلبخن انتبهت لايدها مابيها حلقه انتبهت عليها تحجي وتشرح مشكلتها لوالدي وعجبني بيها تستخدم ايدها اثناء الكلام وتاشر بطريقه هادئه كانت لابسه محبس ذهب ناازك وناعم ولابسه سوار بسيط ناعم ويتحرك بيدها يوصل لجف ايدها وترجع ترفعة ترجعه على ايدها .بقت تشرح لابوي وانا صاااافن احفظ كل تفاصيلها
عجبتني شخصيتها وشلون اجت بوقت دوام والدي وخبرته عن كل شي وما خافت لاتنفصل من دوامها واكثر شي عجبتني من رفضت التزوير وكالت انا اعتبره اهانه الي شخصيتها قويه
من طلعت سألت والدي عنها كال هي مدرسه ماصار لها سنه ويانه لكن ممتازة وكفؤة وفرضت احترامها احتاجيناها فترة شهرين تدرس بدوام الولد كانت محترمة وبت اوادم لبس محتشم واخلاق عاليه
حسام: صفنت ويه نفسي كلت هاي هي عز الطلب بقى اندل بيتهم واسأل على سمعتها لان دخلت دماغي وعشعشت بي
ثاني يوم انتظرتها بباب المدرسه من تطلع ومشيت وراها واندليت البيت كان قريب على المدرسه نزلت وسالت اكثر من شخص عنهم والكل مدح بيهم وباخلاقهم وبيها على وجه الخصوص .لفت نظري كلام ابو الاسواق كال والله هي وردة ويجوها خطابه هواي بس ماعرف ليش ترفض
شغل بالي كلامه كلت يجوز تحب واحد ومنتظرته ؟ تالي كلت استشير الوالد واشوف شنو يكول
رجعت للبيت وحجيت ويه والدي عن الموضوع كال:البنيه ذهب صافي وياريت تصير لك بس انا لاحظت ان مدرسين ويانا اثنين خطبوها بس ماوافقت
كلام ابوي زيد الشك بداخلي .تالي قررت اخلي امي تروح لهم وتشوف شنو ردهم
كلت لامي .يووووم اريد اخطب كالت :يوم عيد من اخطب لك اتمناها من زمان .
حسام :يوم البنيه موجودة وهي مدرسه تداوم بمدرسه الوالد
الام :يعني مختار ومقرر🤔 يله احسن حتى لاتكول باجر هاي اختيارج
حسام: يوم البنيه شفتها وعجبتني باجر اذا ماعندج شي اخذج لبيتهم العصر ؟
الام :ان شاء الله امي نروح ويارب يكتب لك الخير
......
هنا دخل اخوي الكبير عماد هو متزوج وعنده ٣ اولاد قال :اييييييي هذا حسومي يدعوله ويروحون يخطبوله هذا حبيب القلب
الام:ولك ليش هيج تكول كلكم عندي نفس المعزة
عماد: لا عيني لااااا حسومي عزيز قلبج من يوم هو صغير
الام: لا من صغره وهو مؤدب وهادئ وشنو اكول له يكول صار
عماد :اييييه بعد شنو نحجي شنو نكول😐
حسام :هلا بيك عمدة .شنو الموضوع اكلتني وشربتني ليش وحد انا كلكم خطبتو وتزوجتو وانت بالذات خطبت بعد قصه حب اطول من قصه عنتر وعبله اشو ماكلنا شي ليش من وصلت لي
عماد:ولك غير انت كنت صغير وماتدري مو الدنيا انقلبت وامك مارضت تخطبها تكول مادام تحبها راح تترك اهلك علمودها ...وبالف ياعلي الا كدرنا نقنعها تروح تخطب
الام:اي حقي اخاف شمدريني منين مامنين جايبها الي
عماد:هسه مو مهم هذا الحجي .باجر ترحون تخطبون لو لا؟
الام ان شاء الله
حسام صار الليل عليه شطوله ردت يطلع النهار ماكو صورتها ببالي وصوتها كل ساع تجي صورتها ببالي
