تخيلات (باللغة العربية و اللهجة الجزائرية)

شنايفية 😻 (باللهجة الجزائرية)

وسعووووو تشوو أريـولة جااات 😁
بتخيل جديد بالدزيرية  البطل جزائري هو youtyuber dz أسمو hicham ichou  نتمنى يعجبكم وهو قصير  فيه 3 لبارت ان شاء الله يكون خفيف ضريف رايكم فيه يهمني .
_____________________

تخيلي تكوني من العيباد لي تحكم عليهم قهوة حليب و كرواسو العشية رحت للكوزينة لقيتي ماماك توجد واش طيب لعشا 

أنت : واش لعجوز واش فيها عشا ليوم

يماك :منعرف مزال مديسيديت .

رحت للفريجيدار باه تجبدي الحليب ملقيتيش 

أنت: ما لحليب خلاص ؟! 

يماك :ايه خلاص و نسيت مقلتش لباباك يشري 

أنت : ببببفففف دوك لازم نخرج نشري 
يماك : بركاي متنسفي عليا وتشنفي

شفتي روحك القهوة تحكم فيكروحي شري ياخي سوبيرات راها غير مور وذنك تلقايها اشري ولي .

أنت:أوكي راني رايحة (بتشناف)

يماك : ربي يصبرني عليك وعلى تشنافك

طلعتي لبيتك باه تبدلي تكركري في روحك بسيف لبستي سرڤات وطلعتي شعرك كوجوڤال وحبطتي عند الباب لبستي كلاكات اديتي من عند يماك الدراهم وخرجتي ........
رحتي لسوبيرات وهي جاية كبيرة بزااااف قاعدة تحوسي في رفوفها على حليب كونديا ملقيتيش في رف الاول رحتي لرف الثاني من جيهة الفرماج و الألبان قاعدة تمشي وتخزري من فريڨو لفريڨو حتى لقيتي باطة اللخرة فتحتي لباب مع أنت حطيتي يدك باه تديها كاينة يد سبقاتك ليها خشينة وفيها ساعة وكاين عروق بارزين (لي نموت عليهم أنا ههههه) طلعت راسك تلقاي واحد شباب واقف قدامك و يخزر فيك عينيه كحولة وشعرو كحل ليل وجاي سميمر وعندو فوسات أنت شوية وطيحي مغاشية قعدتي مبهلة فيه وحالةفمك ماشي مأمنة منين طاحت عليك هاذي النعمة ....هو روشلك بيدو .......

هو:هااااي .......أيوووووو.......وين وصلتي 

أنت بعد ما فقتي لعمرك جمدتي ملامح وجهك وقلتي

أنت : خلعتني برك معليش تعطيني لابواط بسك أنا لولة لي شفتها ماشي من حقك تديهالي من يدي وكيما راك تشوف بقات غير هي وشكاير تاع لحليب مكانش .....

هو : أنا تاني خصني لحليب والقافز الداها لوكان زربتي غير شوية لوكان راها في يدك دوك 

أنت :أنت مهبول على حساب الشوفة جيب لابواط اللهنة ......عقدتي حواجبك 

هو : يا يماااااا على الزين كي يتقلق 

أنت : أعطيهالي بلا هدرة زايدة 

هو :حقا مقلتلكش أسمي hicham ichou وعلى حساب واش راني نشوف متعرفينيش .

أنت:وأنا واش دخلني فيك سقسيتك باه راك تقولي ..... ربعتي يديك ودورتي وجهك