بغدادية فصلية بصراوي

بارت7

هيلين: شنو الي ديصير سيييف

سيف: ماعرف هيلين حالي من حالج هسة رح ابدل وافتهم السالفة

هيلين: انتبهت ع سيف متوتر عبالك حرامي بايگلة بوگة بدلت ونزلت ورا بس نزلت بدون ما اطلع صوت قسما بذات الله ياسيف اذا تطلع فعلا مرتك وابنك تحلممم ارجعلك واصيرلك مرة تسمعت عليهم يكللهاا انتي شابج هناااا

ام سيف: عفية يبن بطني عفيةة هاي الساقطة الي كتلك ماخذها الك انت سويت سواية وياية وذاك يوم وهذا يوم ما تحاجيني علمودها تالي تطلع ماخذها بدون علمي لا والاضرب عندك ولد منها لك انت شكد ماعندك غيرة شكد سكط هااا فهميني هيج ربيتك اني تاخذلك وحدة كح..... فهمنيي

سيف:بعياط يمةةةةةةةةة اسكتي ما اسمحلج تحجين هيج عليها وع ابني انتي الي جبرتيني اضم عليج واخذت نبا لان احبها وانتي رفضتي حبي والي يغلط عليها كانما يغلط عليه

هيلين: واكفة واحس شي بارد نزل ع دماغي ماعرف ليش هيج حسيت المفروض انفعل اكسر احطم اعيط الطم ابجي بس ماعرف ليش هيج بقيت جامدة واشوفة شلون يدافع عنها زين ليش ليش خلاني احبة البارحة والله البارحة جنت نايمة بحضنة شلوون هيج يسوي شلوون طبيتلهم وكفت كبالة وگمت اصفگلة كتلة اهنيييك ع قوة التمثيل الجنت شايلها والله صدوك اهنيك شكد شايفة ناس سكط مثلك مشفت ولو هو يدعبل الجدر ويلكة قبقة محسيت الة راشدي سطرني سطر

سيف: من كالت سكط وضلت تغلط ضربتها راشدي لان اني شيخ كبالها مو حي الله واحد واعرف حقها بس ميعني انو تغلط وتجاوز حدودها لزمت من وجها باعي ولج مو تشوفيني حبيتج يعني تتصرفين براحتج واخليج تحجين لااااا هذا الشي مموجود عد سيف ابد لتحلمين بيوم اخليج تهينيني واضل ساكت فتهمتي لو لا وعدل للغرفة ما اشوف وجهج

هيلين: هه رايحة يااا ماحجيها انتة تعرف روحك شنو

سيف: ساقط مو!!

هيلين: ايي

سيف: كمزت عليها اريد الجحها من شعرها ماكو طفرت وراحت التفتت ع نبا ولزمتها من زندها حيل
انتيي شعندج جاااية هااااا شعندج تردين تهجمين بيتيي

نبا: هاي شبيك سيف صار شهرين ادك عليك وانتة متشيلة ضل بالي عليك عبالي بيك شي

سيف: امشي وليي منا وليشوفج وجهي وحسابج بعدين
استغفرالله ياربي وشهل مصيبة الوكعت ع راسي خل اصعد اشوف هاي اللخ

هيلين: من اصيرعصبية حيل اخذ حبوب مهدء بس بشكل مفرط يعني فوك ال 3 اشرطة بأن واحد اخذت هاي الحبوب وحسيت رح اوكع من طولي وراسا رحت تمددت ع جرباية وبعدها محسيت بشي

سيف: صعدت اريد افتح الباب ماكو مينفتح هجمتة هجم من الدگ ماكو متجاوب ضطريت اكسر الباب كسرتة وفتت لكيتها نايمة ع جرباية و وجها اصفرر ضليت اضرب ع خدها حتى تكعد ماكو.جن جنوني شلتها وديتها للمستشفى سوولها غسيل معجة بسبب هل مهدء الشاربتة لان جانت الحباية الوحدة قوية كلش وهي ماخذة 4 اشرطة من هل نوع وشاربتهن بنفس الوكت وعلكولها مغذي وبقت نايمة اباوع عليها مثل الملاك شلون نايمة الله لا ينطيك يا سيف شلون سويت بيها هيج كامت تفتح عينها شوي شوي ضليت ابوس بيدها فتحت عيونها بكاملهن عرفت هاي ف مباوعت اصلا بوجهي سحبت ايدها واشرت ع باب يعني اطلع برةة