#انت_كل_العمر
#ورودالخالدي
البارت5
ليث:::
سويت لابويه حفلة تخبل بالقاعة..بس الي ضوجني تصرفات اخويه ماهر..مدري شبي عبالك مشايف بنات لازك..لفرح..يبتسملها مرة..ومره يجرها حتى تركص وهي تكوله ما اعرف..ومستحية ومرة يروح يجيبلها عصير..ويدحج بيها وهي مدنكة..كاتلها الخجل هذا شبي تهرفل..غير متزوج..وشايف وعايف..شبي لازك النور..احس راسي راح ينفجر..من ورة تصرفاته..الى درجة جريته على صفحة وزمخت بيه:
ماهر..شبيك..تخبلت ..حتى الناس..انتبهت عليك؟؟
ليش اني شمسوي؟؟
هاااا..شمسوي..تغشم روحك..شعندك لازك للبنية انت مجلب بيها...متشوفها لابستك ومتنطي مجال..اثكل شويه!!!
وانت شكو مهتم..وكاتل روحك..لك..خاف حاط عينك عليها وتحبها...وكاتلتك الغيرة مني؟؟
عمي لا حاط عيني ولا احبها..جوز من البنية هسه شتكول عليك...هيه وامها؟؟
متكول شي..تكول معجب..بيها...لك موبنيه لك..تذبح...تملخ..انت شفت عيونها...شفت شفايفها...شفت جسمها..اويلي يااااااابه تموت..
ماهر..عيب عليك..تباوع عليهاصارت مثل عرضنا....بعدين البنية مؤدبه وقمة بالشرف وانت متزوج..يعني باختصار..مو مال تستغل الموقف وتلعب..بيها؟؟
هاي شبيك انت مكبر الموضوع..وداعتك
...هسه بس تجي ويانه لاربيل..اخليها محبس بيدي؟؟
شنو محبس بيدك ماهر..انت متزوج..عيب هالحجي..
هاي شنو..ممصدك..ليث ابو البنات يسولف ع العيب..تهي...بهي...
هسه ابو البنات ابو..القنادر..عوف البنية بحالها..يعني اذا بقيت لازكلها هناك باربيل ومرتك حست..عليك..شنو راح يكون موقفك؟؟
معليك..بمرتي..ما اخليها تحس..بس اطلع منها انت ولتكطع رزقي..
خلاني..واكف برة ودخل..للقاعة يركص ويهلهل...واني النار مشتعلة بصدري..اووف هسه ابويه ليش قرر..يروح لاربيل ورة الزفة جان بقة هنا..هسه شأسوي شلون ابعدها عن ماهر.. وهي راح تسافر ويه امها..بعد كم ساعة..واني اضل هنا ابغداد الافكار تذبحني..والغيرة تاكل بكلبي..صح اثق بيها..هي شريفة ومتنطي مجال بس هذا ماهر..شيطان....ضليت فكرة تاخذني وفكرة تجيبني..الى ان صاحتني ام نور..وهمست باذني:
خاله..ليث روح للبيت انت ونور..جيب جنطنا..بيها ملابسنا اني ونور..ما اكدر اخليها تروح للبيت وحدها..فروح انت وياها..
اي خاله صار تدللين.
اخذت نور وصعدت السيارة مشينا مسافة وفكرت شلون امنعها تروح وياهم ولكيت نفسي اكولها:
اتمنالكم سفرة سعيدة..
التفتت باوعتلي بالمراية الداخليه لان هيه كاعدة بالورة:
