احببتـه ولكـن ... !

احببته ولكن !

احبــبـته ولـكن ... بقلم✏الكاتبة ((نور الحسيني))

سمر : اعرفكم بنفسي سمر من الحله عمري حاليا25 حنطيه على سمار عيوني صغار بس مو حيل وجوزيه

فاتحه شعري لنص ظهري جوزي ووزني زين يعني ...ارجع لما جان عمري
20 سنه .... عايشه ويا ابويه وامي

واخواتي ثنتين ميس ومرام تؤام وعمي مازن ومرته سعديه وولد
عمي اثنين سعد وعباس واختهم امنه

ابو سمر : سمر هاي المره اذا طلع معدلج ناصي تكملين مو صارلج سنتين

مادري 3 سنوات بالسادس على مود المعدل ....

_ لا ابوي شجاك تعرفني رايده طب عام والا معدل عالي يلا يقبلوني

_ ولج بنتي هاي اخير سنه سنه التجي تتحولين مسائي

_ انشالله ... كمت طلعت برا للحديقه ورا البيت صايره  ... المساحه كلش جبيره ...

كعدت هيج كراسي حاطين ... حطيت ايدي ع خدي وصفنت ...

سعد : اعرفكم ابن عم سمر عمري 24 ... جنت طالع صاحبي كال نتائج

السادس طلعت رجعت للبيت على مود ابشر سمر ...

سمررر سمررر وينج ... ؟

ام سمر : هاا شجاك تصيح ..

_ مرت عمي يمعوده اريد ابشرها بس البشاره الي اذا حمامه ..

_ ليش شكو شنو البشاره ؟

_ بس كوليلي وينها ..

_ برا كاعده بالحديقه ...

_ اشكرج .... طلعت ركض عليها من احنا صغار متربين سوا وميانه حيل ابيناتنا ...

لجج سمررر سمررر ..

_ كاعده وصافنه افكر بمستقبلي ... طيرت روحي وجع سمر شبيك؟

_ هههههه شبيج وين شارد عقلج

_ وين غير بحظي المصخم

_ لا لا لا عندي بشاره بس اذا طلعت حمامه اريدها الي البشاره ..

_ شني ولك طلعت النتائج طلعت معدل وكمزت من مكاني ....

احجي ولك احجي ...

_ ههههههههه شبيج على كيفج طلعت نتائجكم شويه ويخابرني صديقي ...

_ لااا والله ول ياابه رجعت كعدت عالكرسي ... وصفنت صارلي سنتين امتحن واطلع ب70 لو 60

وهاي اخر فرصه يارب ساعدني ياررب فرحني

_ هاي دگ علاء الووو...

_ هاااا ناجحه بنت عمك ..

_ادري شكد المعدل ؟

_ راح اصورلك درجاتها ودزلك ياها ...

_ تمام لتتأخر ...

سمر : والله نشلع كلبي احجي شنو

_ هسه يدزلي صوره درجاتج ..