كناصي وافتخر

البارت الاول

كناصي وافتخر ..#نيران

كان ياما كان

راح اتركم ويه..
حمزاوي ومحمود ابو شكريه وفروسي حيسولفولنا شوي عن قصصهم نترك القلم الهم الف تحيه وسلام لكل عين قرات وقلب استمع النقاش باذن الخيال الممتع 
سلام وياكم حمزه  موضف بدائره حكوميه  بالوزيريه بوزاره الرأي عمري 27سنه عملي سكرتير عندي اخت وحده عمرها 18سنه صف 3 متوسط من سكنه العامريه شارع العمل الشعبي والدي ووالدتي متوفايين عافولي مهاوي
اختي جنت ساكن بيت جدي  ماعدي ملك وماعدي ادفع اجار بقيت بيت جدي عايش الحمد لله هو وبيبيتي بس خطيه مها تاذت من عماتي كل ميجون مغثوثه منهم واروح اطلعها واونسها حتى تنسى صار5سنين اشتغل كدرت اجمع مبلغ صغير اشتريت مشتمل وتداينت الباقي من جدي وبعد فتره جدي توفى وره فتره مو ببعيده بيبيتي لحكته وتوفت قسمنا الورث وحصلت  حصه ابويه اشتريت بيت وبعت المشتمل شوي الدنيا ضحكتلي راتبي زاد الحمد لله سيطرت اني ومها وياها وياها مهاوي مطيعه اوديها واجيبها ويايه اذا لحكت ملحكت ترجع وي بنات عمتي بسياره رجل عمتي اليوم مثل كل يوم داومت عادي دخلت وبصمت كعدت على مكتبي انتضر المدير دخل المدير ويا بنيه يحجي وياها جانت مرتبكه ومبين عليها الخوف والمستحه
المدير- ها حمزاوي شونك
حمزه- الحمد لله استاذ بخير
المدير- يابه هاي رونق سكرتيره جديده لان انت بعد3اشهر حتترقى وتصير معاون مدير واريدك بهال3اشهر تعلمها كلشي لرونق
حمزه- جنت متوقع ترقيه لان دووب وماعدي اجايز ابد واطلع وره الموضفين كلهم
صار استاذ تامر امر دخل الممدير لغرفته
تفضلي انسه رونق انسه مو
رونق- اي

--
سلام اني رونق من  الوزيريه عمري22 سنه خريجه اداره واقتصاد اهلي موجودين وعدي اخ واحد واخوات4كلهم متزوجات 
و وخواتي عدهم كومه اطفال خواتي متزوجين من اقاربنا كلهم اليوم بديت عمل اني سافره وسبورت لبسي
داومت واكو ولد اسمه حمزه حيعلمني قبل ليصير معاون مدير عام  خايفه كلش ومرتبكه
حمزه- تفضلي كعدي هذا الميز فارغ باوعتها وجهها اصفر
هههه شبيج مصفره كعدي تره شغلتنا بسيطه جوه ايد المدير ومديرنا كلش حباب لتخافين
رونق/ الله يبشرك بالخير
حمزه - وجهه صلاوات عالنبي يخبل ونعومه كلش نزاكه صلوات عالنبي
بديت اعلمها خطوه خطوه وكلسا اباوع على شغله بيها حلوه ذكيه وتلكفها بالعجل
رونق- زين هاي شون اسويها الترتيب
حمزه- باعي اول شي توقيع المدير العام وراه توقيع المعاون وراها توقيعج وراها المدققق تصير ورقه وره ورقه بالترتيب
رونق/ ها اوك سجلت هالملاحضه بالدفتر مالتي
حمزه/ اسمي مكتوب بالدفتر هههه شو كلشي وكاتبته هنا
رونق- موو اخاف انسى
حمزه- باوعي حتى لو نسيتي اني هنا تره حتلو صرت معاون
رونق- طبعا مااعرف شون يحجي يمكن شركو ضحكت ونصيت
حمزه - كمل اول يوم بسلامه وبقينا هيج كل يوم اعلمها على الشغلات الرئيسيه صارت بيننا سوالف وضحك وصداقه
يله رونق امشي تتريكين
تريكت ببيتنا
ليش يله ميهم شربي جاي ويايه يمعوده خاف اعوفج وتودين البريد للمدير بدال متودي لابو البريد
لا والله اني هنا اعرف علمتني
    حمزه- تريكت وجبتلها جاي ويايه جانت تنقل الاوراق
انتبهت سحاب التنوره مفتوح والستره قصيره السحاب مسدود بس من النص مفتوح السحاب طاك اذا هي لابسه لطش جسمها طالع من الصفحه تقربت شاورتها
رونق تره شسمه المحل مفتوح لحد يبوك الدخل
مو يمها
يمعوده الملاعيب طالعه كمت مااباوع بس اضحك وانطيها حجي هي مطفيه مدتفتهم
رونق/ شنو شبييك عابت ليش تضحك احجي عدل تره ازعل كافي تضحك صرت احمر اي غير افتهم شكوو
حمزه- سحابج مفتووح خرب
رونق- وين مسدود باوعت عزززه بعيني وانت  تتفرج كلبت وجهي ساعه احاول اسوي بالحمام ميصير لبست جنطتي وخليتها الفتحه ورحت للمكتب كمت ماباوع عليه
حمزه/ رونق هاي شبيج والله دااتشاقه هسه اني شعلي مو وياج اسف مااضحك بعد
اني مو لان ضحكت اني انقهرت لان كاعد تتفرج
لا بالعباس متفرجت بس شفت درت وجي شنو ماعدي غيره شمرت الاوراق ومن دااطلع تره عدي اخت اخاف الله يطلعها بيها عفت المكتب وطلعت
- رونق- اهوو زعل واحنا صار شهر اصدقاء كلش حباب وخدوم وعلمني بكل ادب وشقاه بحدود وشكد تحرشو بيه ورادو رقمي هو ابد متدنه
- حمزه- قهرتني كلش من تهمتني اني مااتحمل احد يخليني بموضع خيانه حيل اتاذه ثاني يوم موصلت للمكتب كملت شغلي بعيد عن المكتب
- رونق/ زعل وبعد موصل للمكتب كمت ادور عليه بالغرف غرفه غرفه اخر شي شفته بالاستنساخ ديسولف وي عزيز ابو الاستنساخ
- رونق- السلام عليكم  باوعت لعزيز هلو استاذ شونك باوعت على حمزه منصي وميباوعلي  شونك حمزه باوعتله باسف
- حمزه- هلو انسه رونق محتاجه شي باوعتها ببرود
- رونق- اي تعال للمكتب مداافهم هاي الشغله
- حمزه- ممم شويه واجي عفتها ساعه يله رحت
- رونق- صار ساعه وبعده مجاي شصار شسوينالك اووف بقيت انتضر
- حمزه ها ردتي شي اباوع عالميز من احاجيها
- رونق- اا باوع ردت اعتذر منك اسفه شكيت باخلاقك
- حمزه- ابتسمت باوعتلها بحنان اعتذارج مقبول بس بشرط
- رونق- كول
- حمزه- عازمج ببيتنا عالعشه اليوم وجيبي واحد من اهلج اذا ردتي اليوم راس السنه مال والدي واني كل سنه اسوي عشا
- رونق- اي ماشي اجيب اخويه ويايه عادي
- حمزه- عادي باوعت لشعرها كلش حلو رونق انت هواي  سبورت عدج اخوه
- رونق- واحد بس وهو كلش قريب مني طبعا اليوم تتعرف عليه هو يعرفك يوميه احجيله عنك
- حمزه- فتحت عيني صافن مبتسم شتحجيله يبت الناس بالعباس ممسوي شي عمي لتجين بطلنا اسوي عزيمه على روح ابويه الحكه بيها
- رونق/ لك لا هو كلش حباب وسبورتي وقابل انت شمسوي
- حمزه- لا عمي ميانتي وياج قويه بداعت ابوج خوما كلتيله عالتنوره بربج
- رونق \اي كتله ههه
- حمزه- احتركت عشيرتج عمي لتجين
- رونق/ اجي واجيبه ويايه هههه حضر عمامك اكعدكم فصل
- حمزه- ها يعني اطك الدخل خرب واني مخلي للثكال تالي من وره سحاب اكعد  بفصل شيكولون علي العشيره
- رونق-اوكف يادخل
- حمزه- هههه احنا كل عشيره عدها دخل ومن يصير فصل نتشارك وندفعه هيج طبعنا منخلي واحد بينا معتاز صدك انتي منين اصلج
- رونق- كضماويه
- حمزه- عالراس عمي الكواضمه شلع
- رونق- يسلم راسك وانت منين
- حمزه- عدلت قميصي اني كناصي ربيعي من البصره 
- رونق- عالراس يله اني كملت وحطلع بيش ساعه عزيمتك
- حمزه _ب7ونص اصب الاكل لو تلحكين لو ما تلحكين جايب عضامه تره
- رونق- هههه ماشي محتاج مساعده هاي
- حمزه- لا عمي مشكوره الاكل عالنار يتهدى عفته بالبيت
- رونق- صدك تحجي انت تطبخ
- حمزه/ لعد شبيه تره محد يلحكني بالطبخ
- رونق- ابتسمت كل يوم اشوف بي خصله جديده الله يعينك ليش وين امك ماعدك خوات
- حمزه- تنهدت والله امي نطتج عمرها قبل كم سنه وعدي اختي صف ثالث متوسط واني من اول اطبخ مخلي عليها التكلاه الزلاطات الريوك الصبح اركب الغده واعوفه على ام الفتل واطلع
- رونق- شون حلو الله ينطيك العافيه وياجرك باختك التتعب عليها
- حمزه- تسلمين الله يسمع منج يله الله وياج عطلتج روحي
- رونق- باي نلتقي ب7 رجعت للبيت وحجيت لفراس كلشي اسولف وهو يسمع خربان ضحك
- فراس- لج هذا تصنيف اليوم حتعرف عليه اخيرا اكولج كتلها لامي على فيروز وباجر نروح نخطبها
- رونق- صدك تحجي يله عمي صرت 26سنه مال زواج بعد يمه حبيبي حيصير عريس
- فراس/ اي  سنتين صار حبيض الحمد لله وافق ابوها
- رونق- الحمد لله يله حنام ومااتغده حتى انعشى ببيت حمزه
- فراس- خوش يله اخذي راحتج
- [ ] رونق نمت وكعدت العصر بدلت وصحت على فراس وطلعنا خطيه اشتره كيلوين زنود الست كال منطب ايد فارغه جنت شايله هم لان عيب بس ردت فراس يتعرف عليه
- دك الباب فراس طلعتله مها بنوته كلش حلوه سمره وعيونها