احببت حياتي معك
بقلم(وردة الجوري)
الجزء الرابع
الدكتوره،،انتو ما بيكم شي بس راح انطي لزوجتك منشطات تاخذها هالشهر والشهر اليجي تجي تراجع
طلعنه جنه فرحانين طلعنه عالمطعم اتغدينه من وكت واخذت غده لامي اكيد هسه معصبه وصح من رجعنا كامت تحجي وترزل
اتغدت ونامت واحنا طلعنه على غرفتنا نمنا
كمت اروح عند الدكتوره كل شهر
بيوم من الايام جنه نتعشى اني لعبت نفسي من ريحه الاكل رحت عالحمام من طلعت شفت عصام بوجهي
عصام،، خير انسام اشبيج ليش كمتي عالحمام
انسام،، ما بيه شي بس ضجت من ريحه الاكل
عصام ،، تعالي روحي فوك ارتاحي
عمتي ،، ولك عصام اذا راحت فوك منو تعزل المواعين وتغسلهم
انسام،، عمه اني اعزل ما راح اروح فوك
عصام ، لا روحي فوك اني راح اعزل
عمتي ،، اي طبعا هي ترتاح وانت تعزل والله خوش شغله اول مره اشوف الرجال يشتغل بدال زوجتو ولك لاتصير اثول انت رجال اشون تشتغل شغل زوجتك
عصام،، يمه ماكو داعي هالعصبيه خطيه هي تعبانه
انسام،، لا عصام انت اطلع واني اعزل واطلع فوك ارتاح
عمتي،، اي هاي الحجي الزين نسوان اخر زمن
راحت عمتي بس عصام ما قبل يعوفني خلصنا وطلعنا فوك
والعصر دشو كمت ادوخ كثير عصام اخذني عالمستشفى سويت تحاليل وطلعت حامل
فرحنه كلش عصام جان طاير من الفرح
رجعنه كلنا لعمتي هي هم فرحت كالت لا تشتغلين شي
هاي عمتي لو غير وحده ما صدكت
عمتي كامت تحبني كثير وتداريني
كمت كل شهر يومين اروح عند اهلي لان عصام يكول ما اكدر بدونج وعلمود عمتي هم صح صارت تحبني بس اذا ما اشتغل تكوم تحجي فالني ما اخلي شغلي يبقى علمود لاتحجي
صرت بشهر التاسع بطني جانت كبيره فرد مره
بدايه التاسع رحت عالمستشفى من سوولي سونار الدكتوره بقت مفتحه عيونها مصدومه واني خفت كلت اكيد الطفل ميت كمت ارجف اريد اسألها ما اكدر
الدكتوره،، بنتي انتي سويتي سونار من قبل
انسام،، اي دكتوره سويت
الدكتوره،، يعني تعرفين جنس الطفل
انسام ،، لا والله دكتوره ما اعرف لان ما قبلت يكلولي كلت بالولاده تصير مفاجاه احسن
الدكتوره،، والله ما اعرف اش اكلج هاي اول مره تصادفني هيجي حاله
انسام،، دكتوره والله وكعتي كلبي اش صاير
الدكتوره ،، لا تخافين بنتي انتي حامل .....
يتبع.....
