ليتك سألتني

البارت السابع

بدينا تجهيزات للحنه اليوم حنتي والبيت هوسه كرابينا من كل مكان اجو البنات وحدنا والشباب وحدهم

_اني رحت للصالون بليل الساعه ٧ لبست فستان ماروني وتسريحه رفعت شعري ونزلته نصه وزلوف والمكياج كحلو واينالير طوخ سود ورموش سود وحمره ماروني وشفتي صغيره ومبيض وكذا

_ طلعت ااخبل فدشي ام الصالون من يمها تسمي علي خف انحسد ورجعنا للبيت والبيت هوسه اهل العريس كلهم موجودين وحور ستقبلتني

حور ؛ ولج شنهاي تخبلين 💕

جوري : عيونج الحلوات كلبي 😳

حور ؛ رح تخبلين اخوي اذا شافج 😍

جوري : هسه الا ذكريني بيه سديتي نفسي دخل نمشي 😂

حور : ها ها رجعتي ع اخوي 😒

جوري ؛ اهوو فكينه هسه اني جاي افكر اليوم دبكات وركص شيخلصني شون حكض نفسي وماركص😂

حور : هههههه اي خطيه لاتخافين اني انزلج ونضل نركص

جوري : اييي عليج العباس 😘

حور : يلا تعاي نكعد

بدت الحفله والركص والهلاهل والتبازخ 💃😊

_واني ابد مويمهن عقلي وفكري انو رح اطلك شون هيج فرحانات واني غصه بكلبي

_شون اكدر اكمل وادري كل هل شي مزيف اوووف مهيمن شسويت بيه وهمت الناس بحب كاذب

_ شون رح اكدر اراويهم وجهي بعد كم شهر

_ضليت افكرر وحيل ضايجه دمعه بعيني كوه متحمله ابتسم وبكلبي حزن

_اووف كافي تفكير الله كريم هلبت يحبني وميطلكني 😢😩

____________________

مهيمن اجت الحنه

واهلي حيل فرحانين واني مالي خلك الحنه حيل ضايج

شوكد تكمل الحنه واخلص من هل تمثيل هسه غير يجي باجر ونخلص من هل تفاهات 

رحت بدلت قاط قميص ماروني وستره سوده وبنطرون اسود وحذاء اسود وسبايكي سويد طلعت فد شي صدك عريس 😍

_ المهم بدت الحنه والناس تباركلي وسوالف وكذا وقطعنا الكيك واصدقائي مقصرو ركص وردح كلبو الشارع لمو العالم كلهم 😸

_ واني بالي يم جوري شنو موقفها رح يكون 😟

_هم رح تكون فرحانه مثل باقي البنات ام جاي تحسب حساب القادم هم خايفه لو مالها شغل 😏

_ اوووف عمي شسوويت بيه مالكيت غير جووري الانسانه الي كانت رح تكون المناسبه الي وين الكه مثلها 😞

_____________

اجه الليل والعالم فرحانين الاهل ولاصدقاء

_ جوري ومهيمن مثل تفكير ماحاسبين للعرس احساب بالهم يم المستقبل