فتاة خانها القدر

فتاة خانها القدر(قصة قصيرة)

هلو رجعت بقصة جديدة لمحبي القصص
القصيرة

القصة حقيقية ومابيها شي، من عندي وبطلة القصة صديقتي موجودة هنا بلوات تشوف تعليقاتكم فرجاءاً لتكتبون تعليقات جارحة

الاسماء مو حقيقية طبعا

يلا نبدي "بسم الله"

...........................................

هلو اني اسمي ياسمين عمري 17 سنة شكلي بيضة عيوني جوزيات
شعري يوصل نهاية خصري طولي وسط
صفاتي غيورة بشكل على الشخص الاحبة عايشة وية ماما وبابا ببغداد

اني اكبر وحدة باخواني امي ربة بيت وابوية يشتغل موظف حكومي حالتنا المادية الحمدالله عندي خوات ثنين واخوان ثنين

خواتي امنة 11 سنة ونرجس 7 سنين
ااخواني احمد 10سنين ومحمد 2 سنة

اني المدللة لان الجبيرة صفاتي مزاجية بشكل يعني لحضة شوفني هادية ولحضة عصبية اهلي مو متحررين ولا متشددين عادي اكعد للمدرسة ساعة 30: 6 صبح اني، احب دوم اصبحي عكس الناس كلها هههههههه

اروح وية صديقاتي لتلاثة للمدرسة لان المدرسة قريبة مو بعيدة فا اروح مشي اطلع بدون ريوك ما اتريك نمشي للمدرسة سوة

هادية كلش بلمدرسة كدام المدرسات بس، وية صديقات الميانة ططايحة اخلص دوام ارجع للبيت 1 ظهر اني، ملابسي او زي المدرسة مرات االبسة ضيق وكصير ومرات طويل على مزاجي

ارجع اتغدة وراها لوالعب بلفون لو اباوع تلفزيون العصر ابدي اقرة للعشرة بليل بلعشرة من اكمل العب بلفون انام ب12 ويتكرر الروتين نفسة ثاني يوم

تبدى قصتي من جنت بثاني
رحنا اني واهلي البيت ابن عم ابوية
عزيمة كظيناها نفس كل جمعة عادية شفت ولد عحبتني شخصيتة لمن سألت علية طلع ابن ابن عم ابوي هههههههههه اتمنى فهمتو
شكلة :- حنطاوي عيونى جوزيات شعرها عالي و طويل

اسمة ياسر، عمرة 20 سنة طالب
صراحة نعجبت بي كلش وراها تعرفنا صرنا اصدقاء بيوم من الايام عترفلي بحبة كلي

ياسر :  احبج

رديت واني ابتسم

ياسمين :  اني هم

بدت علاقتنا وجان المرسال بينا بت عمتي لان هية كاعدة وياهم بنفس البيت علاقتنا دامت 6 اشهر يوم عن يوم يزيد حبي الة مواقفة ضحكاتة سوالفة ههههه اذكر مرة ردت اروح للمول وية بنت خالتي و ابن خالي مقبل واني زعلت

ثاني يوم جابلي ورد للبيت وهو يكلي،

ياسر :  اني اسف

طبعا مقبلت بالبداية وهو كلي

ياسر :  لج احبج والله احبج

اني، بوكتها ضحكت وكتلة

ياسمين :  مسامحتك

موقف ثاني جنت رايحة لبيتهم وجان كوم خطار يمهم وجنت لابسة قصير وضيق واكو وحدة مثلي هم لابسة
شفتة هو وحاط ايدة على خصرها تخبلت ورحت سحبتة منها وكتلة

ياسمين :  ليش لازم لبنية

هو ضل صافن بوجهي كتلة

ياسمين:  لسوي روحت متعرف

جتي، لبنية وكلتلة

لبنية :  صدك اانتة متستحي

هو ظل حاير وهو يكول

ياسر :  اسف ما جنت ادري

اني ظليت اضحك علية حتى بطني، كامت توجعني،

جان عندي، صديقة من كرايبنة اسمها سمر اكبر مني ملامحها سمرا وعيونها صغار شوي ضعيفة وطويلة تعرفت عليها بسادس وهية بطلت وظليت دائما ازورها وجنت كلشي احجيلها كتلها على ياسر جان هية تكلي

سمر:  اني احب ياسر

بوكتها صدك ردت اخنكها

جتي ايام وراحت ايام دخلت ثالث متوسط و بعدني اني وياسر علاقة اعترفلي ابن عمي احمد بحبة الي ماوفقت وبما انو اني ما اضم شي على ياسر فكتلة على عتراف احمد ابن عمي عمرة 20 سنة مرة صارت

عزيمة بيت عمي واحنا كلنا كرايب فياسر هم اجة سألني على ابن عمي لاعترفلي بحبة اني كتلة علية اجتمعنا بغرفة فوك اني وبنت عمي وابن عمي و ياسر حجاية من ياسر حجاية من احمد تعاركو هذا يكول

ياسمين الي، وهذا يكول ياسمين الي،اني صحت كل قوتي

ياسمين :  كاااااااففففففييييييي بس بس ماريدكم ثنينكم ماريدكم

ياسر طلع معصب ورى شوي طلع احمد.
من هذا الحادث بعد افترقنة ونفسيتي كلش تعبانة متحنا نص السنة ثالث طلع معدلي 76 لان كلش جنت ضايجة ونفسيتي تعبانة

نهاية الثالث جتني صدددمة لكبرى ابن عمي مات بحادث سيارة اني نفسيتي دهورت اكثر واكثر وجنت الوم نفسي على صار بي مرات ومرات اتندم ما قبلت بي مات وهو

يتمنى يسمع كلمة احبك مني اووووف

وراها بفترة جتني صدمة ثانية مثل ميكولون اهلنا جانت عايزة ولتمت ياسر ازوج ومنو زوج زوج صديقتي سمر اااااخ يلقهر دزيلتة سلام وكتلة الله يهنيك

واليوم عايشة بين حلم ضايع وابن عم ميت وبين ذكريات توجع هاي قصتي واسفة على الاطالة اتمنى ستفاديتُ شي مني

*لاتثق بشخص مهما كان أمين......
ولا ترفض طلب شخص يحبك مهما كان مستحيل......
حب من يحبك ولاتحلم بلكثير.....
لاتركض خلف شخص ناكر مهما كان مكانه في قلبك كبير..........

((بقلم ايوش 🌼))

The end