انت كل العمر(مكتملة)

لو ميته احسلي!!!

#انت_كل_العمر

#ورودالخالدي

البارت2

ليث:::

دا ادخل من باب الردهة شفت ابوية دخل هو وام نور هي تمشي ع كيفها وهو مسندها..واظاهر راسها مجروح من الوكعة ومضمديه..اول مشافتني ركضت بلهفة::

ليث...ليث..خالة نور..نوربنتي وينها..شلونها..طلعتها ..عدله...مو...عدله؟؟

اي خالة عدله..عدله ارتاحي..

خاله خو ممحتركة؟؟

خالة مبيها شي..مثل الوردة والله اخذي نفس لتخافين هي جوة بالردهة الدكتور شافها كال مبيها شي..احتمال فد ساعة ساعتين جسمها ياخذ المنبه والعلاج وتكعد..

صدوك..صدوك..خالة..ملايحتها النار..

خالة ملايحتها...النار..جانت جوه..الدوش..لفيتها بالبطانية وطلعتها بيدي..

صدوك خاله..

اي والله صدوك..اعرف بيش تفكرين..بس لتخافين محد شاف شي..لفيتها..زين..ولبستها وجبتها..

الله..يستر..عليك..وعلى عرضك..دنيا واخره..الله يخليك..لهلك.بعد خالتك..

خاله شالقصة..اي واحد غيري..راح يتصرف هالشكل..لتكبرين السالفة..تعالي الدكتور كال تكدرون تشوفوها..

اي..اي خاله

خطية دخلنا..للردهه السرير مالها مخلين داير مدايرة بردات..وكعدت كبال بنتها ودموعها تجري..ممصدكة بتها عايشه بس نور مخلين..الاوكسجين عن خشمها وحلكها..ادنت يمها..توخر شعرها عن وجهها..خلت اذنها ع صدرها حست بيها تتنفس باوعتلي..

خاله..ما اعرف شكولك بيش اجازيك..

هي تحجي واني اباوع بعيونها ومستحي عيونها مدري شنو لونهن مدري خضر..مدري صفر..بس استحي اركز وياها..ولا تكول مرة بتها شابه..شكدها..عبالك بعدها بالعشرينات..ركبتها مربربه واديها كيمر..مدبدبات وحلكها..محبس..انشدهت..استغفر الله تكول مو مرة عبالك قمر..ومصور..شهالجمال..يربي اذا..الام هيج تخبل..لعد بتها شلونها من تكعد وتحجي وتسولف..

خاله لا تجازيني ولاشي ما سويت غير واجبي.

انتبهت مو بس اني مشدوه بالمرة

ابويه هم كصها كص يباوع لحلكها شلون تحجي ..اصلا ابويه مبين راح بغير عالم تاه بعيونها الملونات..بعد لياخذ ولينطي..المهم..كتلها..

خالة ارتاحي يمها..واحنا رايحين نشوف شصار مصار..ونرجع بعد شويه..

طلعنا من الردهة اشوف ابويه مرتبك..عيونه معلكات ع باب الردهه::

ضحكت؟؟

يابه شويه ونرجع هدي اعصابك...هههههه

هاااا..ليش شبيها اعصابي؟؟