المصارعة الساحرة والبرجوازي المغرور (قصة مغربية)

الجزء1:

كنت ناعسة مابيا ما عليا
روان:هاديك نوضي راه 8 هادي
ملاك :وابعدي مني وسيري ت*ودي والحجر عافية عطوني تساع حتى نعاس منعسوه
روان:راه ياسين كيتسناك لتحت
ملاك:عرفتي غتمشي ولا غنجمع ختي بواحد شمال
روان :هاني غادة
مشات روان عند الجدة(حليمة)
روان:جدة ديك الزبلة مبغاتش نوض ياسين كيتسناها التحت
الجدة(كتعجن):هاديك بنت الهم مابغاتش تنوض (غسلات يديها) هنا جاي لمها
دخلات عليا جدة
جداتي:هاديك نوضي تگعدي دري كيتسنا يك
ملاك(كنسحب ختي لكدوي معايا) وسيري ت*ودي
طلعات معايا مع واحد القرصة
جدة:ياك ال*حبة تحل ليك الفم
انا(كنحك بلاصة دقة):كنت كنسحبك روان
روان:ههه عبرتي عليها اجدة
انا:(كنعيب فيها) عبرتي علها جدة سيري قبل من صدق ملصقة ختي وديك الكسوة ليلابسة حيديها ما جاتش معاك
روان :(كتعوج) اوففف هنا غنمشي لخدمتي
جدة(شداتني من شعري) :هاديك زوفري سير تغسلي حالتك هودي عند دري كيتسنا فيك
مشيت دخلت الحمام مهم نعرفكم على راسي وقبل من نديرو في طاجين مايتحرگ انا ماعيني زورق ما جمالي خاااارق ما عندي شي حوايج معندش بنااادم دخلنا عليكم بالله ماعييتوش هادي عينيها زورق حمر خضر مهم نعرفكم عليل سميتي ملاك بنت صالح ولد حليمة المناضلة الله يخليكم عندي 21 عام انا سمرة ديك سمرة زوينة عينيا عسليين فم عادي لاطاي لم*ودة راه غير حيت كنتريني ماكون شفتوني قبل كنت كي عود ثقاب شعري طويل ممنوع نقطعو القراية معنديش معاها كدخل من ودن وتخرج من ودن ولكن ختكم شادة لغات غير بالاغاني راب . انا مصارعة مهم غنشرح ليكم كيف دخلت ليها من صغري وانا شيطانة 😈 😈 نضربتني نهود ليها الوجه كنت كنقمش نعض نهرس قرعة الجاج على شي حد مهم كنت قبيحة بزاااف ومازال ولكن غليجبدني مع بديت نكبر وليت كندخل في بنادم غابلكروشية دري ولا بنت
كان ياسين ولد دربنا لكنعتابرو خويا وعشيري كان كيعلمني من بعد ما دخل ولا مصارع تشهر بزاااف ولا كيربح الجوائز سلامي
بابا كان كيخسر فلوسو ف الكازينو لاخدمة لازبل ،ختي روان لخدامة مساعدة شخصية فواحد شركة هي باش كنعيشو وجداتي حتا هي عايشة معانا هي لكطيب ولا ختي كتصبن انا بعض المرات نانضت ليا جداتي بشي عصا ماما معيشاش معانا ولادتنا وقالت ليك بغا تعيش حياتنا بغا دور وتماكي وتلبس ومعندها ما دير بشي ولاد خلاتنا مع جداتي وبابا وخا كيسكر مي كيبقا بابا ولا بعض المرات كيتسانولو الفلوس على ود القمر مشكلة كلعب غير معا هادوك الگنوگة(lgnonga)كنمشي نقمر معاهم ختكم طيارة في القمر من صغري وانا نشوف ناس كيكيقمرو عاطية غير دوران طلع الدار حتى ثناش ولا جوج ديال ليل شكون يدوي معيا من غير جداتي مسكينة محناها معايا مهم لباسي كل مرة فشكل بعض مرات كيكون بحال بنات مشاي الكساوي نو مكنحملهمش المقطع ميني فونط ولا لباس زوافريا
عكس ختي روان لبس الكساوي والمكياج وتخربيق
عندي صديقة الطفولة شيماء هي عينيها قهويين وبيضة شعره صفر عندكم تسحبو باها گاوري ههه لا ولا مها شمالية لا لا غير مصبغاه حيت كيجي معاها صفر
