ليتك سألتني

البارت الثالث

ما تكدر تعيد الراح بدموع

ولا تكدر تعوظني الخسرته

عشت العمر كلهى وياك مخدوع

خذت كله البالي مني رته
.
ماريدك تجيني انتهى الموظوع

جنت ماضي بحياتي وراح وكته

خسرت العمر مثل سنين الشموع
.
يظحي بكل حياته ويصير سكته.

___________،______،______،____

ونكمل قصتنا مرت ايام عليهم

وجان يجي اليوم  المنتظر

اليوم الي رح يغير حياتهم لمهيمن وجوري واسامه

اليوم الذي سيبدا بكتابه سطور جديده لقصه حب

مليئه بالجروح وليكتب بها كذبتن تخرب حياة جوري

كذبه واحده ' قرار بلحضه غضب ' حب مراهق و لحضه تسرع

كل هذا كان سببا في بناء علاقه مليئه بعذاب وحب

لاينكسر وشك الذي سينمو مع مرور العلاقه

هل سيجتازون اختبار اليوم ام سيستسلمون للقدر

ترقبووا ذلك !!!!

جوري كعدت الصبح مثل كل مره وسويت الريوك وماما كالت اريد اروح للسوك تعالي وياي اصرت عليه اني مجنت حابه اروح خايفه من اليوم مدري ليش كلبي ناغزني وحلمت حلم سيئ ماوديت اروح بس هي صرت علي الا ارووح

مهيمن كالعاده كعدت الصبح وسبحت وبدلت وتريكت ورحت لسامر ورحنا سوه للسوك وجنت مدري حاس حساس غريب كانو اكو شي رح يصير اليوم

كانت قلوبهم تنصحهم الا يذهبوا لكنهم ذهبوا ليكون هذه اليوم سببا في تغيرر حياتهم ...

جوري لبست صايه ام البدله ضيكه وكلوش وشال اسود وحذاء ابيض واسود  ورحنا للسوك وجان امي تاخذني لمحل سامر

مهيمن اني شفت نفس البنيه اجت مره ثانيه وي امها يمكن دخلن للمحل كبل عفت البيدي وطلعت ورحت وراهن مدري شوداني بس رحت رجليه مشني الها

جوري مباوعتله ابد دنكت ماريد شوفه لان كرهته من غمزلي مدري ليش سويت نفسي ممهتمه

الام : هاجوري اخذي عطر

جوري : ماريد عندي هواي

سامر :بس جايب مجموعه جديده وغمزلي

جوري : ماما خل نمشي ماريد

الام : يمه هسه اجي اروح اجيب حبوب من صيدليه وجي اونتي اخذي عطر

جوري : ماريد خل اجي وياج

الام : بس الغراض هواي وصيدليه مكان علاج ميصير يمه شويه وجي