احبني صديقي (الفراشه)

بارت ١٠

رحنه لبيت احمد وامه من وره خشمها تسلم عليه ما عاجبتها

وكل شوي تطك بسامير حتى زينه الي جانت صديقتي انكلبت عليه احسها تغيرت ..

بس المهم عندي احمد يحبني وشايلني على كفوف الراحه ما مخليني بعازة شي هاي عود بس بلخطوبه ومن غير كلامه الحلوو وياي يخليني اذوب بكلامه وهو الي خلاني احبه .... وخله الكل يغيرون نظرتهم عليه وكلها حبته امي الي تحجي بس بي كدام خالاتي وكدام الناس شلون مدلل بتي ويحبها ويحترمها ..

احمد اجه حجه وي امي كلها عمه انه كملت غرفتي وبعد ماعندي شي والخطوبه طولت صارلها سبع اشهر وملك بعد ماعدها شي خلصت الامتحانات وناجحه اريد اجيب مرتي يمي ..

امي كالت اله هذا هو يمه ماعندي اعتراض اذا تريد تاخذها مرتك هيه بعد احنه ماعدنه شي تريد تزوج هذا الاسبوع بلغ خوالها وابوها واخذ مرتك ..

احمد راح حجه وي خوالي وراح بلغ ابوي وراها بيومين اجه كال الاسبوع الجاي العرس .. ابو احمد عمي يصير حيل حباب وطيب ويحبني وكله يكلي بتي واني اكله بابا  احسه مثل ابوي صار وفعلآ احسه ابوي رجال طيب ويعرف مالت الله ...يجي عليه خطيه يكلي بنيتي خو ما معتازة شي واني اكله سلامتك بابا شكد افرح من اكله هيج عكس زوج امي شكد احتقر روحي من احجيها اله ...

اجه الاسبوع يركض واني شعور ممزوج بين خوف وفرح ماعرف اوصف احساسي بذيج اللحظه اني كبل هذا الاسبوع طلبت فستان عرس من بغداد وجابوا الي كلش حلوو بلرغم احمد يشتغل اعمال حره بس مايوم رفض الي طلب وحتى بدون ما احجي الكه جايب الشي لاني احبه حجزت الصالون ورحنه اني خالتي واسول وعزمت صديقاتي لبست البدله تفصال كلش راقي وحلو ونازك مكياج قوي وي التسريحه كانت كلش فخمه طلعت اشرد هههه كلها تعجبت عليه وحتى البدله كلها تسأل منين اجرتيها  واكلهم من بغداد ...

اجو صاحت اختي اجو اجت الزفه واني كلبي ماحس بي يريد يطلع من مكانه

رفعت راسي شفت حبي لابس بدله سوده تخبل عليه ويضحك وي خواته دخل وهنه يهوسن ويركصن واني بس اباوع عليه شاورني من كعد يمي
.... هاي شطالعه ولللج... وكتك احمد احجي بكلبي اني من كثر الخوف ما حس برجليه بلرغم اني متعوده على احمد بس ساعتها مادري ليش ضليت بس ارجف اباوع امي دومعها تصب من كومني واسول تبجي وخالاتي يبووو واني ضليت ابجي وكل شوي يجون مكياجج لا يخرب واحمد يهدي  بيه يكلي بيتنه مو بعد كل يوم والثاني اجيبج يمهم ...
اخذونه للفندق هناك
وزفوه احمد واجه يحجي حجي يبووو هذا مو احمد خطيبي هذا مبدلي شنو هاي وين جنت انته معقوله جنت ضام روحك وهسه يالله طلعت واخذني حبيبي ورحت وياه لعالمنه بدون ما يأذيني ...........

الصبح كعدت كال يالله حبي هم يالله نروح  وبدلت مكيجت ورحت اني وياه للبيت وتلكونه اهله بلهواسات والهلاهل سلمت عليهم ويبوو لازم تبوسين  وحده وحده ماعرف شكد بوست والله اكره السلام بسبت البوس مادري ليش انحرج وخصوصآ من يصير غلط بلبوسه الاخيرة لو اني اوخر وهيه تريد تبوسني بخدي لو هيه توخر واني اريد ابوسها وفد اتفشل من هاي اللحظه ليش اكره تبوس النسوان احب اكول السلام عليكم من بعيد وهذا هو ههههه

المهم نرجع لحمودي خلص العرس واجت ناس هواي تتبارك الي اجت امي خالتي وخوالي ونسوانهم تباركوا الي وكلها اقاربهم واقاربي خوات احمد زهراء زينه سمر سمر الجبيرة متزوجه ابن عمها وحاجزين زينه لاخو الزغير وزهراء ازغر شي طالبه ثاني متوسط احمد يعرفني على اهله ولد عمه كل ما يجي واحد لازم اطلع اسلم ..

هواي تونسنه طلعنه سفرات اني وعيالي وعمي خطيه كومي منا كعدي منا يموت عليه وحيل يحترمني ....

احمد كلي ملك باعي خل اكلج شغلتين وخليهن بالج
باعي سرج بلغرفه ما تطلعينه ابدد شنو يصير بيني وبينج ما يطلع كلمه ماعرف مادري معليه دائما خليها بلسانج وشغله الثانيه خواتي لاتحجين يمهم شي حبايبهن هواي وتصير قال وقلت وحجي رايح جاي

كانت هاي النصيحتين من احمد الي ما خذت بيهن وهنه سبب الي صار الي كان شنو يصير او شنو يحجي الي هنه من يحجن انطلق بلحجي  وياهن واسولف عبالي يحبني واني هم احجي كل البكلبي مثلي بس والله لان هنه يسولفن اني احجي هم مادري بخبث الناس سمر حماتي
الجبيرة فقيرة احسه بكلبها حجي ماعرف ليش
احسه بعيونها حزن وتحجي عن حياتها دائما بس مايوم جابت سيرة رجلها بشي مو زين يعني تحجي شغلات عن حياتهم واني هم احجي
الها عن حياتي
زوجها هو ينطي لبيت عمي ومعيشهم يعني عنده فلوس خير من الله .........يتبع ......منى الطيف

..... عذروني البارت قصير اعرف بس كتبته على السريع وراح اختمها الكم بارت طويل انشالله.......... 
بقلم منى الطيف