المصارعة الساحرة والبرجوازي المغرور (قصة مغربية)

25

البنات راه قلت ليكم كان عندي امتحان وغنغبر عليكم علاش تعطلت نشاء الله كل نهار نلوح ليكم بارت طولت ليكم هاد البارت والقصة تفااااعل نقصص واش كتر من 100 وحدة قارية و20 وحدة لمشجعة والله حتا كنمرض فيقول ليا واحد راس غنلوح في البريفي ومنخسروش مع بعضياتنا ضحيت بجوج قصص باش نلوح ليكم غنولي نلوح ليكم يوميا نشاء الله ولكن تعاونو معايا!!!!!! حتا نتوما
-----------------------------------------------------------
شيماء: ايوا كيدير ويلي حشومة جيتي مثقل
انيس: ههه ماشي شي حاجة شتك حمرة مالك
شيماء: اخخ متفكرنيش دوك السوشيات لعدنا(قصة سوشي لمكتحملوش ولا تتعيط عليه سوشي) من صباح وهوما تيتعوجو عليا(شدات ليه فيدو) :انيس نسولك و جاوبني بصراحة
انيس:سولي
شيماء:واش بصح انا خايبة و صفرة متكدبش عليا
انيس(كيلعب في الگوصة ديال شعرها) : وشكون لقال هادشي
شيماء: شكون من غيرهم دوك حديدانات (بترجي) : ودابا جاوبني بلييييز
انيس: (رجع ليها گوصة مورة وذنيها وشد ليها حنكها بصباعو وكيلعب فيه) :نتي زوينة واصلا غير كيغيرو منك مديها في حتى واحد
شيماء(بحزن): حتى داك نهار فين كنت معاك في ريسطو قال لها ليا المدير ودوك الكروڤيتات وحتا العساس بعد مني كتكذب عليا (تمات غادة)
انيس(جرها ): والله ا الهبيلة ما كذبت عليك انا بعدا كتجيني زوينة بلا ميكاب وندرتيه غيبرز جمالك وانا باغيك غهك صافي دابا
شيماء:امم (بحزن) : كتكذب
انيس: ههه (باسها في حنكها قريب لفمها) : باقة مقلقة
شيماء(طلعات معاها الحمورية زغرتو زغرتو و شيماء كتحشم)
انيس: هههه شنو باقة مقلقة (زدها بوسة في الحنك ولاغر ونفس البلاصة)
شيماء شوية وتسخف گاع دم لفيها طلع في وجها
انيس: هههه شنو ياكمة ما عجباتكش البلاصة ماشي مشكل بقا كيقرب لشفايفها
ناجية:شيماااااااااااااا
قفزوا بجوج على الصوت وشيماء دفعات انيس وهربات طواليط
اما انيس بقا كيضحك غراسو مشا الصالون لقا بات شيماء جالس معاهم سلم عليه وجلس حداه
شيماء: هاويلي ميميتي باني والله تا باسني نحمد ربي مشلقمنيش ويلي وليت بحال مطيشة اويلي اويلي اويلي (كتندب)
ناجية: شيمااااا والكارتة
شيماء : هاني جاية اوه
تمات غادة شافت في انيس بنص عين مشات جلسات قبالتو وحاضياه غبنص عين
الخالة1:شتك حمرة مالك
الخالة2: ياكما طلع معاك شي جن في طواليط
شيماء: لا لا غطالع معايا سر
الخالة3: اممم ايوا ولدي انيس ياك
شيماء(اوخخ دابا هادي اش باغة بيه علاش جا غيديرو معاه لونكيط وتفو الواليدة كتر منهم)
الخالة3: فاش خدام اولدي
أنيس : مصارع
الخالة2:شناهيا هاد مصارع
علية: هي بوكسور داكشي لكيتفرج فيه زياد في التلفازة المضاربات
الخالة1: ااااه قول كتبان في تلفازة(حنا عدنا لكبات في تلفازة خانز فلوس معلينا غفالقصة) وشحال كتشد اولدي
شيماء: وعلاش هاد الاسئلة
الخالة3: اوه بغيت غنعرف اولدي كيتلقيتي مع بنتتتتتي(وراكات عليها) شيماء
انيس: تلقيت معاها نهار كنت مشيت نتفرج في ملاك وتما تلقيت معاها
الخالة2: هيا اولدي زينة وظريفة ولكن دراع زيرو مسكينة يلاه كتعلم شقة ونتا خاصك شي وحدة ناضية بحال بنتي اية شقا ونضا ونتا كتجي مدگدگ خاصك المرة لتهتم بيك ولا لا
شيماء(ولات حمرة بالعصاب شافتها مها لكانت اقل منها كتشوف كياش كيعيرو في بنتها غير بريط)
انيس:سمحي ليا اخالتي ولكن انا نتزوجت بشي وحدة غنتزوجها حيت كنبغيها ومغنبقاش نفورصي عليها باش تخدم اصلا غندير ليها الخدامات وتعيش كي الاميرة وبالنسبة لشيماء (شاف فيها وبتاسم وهي شافت ب
فيه غير بنص عين) فهي بنت ظريفة وزوينة وبلا نفاق عمرني ماشفت شي وحدة بحالها ولتزوج بيها غيكون محظوظ
ناجية(بفرحة كتشوف خوتاتها لمقموعات من هدرة انيس) :احمم ايوا تبارك الله عليك اراجل بنتي المستقبلي الله يخليكم بعضياتكم ويكمل عليكم بالخير والخمير
