كناصي وافتخر

البارت الثاني

- دك الباب فراس طلعتله مها بنوته كلش حلوه سمره وعيونها خضر تخبل
من شافته غريب كمزت جوه
- مرحبا اني مها اخت حمزاوي بالنسبه الي هو اكثر من اخ ام واب واخت يعني كلشي بحياتي

اليوم مسوين عزيمه وجايين عماتي وولدهم وبناتهم احنا كل سنه نسوي ومن نريد ناكل

نفترق البنات عن الولد اندكت الباب عبالي كرايبنا فتحتها ولد كلش حلو اشكراني ومربوع ولابس مناضر شمسيه وسيارته تخبل مااعرف شصار بيه

اخويه يكول بالمراهقه البنيه تحس باحاسيس كاذبه من تكبر تضحك على نفسها يمكن هاي وحده من هالاحاسيس
- فراس- دخلت وتلكوني ولد مااعرفهم بس فد شقاجيه السلام عليكم

- يااهلا وسهلا هاي شنو عدك بالباكيت اوكف انت منو شو تلمع مو مثلنا ملحان لك حمزاااوي
- حمزه- ها ووجعه ابوي وصم

- الولد- هذا منيلك الحلو
- حمزه- مااعرفه بالعباس
- الولد- حبيبي اهلك يردوك تره هنا جماعه ابو خالد ملتمه
- فراس- ههههههاي خرب ببليسك تعال حمزه اني اخو  رونق
- حمزه- ياهله وميه هله وخرو ياولد سوو درب تسالمت ويا ورحبت بي اكولك رونق فاتت

- فراس- اي فاتت من باب النسوان ذيج فتحتها الها بنيه
- حمزه- ماشي زين سوت تفضل هاي شنو لا يابه شنو هالزحمه زنود  الست لو فد كيلو دهينه ويا يولد اعرفكم يابه فراس اخو زميلتي بالشغل

- فراس- تشرفنا ابو خالد وين لعد
- الولد- هههيهي والله شكينا بيك من شكارك هههه تفضل
- حمزه- يمعودين خرب ليصدك هاي شون مصيبه
- فراس/ لا ياب شنو السالفه
- محمود ابن عمه حمزه

- محمود- يابه اني اعرفك حمزه روح صب التمن تره على عشا البارحه فراس خويه هذا الكدامك ابو شعر اسعد ابو الدهن وهذا اللاطش بيده التلفون صلاح فافون

- وهذا الطويل علي عامود وهذا الكدامك اكرم الزقج
- فراس- وانت محمود شنو ههههه
- محمود- اني محمود الاجلح متشوف جهرتي وانت فراس الاشكر تدري من صرت بنصنا كمت تضوي ماشاء الله نور وايمان

- فراس- اتشوف بيكم والله اني ماعدي اصدقاء كلهم سافرو
- محمود- بربك صادقني بلكن الله اسافر
- فراس- هههههه

- رونق- دخلت للهول من غير باب عدهم عيب الاختلاط ضلو صافنين من فتت بس البنيه الفتحت الباب كلتلهم هاي وي حمزه بالشغل وتسالمو وتعرفو عليه فد ناس بسيطين كلش

والفشار عدهم تصنيف شبعت ضحك وصدك ب7ونص الاكل انصب مواعيد حمزه مضبوطه
- العشا جان هبيط عالتمن اتخيل فراس كاعد بنص الجدرهسه المصيبه وين من البساطه

العدهم النسوان الكبار ياكلون بايدهم ومن تباوعلهم مو تلعب نفسك لا تشتهي الاكل وهو الاكل جان حييل طيب يعني امي لو تفوت للطباخ متطبخ هالطبخ
- كملنا وكمت وياهم دااودي المواعين
- طبعا العمات مخلو البنات يطلعون لازاكو شباب ميصير بس همه طلعو