احببتـه ولكـن ... !

احببته ولكن ...!

البارت الثانـي ...احببته ولكن ...!
بقلـم ✏ ((نور الحسيني))

__________________

شون متكبر بالجذب ميكول اسف وفوگاها هو المتعدي ...

انداريت الكل تباوعلي غلست ورجعت ع البنيه الشفتها سلمت ...

_ السلام عليكم

هبه : وعليكم السلام هلا سموره

_ عااا تعرفيني

_ اي اني هبه جنت وياج قبل سنتين بالسادس نسيتيني

_ هاااا هله هباوي حبيبتي شلونج

_ ياهله عمري مشتاقين وين هاي الغيبه شگد سألت عنج يگولون عدتي للسادس

_ اي والله تالي مطلعت الي اريده ..!

_ هسه وين قدمتي

_ علوم بايولوجي وماجاي اندل وين القسم ..

_ اييي قريب منا هسه ادليج ...

_ ماشي اخذتني هبه ودلتني عالقسم ماتي ...اشكرج هباوي حبي

_ لا ولو اي شي تحتاجي اني حاظره واذا خلصتي محاظرات تعاليلي هناك القسم ماتي ...

_ هااا اي زين ... دخلت القاعه كلها شباب وبنات .... اخذت ستول وكعدت ..

بقيت مدنكه واگلب بالدفتر شايلته فارغ مابي شي بس كتبت اسمي ...

جتني بنيه دبدوبه وگصيره حطت ايدها ع جتفي ...

ملاك : مرحبا ...ممكن نتعرف

سمر : اهلا حبي اتشرف بيج

_ ملاك .. تعرفين مرحله اولى واني جديده وانتي هم ف گلت نصير

صديقات من شفتج كلت خل اتعرف عليج

_ ههههه حبيبتي اني هم والله جديده بس رايحه عليا سنتين المهم اسمي سمر ...

_ تشررفت يعمري ....سموره

_ بقيت ندردش اني وملاك شفتها خوش بنيه وحبابه .... بعد ساعه

صار عياط الولد وناس تركض اني خفت كمنا من مكانا انباوع شكو ...

ولد ثنين صايره مشكله بينهم اباوع يمكن شايفه هالولد هذا ....

ياا هذا نفسه الي وكعني اليوم شجابه هنااا ياالله ....باعدوهم الطلاب الواكفين ...

علي : استغفرالله واتوب اليه .... مسحت راسي بيديه نداريت صارت

كبالي البنيه الوكعتها اليوم هلا هلا شجابها ... بس لا نفس القسم ..

غلست وطلعت من القاعه رحت للقاعه ماتي ....

سمر : وهذا شبي طبعا مااله عين يباوع بوجهي حقيررر ....

اخذنا محاظرتين وطلعنا تونست اول يوم مر شهر على دوامي بالكليه حلو