إقتراح من basmaMME 💕🐧
سؤال: ليه بنحب نشيل الأطفال اللي لسه مولودة رغم اعتراض الأم الشديد؟
الإجابة: لأن الأطفال بيبقوا كائنات صغيرة كيوت و نص وشها عبارة عن خدود 😂 و الأمهات طبعا خايفين عليهم مننا عشان عارفين ان احنا هبل و ممكن نوقعهم 😂😂😂💔
بس تخيلوا معايا كدا وجهة نظر الطفل اللي هو اصلا في قلب الأحداث دي..
يعني احساسه و الناس عمالين يناولوه لبعض كأنه لعبة كلهم عايزين يجربوها و يلعبوا بيها شوية
أو احساسه و هو شايف الوجوه الغريبة دي، و غالبا حاسس انه مخطوف، زائد ان الناس دي عمالة تفعص خدوده لحد ما فقد الإحساس بيها
و كمان عمالين يعملوا تعابير غريبة بوشهم و يقولوا كلمات عجيبة عشان يضحكوه، لكن الطفل غالبا مفكر ان دي تعويذة عشان يقلبوه ضفدعة..
و بعد فقرة التعذيب، يبدأ فحص ملامح وشه و هو مرعوب وسط اللي بيأكد انه شبه مامته و اللي يقول انه شبه جدة خال عمه، و الطفل المسكين مش عارف ازاي بيعرفوا كدا و هل دي حاجة كويسة؟
و أخيرا الفحص خلص، الطفل بيفرح لأنه مفكر انهم هيسيبوه في حاله، لكنه لم يكن يعرف انها بداية اللعنة
يبدأ التجمع حوله بإقتراح اسم له، و يسمع الطفل اسماء أول مرة يسمعها و غالبا الناس بيألفوا اسامي و هم واقفين عشان ميبقاش شكلهم مش حلو انهم ساكتين و مش بيقترحوا حاجة
الطفل اللي احنا كلنا بنحس بمعاناته دلوقتي، خلاص اختاروا له اسم، الاسم دا غالبا هيكرهه بقية حياته بس مش مهم، لأن آخر فقرة في حفلة التعذيب بدأت و هي فقرة انهم يمسكوه و يهزوه جامد لحد ما يحس انه جسمه تحول الي جيلي
ثم يأتي أحدهم لينتشله و يظن الطفل سليم النية انه هينقذه، لكنه فجأة يلاقي الشخص بيرميه فوق حتي كاد يلمس السقف براسه و هو عمال يشتم الشخص دا بشتايم ميعرفش جت منين.. لكن لم يصطدم بالسقف لحسن الحظ
و أخيرا بعد عدة أيام يعتاد الطفل علي هذه الطقوس، و يستمتع بها بعد أن ألف الوجوه الغريبة حوله، و يحرص علي حفظ هذه العادات حتي يكررها مع الأطفال في المستقبل..
YOU ARE READING
بعض الطاقة السلبية 🚫
Aléatoireالكتاب عبارة عن وسيلة لإخراج الطاقة السلبية لا أكثر ?