فصليتي القوية 👑💪

صدمة عمري 😔

بعد ما أيان شافهه نايمه راح جاب كرسي وكعد يمهه صافن عليهه ويحاجي نفسه:

- اني شسويت بيهه اول مره اشوفهه هيج ضعيفه كلمره قويه واتصدني وعاجبتني قوتهه بس اني ضربتهه على اكثر شي متأذاية بي ليش اني هيج متهور ليش اني هيج غبي لييش.... سامحيني حبيبتي هديل اني أسف لان هيج سويت بيج صدكيني بعد ماضربج بس كومي حبابه .

فجأه ايد هديل كامت تتحرك وأيان حس بيهه وفرح بس يافرحه ماتمت كامت هديل تتنفس بسرعه وصدرهه يصعد وينزل وأيان ركض صاح الدكتور ..

أيان : لمن جنت احجي وياهه نزلت دمعه مني طاحت على ايدهه وحسيت بيهه تتحرك فرحتت كلش حبيبتي كعدت بس فجأه صارت تصعد وتنزل وتتنفس بسرعه صحت الدكتور هوه طلعني بره وضليت منتظر تقريبا ساعه ..

بعد ساعه 🕙 :

طلع الدكتور كله ماكو شي ان شاء الله هاي جانت مرحلة خطره وانزاحت بأذن الله راح اكتب على دوه وسوي ورقه خروجيه ..

- ماشي دكتور .

كتبتله على ورقه خروجيه وطلعتهه .. وصلنه للسيارة صحصحت بس من شافتني ابتسمتلي كتله :

- بعد السويته بيج تضحكيلي ..؟!

- انته من حقك هيج سويت اني غلطت ويه امك وانته سويت شي الصح ..

أيان
ضليت صافن بيهه وبنفس الوقت ضايج من روحي لان دا أأذيهه هواي بس هيه دائما تحجي ويه امي غلط وتعلي صوتهه بس اني راح اعرف منو الغلطان هي لو امي ..

رجعنه للبيت صعدتهه فوك وتقصدت اكول لامي انه هي لازم تبقى مرتاحه ومحد يضايقهه ولا تشيل ثقل حته اعرف شراح تسوي ..

نصبت كامرات بغرفة هديل حته اعرف امي شتحجي واخذت الاب توب وطلعت بالسيارة ركنتهه كبال البيت بالزاويه حته محد يشوفني فتحت الاب توب وشفت هديل كاعده ..

هديل
بعد ماصعدني أيان بغرفتي كام يسوي بالغرفة يرتبهه بس لاحظت علاكه ويا كتله شنو هذه العلاكه كال راح اطلع وهذني شويه ملابس أخذهن لصديقي بالمستشفى ماعده احد .. المهم طلع أيان وره ساعه ماحسيت اله الباب اندفرت بكل قوتهه كلبي انهز طبت سناء تعيط وتغلط عليه :

- كومي لج كوومي سويتي هيج حته اتحرضين ابني عليه وهاي المسرحيه متعبر عليه انتي مثل الحيه مابيج شي  كوميي ..

- عمه اسمعيني بس ماتقصدت هيج احجي وياج اسفه ولله ماعيدهه بعد ..

- ياااااا ؟!! وعباالج يعني هسه اني راح اسامحج ونرجع مثل قبل لا يبعد امج منا وجاي راح اسوي المستحيل حته اطلعج بره بيتي فاهمههه شكوول .. يله كومي اشتغلي ..

- بس ؟!!

- شو انتي متفتهمين الحجي شو تعالي ..

وكامت سناء جابت عوده وضلت اتضرب بهديل لحد ما كامت هديل على حيلهه وطلعت تركض بره ..