انا وياها كنتشابهو لا في لبس لا في هدرة لا في مضاربة حتى هي كضارب لكروشيات ونتيف ولكن ختكم مجهدة عليها
بديت المصارعة وانا عندي18عام خرجت من القراية من سانكيام عارفة راسي مامنجماش مامنجماش
ندخلوا فصح بابا كانوا كيتسالو ليه الفلوس وخدمة ختي مايكفيوش داك الفلوس لهاذا قتارح عليا ياسين نولي مصارعة قبلت حيت ماكاين حتا خيار سلفني فلوس من بعد ما ربحت المسابقة رديتهم ليه خديت جائزتي الاولى ودابا ختكم ولات مشهورة تحولنا من دارنا مشينا واحد دار في حي راقي كان مورا حينا القديم وخا جداتي مولفاتش بزااف ملقاتش معامن تبرگگ نمشي نهود عند ياسين راه كيتسنى فيا نابقيت نعود ليكم مغنساليوش
هودت لقيت ياسين ويلي نسيت موصفتوش ليكم هو زوين بعض المرات كنقوليه غاراجلي كتشدني الحالة(الزملة)
عينيه قهويين العضلات خلاص و السنان بيضين ولد الحرام الفلوس اش كدير كنعقل عليه كي كان بلا متعرفو حسن من نهار عقلت عليه هو كيحماق على ختي روان
ياسين :على سلامة من قبيلة وانا تسنى
أنا :نتا مالك ا نمي جاي ليا مع نابوري وخلي حتى 12
ياسين:المسابقة قربات خاصنا ندربو
انا:هوففففف زيد يلاه
عنقني وبقينا غادين
ياسين:مال حبي مقلق
انا:فيا جوع اصاحبي گاعما فطرت
ياسين:زيدي نمشيو واحد ريسطو
مشينا فطرنا دخلنا لاصال ديال ياسين لقيناه عامر شي شويةدخلنا واحد البلاصة خاصة غير ديالنا دخلنا بدينا دربوا ولد الحرام كيغفلني بقينا هكاك ربحتوا فواحد الميطة
انا:وااااااع كون كانت شيماء كون شوهاتك
ياسين:ههه وياه غلبتيني ا العفريتة
تمات جاية شيماء مع الوحدة
شيماء:صباااحو
انا:صباحو
ياسين:نعاسة يلاه فقتي
شيماء:وتا مالك دخلوا حتى فنعاسي كنت غنكون حتا انا بوكسورة ولكن القادية فيها الفياق بكري لا ا عشيري خرجت من المدرسة على ود هاد زبل
انا:ونتي لصادقا ليك تسهريني فليل وفي لخر نبرك على صبع نفيق مع دجاج
ياسين:زيدوا نكملوا
نمشيو عند روان
سلام سميتي روان عمري 23 عام انا بنت زوينة كنعتارف بيها بيضة وعينيا قهويين وفم منفوخ عزيز عليا المكياج ولبس ونقاد حالتي كأي بنت خدامة فشركة ديال ازياء
كنحماق على صاحب مدير ديالي اح سميتو انيس زوين وضريف وضحوكي هو بوكسور كيسطيني انا اصلا خدامة على ودو باش نبقا نشوفو مي المدير ديالي بلا كذوب زوين بزاااف ولكن كيركب فيا رعب وناري شحال فيه تكبر ميشوفش في لرض مهم كاي مساعدة كندير خدمتي ،ناري واحد خطيبتو حتى هي مكتنفسش اوف تلاقاو سميتها يارا عارضة ازياء خدامة معانا وخا باها خانز فلووس
نمشيو عند شيماء
سلام بلا منعرف على راسي عارف صاحبتي متخلينيش انا عايشة مع بابا وماما الاب ديالي خدام فواحد شركة ديال ازياء معروفة وخا معارفة حتا سميتها معنديش مع الحب و زبل ونحكي ليكم على حياة ياسين هو مو مشلة مسكينة من واحد الحادتة والاب ديالوا كان خدام فقهوة دابا لا نسيت مقلتش ليكم حنا ابائنا مصاحبين مصاحبة روح روح وامهاتنا و جداة ملاك
😍😍😍😍😍😍😍😍😍😍😍😍😍😍😍😍😘😘😘😘😘😘😘😘😘😘😘😘
البنات هادي غالبداية عرفتكم على شخصيات القصة وحياتهم اليومية واش نكمل؟؟؟