مسائوووو 😘
#جريمةـمدبره
بقلم ازهار ذابله
3,زوجة الاب
ــ دخلت البيت بس مو بيت جان اقرب الى مزبله وهوسه ... ملابسنا كلها ع القنفه بالهول والمطبخ ميندخل السنك كله صحون وصخه والارضيه كلها وصخ ..
ادور ع حنان ماكو لا هي ولا ابنا جود ...
صيحت دورت ماكو البيت فارغ ... اهلي بيتهم بصفنا رحت لهم اسألهم كالوا شافوها راحت ويه امها ... سويت روحي اعرف بس ناسي .. كتلهم اي اعرف بس نسيت ...
رجعت رتبت الي اكدر عليه وانتظرها ترجع .. العصر رجعت ابنا عمره سنه ونص وهي كل يوم عايفه البيت وطالعه وحته متكلي يمكن اني السبب انطيتها وجه اهوايه احترمها مااريد ازعلها و تمردت اكثر وكلش ممعتنيه بالبيت ..
ـ هاااا ست بعد وكت ليش متعبه نفسج وراجعه اصلا ..
ـ مهند لا تبدي مسرحيتك مال كل مره ..
ـ هه مسرحيه مو ولج والله اليوم فشلت كدام اهلي اروح اسالهم عليج هاي وين صايره ..!
ـ وليش تسال ليش ما خابرتني ..?
ـ ليش انتي متعرفين موبايلج ماكو يطلع مغلق ..
ـ اوووبس صدك خلص شحن ههه يلا مصار شي متعرف اليوم خطبت بنت عمي بس نسيت اكلك البارحه وخابرتك يطلع مشغول واجت ماما اخذتني ... شلون حفله اتجنن ردت بعد اظل بس ظل بالي يمك ..
ـ ههه والله بنت اصول وصاحبة واجب ليش تعبتي بالج وفكرتي مو زين عليج.
عفتها وطلعت لان مااريد اسوي جريمه بهاي الساعه ... انسانه مستفزه لحد الجنون فوك اهمالها قوية عين .. كل مره اروح لـ صديقي اكعد اشتكيله همي وكل مره ينصحني اطلكها بس اني متحملها ع مود جود هذا بعده طفل شنو ذنبه ابهذله ...
رجعت للبيت واسمع صوت الاغاني طالع بالشارع ... دخلت اشوفها بالمطبخ اتكلي عشه والبيت مهوس والمطبخ ماايندخل وهي تغني ويه الاغنيه .... حنان حنا ....
ـ هاااا شنو تريد مااسمعك شتكول ..?
ـ طفي هاي الاغنيه وانتي اتسمعين ..
ولا تسمعني واستمرت اتغني ولا جنها ..
تركتها ورحت اشوف جود وين عايفته دخلت شفته نايم ... الحمد لله ممسويه بي شي ..
كملت العشه واتعشينه وكعد جود التهيت العب وياها وهي مو ويانه لازم الموبايل وتضحك وتحجي ساعه ويه امها وساعه ويه اختها واحنا اخر همها. .. اني تعبت منها مرات اتخيل نفسي اقتلها واخلص منها بيها كم من الاستفزاز مو طبيعي وجامده ومستفزه بس استغفر واتعوذ واكسر الشر الي بداخلي الي كل يوم يدفعني اقتلها واتخلص منها ومحد يحس واعيش بسلام ... ارجع افكر لا شنو هذا التفكير حرام مااريدها ومتعبتني اطلكها اوووه اذا طلكتها تاخذ ابني...وبقيت ع هذا الحال سنتين وهي كل سنه اتزيد اكثر ماكو شي ماسويته نصيحه ونصحت اقناع دلال هدايه اشتكيت عد اهلها بس بدون نفع .... جود صار عمره ثلاث سنوات ونص .... ولازم الكه حل لان تعبت واخاف فد يوم اقتلها لان افكاري تسبح بعالم ثاني من اشوف وضع البيت لو من ارجع والكاها طالعه بدون علمي اخاف الله بيها بس هي ولا مراعيه شي ولا تهتم الي ولا تاخذ كلامي ...
اكو مثل يكول القشه الي قسمت ظهر البعير " بهذا اليوم هيج صار وياي رجعت للبيت .... واشوف جود بالباب من بعيد جانت الدنيه ظهر وحاااره واني استعجلت حته ادخله هو طفر كبل لشارع ورا طوبته والسياره قريبه عليه راد ينسحك بس الله ستر والسايق وكف وظل يسب ويغلط اني ماحجيت بس شلته ودخلته ...
حنااااااااان ....
ـ هااا شكو ?
ـ ولج شوكت الله يتوب عليج شتسوين انتي هسه بس فهميني?
