زهرة الخداع

الفصل الثانى

وبعد خروج الفتى من الغرفه دخلت الفتاه فى نوبه بكاء مريره وبدأت تتذكر

فى قصر جميل ذو اساس فخم كلاسيكى مفعم بالون الذهبى والالوان الجذابه تجلس الام مع زهره وفرح فى ردهة المنزل
الام:وانتى يا زهره عامله ايه فى الكليه بتاعتك
زهره:الحمد لله كويسه
الام:الحمد لله وصاحبتك ريهام عامله ايه
زهره:الحمد لله الكليه بتاعتها بتقول مش سهله ربنا يعينها
فرح:طبعا دى كليه هندسه يا حبيبتى مش اى حاجه
الام:اما نشوف يا فرح انتى هتدخلى كليه ايه
فرح ضاحكه:دكتوره فرح بعد اذنك
زهره:يوه دا انا اتأخرت اوى على الكليه مع السلامه بقى
الام:ربنا معاكى
زهره وقد خرجت من القصر الفخم لتستقل عربه مارسيدس حمراء ذات شكل جذاب ورائع ثم بدأ التليفون الخاص بها برنين فأسرعت تنظر الى الشاشه الخاصه به ليظهر اسم منار
زهره:الو
منال:هاى زهره
زهره:ايه يا بنتى انا متأخرتش للدرجه دى
منار:ايه ايه انا بتصل عشان اقولك ان المحضرات اتلغت والشله كلها هتخرج
زهره:طب كويس
منار:مالك يا بنتى
زهره:مفيش حاجه
منار:طيب احنا هنروح مع الشله ولا ايه
زهره:لا مليش مزاج
منار:طب بصى انا فى الكافتريا قصاد الجامعه
زهره:طب انا جايه
منار: طب باى دلوقتى
زهره:باى

فى غرفه جميله من اللون الوردى ذات الاساس المعاصر تجلس فرح تتحدث فى الموبيل المحمول
فرح:تمام يا بنتى متخافيش

فرح:خلاص اول ما هتوصل هقول لها

فرح:تمام سلام دلوقتى

ثم قامت فرح بفتح الخزانه الخاصه بلملابس واخذت تتفحص كل ما فيها بدقه بالغه ثم اخرجت فستان كلاسيكى قصير من اللون الازرق الفاتح وقامت بأخراج حذاء ذو كعب عالى من نفس لون الفستان
ثم خرجت من الغرفه واخذت تمشى فى الطرقات حتى وصلت الى غرفه كلاسيكيه وكانت والدتها داخل الغرفه
فرح:ماما ايه رأيك فى الفستان ده
الام:حلو بس لقيه يا فرح
فرح:مرام يا ماما صاحبتى عامله بارتى عندها فى الفيلا وعزمتنى واكدت عليا مروحش من غير زهره
الام:ومرام مالها بزهره
فرح:عادى يا ماما هيكون فى ايه يعنى

وفى احدى الكافيهات الضخمه كانت منار تجلس على منضده فخمه كانت منار فتاه جميله الملامح ذات بشره قمحويه وكان لون عينها بنى فاتح
ثم دخلت زهره الكافيه واخذت تبحث بعينها عنها حتى وقعت عينها عليها فذهبت اليها
زهره:عامله ايه يا نار
منار:الحمد لله يا وردتى
زهره:والشله عامله ايه
منار: كويسين هيروحوا النهارده دريم بارك ماتيجى نروح معهم
زهره:با بنتى انا اصلا بشوف البت الى اسمها دينا دى بتجنن عايزانى اخرج معاها ده من رابع المستحيلات
منار:بصى هى بصراحه برده بس معملتلكيش حاجه للدرجه دى
زهره:معرفش بقى
منار:وفرح وانطى وانكل عاملين ايه
زهره:الحمد لله

وفى اكبر شركة استيراد وتصدير فى الشرق الاوسط
شركة محمد بيه عبد العال وفى غرفة المدير بجلس محمد بيه على مكتبه ويقف امامه المساعد الخاص به
Mr/اشرف عبد البقاقى
من اكبر محامين البلد ومدير مكتب محمد بيه
محمد يبه:كده عال قوى الشركات بتاعتنا بتكسب مبتخسرش
مستر اشرف:الحمد لله لو فضلنا على النسب دى هتكون حاجه كويسه جدا
محمد بيه:ادى الموظفين كلهم علاوه10فى الميه
مستر اشرف :ربنا يخليك للموظفين

ثم يفتح الباب مجددا ليدخل ذلك الفتى مره اخرى وكان يحمل بين يده بضع اكاس ثم رماهم على ارضيه الغرفه ثم قال
الفتى:دى هدوم
الفتاه:سيبنى اروح واديك 10مليون جنيه
الفتى:اوه بصراحه المبلغ ميترفضش بس يعنى هتديهملى منين
الفتاه:مش فاهمه قصدك
الفتى:يعنى بصراحه يا زوزو انتى لما عملتيلى توكيل انا اتنازلت لنفسى عن كل حاجه بمعنى اصح انا بقيت الكل فى الكل وانتى ولا حاجه
الفتاه:ايه
الفتى:اه مستغربه ليه ده مايجيش نقطه فى الى عمله ابوكى فيا
الفتاه:وانا زنبى ايه
الفتى:زنبك ايه وانا كان زنبى ايه
ثم هم بالخروج من الغرفه وهى اخذت تبكى وتبكى وهى تهمهم ؛انا السبب انا السبب