انيس(مفاهم والوا امتا ولا خطيب بنتها ولا راجلها كتافى بضحك):امين اخالتي
شيماء(مصدمة): ها راجلي امتا تزوجنا
ناجية(بعصبية خفية) : نوضي تگعدي عمري اتاي
شيماء: وهاو راني جبتو
ناجية: ديريه مسوس طاح ليا سكر واصلا هاد الهدرة ديال كبر يلاه
شيماء(هزات مناخرها وكعير فيهم تحت نيفها) : اخخخخ صغيرة عندي 23 عام عازبة وكيقولو ليك صغيرة بففف
مشات شيماء الكوزينة ونطقات ناجية
ناجية:ايوا ولدي انيس امتا غن تجيب مك وباك (البنات حصريا لبغات تزوج تجي عند ناجية انا براسي هاد زواج معرفتوش كيغيصدق دغيا زربات عليه ضرب الحديد ما حدو سخون) بنتي شيماء تبارك الله كبرات ولناوي معقول مرحبا جيب والديك ودار ونتفاهمو على صداق والعرس والحنة اش بانليك
عمر(كيوشوش مع ناجية) : انا بنتي امتا جاوها الخطاب
ناجية: هاويلي على راجل سكتنا (مع انيس) : ايوا اش قلتي انسيبي
انيس(بقلة الحيلة معرفش كيلصقات عليه هاد الخطبة و من جيهة خرا فرح كيفاش داز لشيماء) : صافي وخا نهار سبت جاي ونجيو منها نسالي واحد الكومبا و نوجد راسي
ناجية: يووويووووويو بنتي غتزوج
شيماء(جات كتجري) : ماااالك امي كتزغرتي طيرتيها مني خلعة
ناجية: ايوا بنتي ليوما غتزوج
شيماء: ايوا مبروك بلاتي شكون بنتك شحال عندك نتي من بنت أنا لا والله لا تزوجت والله لا تزوجت ليكم بفؤاد(ولد خالتها) صافي بغيتو تهناااااو مني ياك ابا هادي هي نعيش معززة مكرمة ونتي امي كبدة ياك تحرقات دابا مبقاتش عاطية العين
ناجية(وقفات ناوية تنتفها) : بغيت ليك الغمة وسيبانة صدعتيني تي مال مك سارطة غلاقة مكتسكتيش ومالي حمقة نزوجك بفؤاد
الخالة2: علا كيجاك ولدي
ناجية: سكتينا مرشقاش ليا عليكم نصدق مخسرة معاكم
شيماء(تخبات في انيس) : ولا ولا ولا ولا والله لا زوجت
ناجية:وناري مك ما تزوجي حتى نفرسك فريس تبقاي باركة ليا هنا في دار لاشقا زين لا فياق بكري
شيماء: صافي قوليها من لول بغين تهناو مني نهز صاكي ومتعرفوني فين مشيت
ناجية: فين غتمشي ها من غير عند ملاك ولاياسين
صهيب: لا متمشيش عندهم غتمشي عند صلااااح انا لعارفاه عزيز عليها تبرگيگ (صلاح جارديين عقلتو عليه)
شيماء(كتغمز فيه وتقولي واش بغا يسكت)
ناجية: اي هاي قلت لمك تفرقي على داك زوفري ها قولي باغة تولي عزري دوار شوفي حالتك كيولات
شيماء(وقفات وكدوي بعصبية) : صافي باركة لا نتي لا خواتتك اصلا فين عمر شي حاجة عجباتك ديما مصبحة البنات كدقك كطيبو ويعجنو وانا لا زين لا مشية مقادة اش ولدة خطية ياك انا خطية قولي باغة تفكي مني ايه نمشي عند زوافرية ولا الهدرة لطلعات ليا في راسي انا هكة او خالتي انا لبغاني على شقاية منتزوجش بيه مربيت حتى مخي بقا البز اوه انا مشيت البيتي اخ
مشات شيماء لبيتها وتلاحت كتبكي فوق ناموسية يمكن مها مكتحاولش تجرحها ولكن هي كتحس بيها وخصوصا ليوما سمعات بزاااف الهدرة من خالاتها وبناتهم وزيديها على مها من صباح وهي تسمع في الهدرة
في الصالون
ناجية لتنادم معاها الحال وخا كتعيرها باغة ليها مصلاحتها مكانتش ناوية تقلقها غير باغة دير فيها نفس
عمر: تهنيتي دابا اودي صالحيها دابا
ناجية: مكنتش ناوية نقلقها غير بغيتها دير نفس ميضحكوش عليها عائلة راجلها
انيس(وقف ): انا غنمشي عندها
انيس: شيماء حلي
شيماء: سير ا أنيس عفااااك بغا نبقا بحدي
انيس: وحلي ونخرجك احسن خرجة
شيماء: مبغيتش
انيس: غدا ندخلك عندي في الكومبا تبقاي معايا و نديك شي ريسطو و پارك
شيماء:الصمت
انيس(بجدية): شيماء حلي باغي ندوي معاك ويلاه قبل من هرسو
شيماء(حلات الباب نيفها حمر وذنيها حمرين وحتى عينيها) : وهرسو تغرمو
انيس: هه واخيرا اجي معايا (جرها معاه ناموسية وخلا الباب مردود) علاش كتبكي
شيماء: كتفلا عليا لا
انيس: ماماك دوات غير عزيزة عليها راه تنادم عليها الحال.
شيماء: عارفة ولكن ديما كنسمع ديك الهدرة حس بيا
مورا الباب كاين صهيب وناجية وعمر كيتسنطو الهدرة وحتى خولاتها كل وحدة بدات كتجي وكيسمعو فيهم كيهدرو
انيس: علاش تقلقتي فين جبدات ليك الزواج
شيماء: وراه حيت مكنحملوش بغات تزوجو ليا كيطلع تقاشر حتى لفخاض ويلبس شورط معاهم وسندالة ميكة داكشي ديال #تعميق
شيماء: وباش عرفتي راسك غتزوجي بيه
صهيب(بشوية): يلاه اسيدنا تسرسبو غيبداو داكشي ديال قلة حيا تصبو تصبو خليو راجل مع مرتو وانا نجيب ليكم الخبار
ناجية: اويلي على قلة الحيا وسير نتا لمخشي راسك هنا
صهيب:هنا را عارف شي حوايج معرفينهمش توما راغير كنحشمو وصافي
الخالة2: شو سكتو خلينا نسمعو
شيماء: علا شكون غنتزوج
انيس: شكون فنظرك
شيماء: ياكمة شي استاذ فلسفة لا لا لا خرجت على ود هاد المادة اخخخخ ومبغاش نتزوووج
أنيس : والهبيلة غتزوجي بيا انا
شيماء: كضحك عليا
أنيس (بجدية) : بنتليك كنضحك
شيماء: قول والله
أنيس : والله
شيماء : عاود قول و الله
أنيس(تنهد بقلة صبر،)
شيماء: صافي صافي تيقتك اااااه غنتزوج بگووووووص ربي استاجب دعواتي وخا مكنتش ناوية نتوزوج بأبو العضلات ماشي مشكل
أنيس: ههههه دابا أنا ابو العضلات
شيماء(قاصت ليزابدو): هههه هادشي عندك قاصح
أنيس(حيد ليها يديها) :هههه دبا تشوفي حاجة خرا قاصحة
شيماء:ها؟ ههههههههههههههه ها العر 😁 😂😂😂😂 باركة وناري ميمتي
انيس (كيهرها):لا غزيدي
ناجية:اويلي اش كيديرو هادو
صهيب(خشا راسو كيطل لقا انيس فوق شيماء كيهر فيها) : هادو شتهم نقزو طاج لخر
عمر:تا اش واقع
صهيب (سد ألباب ):وصافي غير كيضحكها باش متبكيش
ناجية:اه واخة
عند ملاك لنسيناها هههه بعد 3 سوايع
جالسة فواحد الغرفة مظلمة فوق كرسي ودايرين بيها صحاب الكوستيم كيفما سماتهم هوما
الرجل1:دابا كنتعاملوا معاك بلطف
ملاك:هادشي كامل وبلطف
الرجل2(ضرب فوق طابلة بجهد) :هي براكة يا اما غتقولي لينا الاعضاء لمعاك ولا غنتفهمو معاك بطريقة خرا
ملاك: الله اكبر والله ما نكذب عليك مشيت غير نسولو على فردي وصافي
الرجل2(غوت): وكتعتارفي سهلتي الفردي لا لا نتي خاصنا نتفاهمو معاك بطريقتنا
ملاك(بكاء): ها العار اخويا متفاهمش معايا راه لخدامة عندو ديما كيجبد عليا فردي
الرجل2:هاهي عتارفات دابا قلتي المدير ديالك
ملاك(مسحات دموعها) : اه ونمتيقتينيش نجيبو حتى لعندكم
الرجل1:حتى هادة حل ولكن غنسمعو المحادثة ديالكم
عند مروااااان لصونا على ملاك مكتجاوبش
مروان :متجاوبيش حتى تجي ونشوفو علاش مكتجوبيش و زايداها بتعطال بقا كيخدم حتى صونا تيلي ديالوا وكانت ملاك
مروان:فيييينك
ملاك:ها في ف....
