احبني صديقي (الفراشه)

بارت ٥

امي صفنت عليه وضلت تباوع الي وكالت اوكفي انه صدك ماعرفت اربي ... ليش ولج
... ليش ولج ليش هيج تسوين بيه هذا جزات تعبي عليكم هذا جزات رباي هيج تجازيني
ولج مانام الليل بس افكر بيكم شراح اشتري الكم وشراح اصرف وشلون اخليكم
تعيشون ومانمد ايدنه لاحد تالي بتي تطلع تخابر ولد
ولد على النت ولج اعيب على بنات هلوكت واحمد ربي واشكره واتفاخر بيكم كدام الناس انه ربيت وانه تعبت وابوكم الي مايدري عنكم تالي تطلعيني بلكباحه كدام الناس
..... كانت كلامت امي مثل الصاعقه عبى كلبي صدك كرهت روحي هيه تحجي واني ابجي حاولت وياها كل ماحجي كلمه تسكتني وتنزل عليه بلحجي بلزايد
..
كلتها والله ياماما احبه والله ماسويت شي غلط ولا نزلت راسج
..... ولج شنو مانزلتي راسي شلون بالله فهميني
هسه يجي خالج واحجي كدامه وكليله انه احب واحد وعن طريق النت ولج همه الولد الي يصادقون عن طريق النت تأمنين بيهم ولج هذا ماخذج لعب وبس ويفكر يكول هاي بذام تراسلني تراسل غيري شي اكيد مو صح انه معليه يجي خالج واكله

..... لا ماما فدوه حبابه لا تكليله
.....اي ماراح اكله انتي كليله خالي احب واحد وعن طريق النت وشوفي شيكلج اذا كلج اي هذا هو وقبل بعلاقتج انه اوفق وحتى لو تصبرين وياه بس اذا كلج
لا اخذ حتى النقال ونت ماكو ولج اكو وحده مثلج
تقبل تاخذ هيج واحد من هسه كاضيها التزام
بوشيه وصبري ٤ سنوات
وماعندي شغل هذوله شباب النت
مستحيل يقبل ياخذه وحده تعرف عليها منه
حتى لو جانت شريفه
وماعدها شي انه امج وادره بمصلتحج هذا الشي عوفي
وانه ماراح اجيب سيره لخالج ولا راح احجي
امي تحجي واني بس ابجي ماعرف شسوي وكلامها كان كله صحيح شلون مافكرت بي
... مرت فترة واني ماعرف عن عبدالله شي اروح للمدرسه
وبالي مو يمها
كله بعبدالله من اجي يادوب اكمل التحظيرات وانام
ماما خطيه حست عليه يعني ادنى شي اطلع حركتي بيهم
واصيح صارت بيه حاله عصبيه اعصابي تلفت عبدالله ماكو معقوله نساني وين وعدك

ابدد ولا اتصل ولا سأل عليه اتصلت ندى عليه
.... الوو هلو ملك شلونج
.... هلو بيج بخير انتي شلونج
.... ليش هيج تعذبين نفسج وتعذبينه ولج راح يموت
.... شبي لاتخافين عليه
..... تدرين بس يبجي ويكلي احجي وياها معنده ماترد علي
..... لا والله وهو ليش مايتصل بيه
..... ملك عبدالله يحبج وانتي اتصل كم مره ورفضتي ترى صعبه على الرجل يبجي علمود وحده
..... مشكلته مو مشكلتي كلي بس تكملين الرابع اجي اخطبج هنوب يوميه مطلع شي
سديته منها بعد ما سلمت عليها وهيه مابطلت يوميه
تكلي عبدالله سألني عنج واني ماعرف شسوي
..اتصل بيه رقم غريب واني كاعد احظر بمادة الرياضيات
.... الووو
..... الوو نعم منو وياي
.... انه اخت عبدالله
..... اهلا وسهلآ حبي تفضلي
...... ليش هيج تسوين باخوي حرام عليج
...... ليش شنوو سويت اني
...... اخوي من وراج شرب تيزاب وصارله يومين بلمستشفى
من سمعت بي احس كلبي يريد يوكف ويصيح باسمه
طلعت هلكد تحبني عبدالله لو ما معند وجاي خاطب
ومنه ماما الي حلفت الها ودرت بعلاقتي وكتلها راح اكطع ومارسل ولا ارد خطيه ضلت تدور وراي وكالت من ذيج اللحظه اهتزت ثقتي بيج صدك ياماما اني انطيت على نفسي علامه سوده المهم نرجع لاخت عبدالله
...اذا صار شي باخوي اندمج
......الله يكومه الكم بسلامه
سديت منها النقال وضليت ابجي تمنيت ااشوفه واكله خلاص سامحتك والله وحتى وعدي لماما نسيته
اني بس عيوني تبجي
واريد احجي وشنوو احجي
اني احبك والله احبك
وانته روحي وبيها اضمك بقلمي منى الطيف
... وراها هم اتصلت ندى وحجت عليه وكتله على وعدي لماما وكالت هسه هيه وين تدري بيج خطيه الولد انشلع كلبه
..... اتصل عبدالله وواحس روحي وكلبي وكلشي بيه يرجف لزمت النقال ارد مارد ارد خاف ماما تجي واني وعدتها بس رديت
.... الووو هلو عبدالله