وووووووك عليا ام حبيبي تقري فيا
للكاتبه:وديان الخير
الحلقة 8
نادين:خيرك انتي وياه
ريناد:ترا فكيني توا قداش ليا نستنى امتا بنشوفه تو طلع امه عندها مشوار
نادين:عادي فيها خيره
ريناد:وهو قداش ليه يخطط ويستنى بالريق الناشف امتا يشوفني لكن اهو الوضع الله غالب وخلاص ع كيفه وخلاص اني نشوف فيه ف الصور وهو حتي مرة تانيه
نادين:اي هو هذا واشبح شن صار مع بسام
ريناد:معاش تفكري هلبا ايهم تو يقنعه وحترجعوا لبعض ان شاء الله
نادين:ياااااارب
........
روح ايهم طايرتله بعد ما وصل امه عند خالاته
ايهم ف خاطره؛اخخخ وخلاص الله يهديك ياامي عاللي درتيه فيا اني عارفك ماتبينيش يوم نرتاح نستنى امتا غر نشوفها مستاحشها تو خطرت طلعت خالاتي هادي استغفر الله وخلاص
.......
سالمه:غريبه ياهدى جيتي زمان لن نترجوك باش تجي ونشوفوك
هدى:هههه ماهو ماتعرفيش
سالمه:خيرك
هدى:الفالح عنده موعد اليوم قلت نخربه عليه
سالمه:اللطف علاش
هدى:خل ياخد قرصت ودن شوية
سالمه:ههههه اخخخ منك وخلاص مابعد كناينك
هدى:والله بنوت توا مايبوا الا هكي فالحين غر ف النت والتلفونات والعلاقات والدوة الفاضيه قبل ماتتزوج وبعد الزواج ادير روحها ام زعميتك وهو الفرخ كل يوم محدوف عند جداه لازم تحميرت عين قبل تجيني
سالمه:صدقتي ياوخيتي
........
بسام مقعمز يفكر ف نادين وكيف الكذبه اللي دارتها عليه ويقول ف خاطره
هو كويس إن نادين صاحبت الكذبه لانها بجد بنت حلوه وماتتعوضش واللي مش كويس إن هذا التصرف هو اهانه ليا وكإني فرخ هكي تعاملني لازم مانعلمها درس
.........
نادين:بسااام يتصل
نادين:الوووو
بسام:ايوه
نادين:حبيبي استاحشتك
بسام:اخر ماتوقعت إنك تطلعي اخت ريناد صاحبت ايهم
نادين:انت شن تقول
بسام:ياسر بلا كذب اليوم عرفت كل شيئ وفوتيه جو البراءة فهمت لعبتك
أنت تقرأ
ووك عليا أم حبيبي تقري فيا*مكتملة*
Romanceرواية منقوله للكاتبه وديان الخير روايه جميله و رائعه..أثمن أنها تنال اعجابكم#