مروان: مال كتفتفي ليا تما وفين معطلة نمجيتيش مغتخلصيش هاد شهر
ملاك(تسيفات ):شناوا عاود اش قلتي ا *امل وبربي ما تخلصني ..اي (ضربها الراجل 1) جمع يديييك مروااان هالعار وخا مكتحملنيش غفكني من هاد الحريرة.
مروان(غمض عينيه وحك جبهتو بصباعو وتنهد) : اشمن كارتة درتي جديدة
ملاك:ماشي كارتة غير.. مهم جي انا في الكوميسارية
وقطعات قبل من تسمع معيارو
ملاك:صافي هاهو جاي وغتشوفوه بعينيكم حتى عندو الفردي وشحال من مرة هزو عليا
عند مروان لركب في سيارتو وكسيرا الكوميسارية لعرفها فين غير بال جيپ إيس
وصل وهبط بمشيتو المتعجرفة لكدل على غرورو وتوجه لداخل كلشي كيلقي عليه سلااام بحال شي جنراااال واكيد وكلشي عارفو اش كيسوا من غير ملاك
شافو الشرطي (هز يديعكه كاحترام)
مروان : جات عندكم شي وحدة دابا شادينها فين هي
الشرطي : فهاد الغرفة لي علا ليسر اسيدي
مشا بلما يقول ليه شي حاجة وحل باب وهي توقف ملاك
ملاك: هاهو جاااا جيتي برجليك اولدي يلاااه بسبابك شدوني ومن صبااااح وهوما يشلضوا فيا يلاه وربهم الفردي شتك خفتي اوه قول كتجبدو عليا غأنا و.....
تسمعات رصاصة خرجات دازت من فوق جبهتها بشوية شافت فيه مصدومة
ملاك:بغيتي ترزيني في شبابي بغيتي تدخلني الحبس ودابا تقتلني (دارت عند رجالة لكيشوفو بخوف في مروان) : يلااااه هاوة شتوه وشدوه وهنيوني منهم مالكم فمكم تعقد
الرجل1: سي.... س. سسسسسي مروان
ملاك:ها سي
بقات كتشوف فيهم بصدمة كيفاش كيدويو معاه شوية يبوسو ليه رجليه شافت فيه لقاتو كيشوف فيها بنظرات مميتة حيدات عينيها من عينيه حيت خلعوها
ملاك:ش..شنو... دابا مغتشدوهش ياك من صباح ونتوما تعيرو فيه (ايوا نكنت غناكل قتلة والله ما حتا نتوما تكلوها معايا)
الرجل1(خرج عينيه) :انااااا
ملاك(بتخراج العينين) :اااااااه مالي كذبت علييييكم (مشات قربات لمروان ودوات برقة): مرووااان ياك انا مكنكدبش و الله ما نكذب عليك من صباح هوما يعيرو فيك وهددوني وداك *امل ضربني
مروان(حول عينيه ليهم) : شكون لفيهم
ملاك:داك الوسطاني
مروان(خنزر فيه هو ولمعاه عرفو هادي اخرتهم)
ملاك: اه صافي سمحوليا تعطلت على الخدمة يلاااه بسلامة
مروان(شدها من يديها وقربها ليه) : يلاه تفكرتي الخدمة
ملاك:نكذب عليك تفكرتها غمنين طلعت صطافيط
جرها مروان موراه وكلشي وقف باش يقدمو ليه تحية .ملاك كانت محيحة غشافتهم اش كيديرو وهي ترصا عرفات ان هادة لجاره ناشي شي انسان عادي اي ماشي غير مجرد برجوازي او رجل اعمال
طلعها في الاوطو وطلع هو من جيهة لخرا شاف فيها وهي كتشوف فيه غير بنص عين
مروان(كيشوف في طريق) : دصاريتي بزاااف وفتي حدودك جاني خاصني نتعامل معاك بطريقة امثالك
ملاك(واش نتوما ليوما لنتلاقا معاه يفهمني بطريقة)
بقاو غادييين في طريق عرفات راسها غادة معاه القصر ديالوا
بقات كطلب في الله يعاونها ويفكها منو
البنات وخا تعطيو تقيييييم للقصة محتجاه ضروري بليييز