انجاب ادم في 20/ر9/1980تعبت هلبا وهيا تجيب فيه وتسحاب روحها بتستريحه زادت تعبت وتنكدت اكتر لانه وين انولد ادم كان عمرها 17العام وطبعا ماتعرفش تتصرف في البيبي لانه صغيره لو مش من المراء الي معاها مرت صاحب راجلها لاكنت متعرف ادير شي هي الي ساعدتها وعلمتها كيف تغير لي ادم وترضعه وتتصرف معاه ومن كتر انه صغيره ومتعرفش سالتها مرت صاحب خليفه يوم السبوع قالتلها
كريمه:خيريه طاحت سرات البيبي(الحبل السري)
خيريه قالتلها بستغراب:علاش هيا اطيح سرات البيبي
كريمه : باهي جيبيهولي بري
مشت خيريه جابت ادم لي كريمه وين شافت السره متع البيبي لقتها ملتهبه هلبا رفعو للمستشفي وعاينوه وروحو بيه وعلمتها كيف اتنظفله وقعدت تبعت في صور ادوم لي عيلة خليفه وكانو فرحانيين بيه لانه اول حفيد وطبعا كانو ناسين انه عنده بنت من مرته الاول فاتت 3شهور ومكانتش فيهم مرتاحه لانه المتعجرف خليفه يضرب فيها كل يوم وطبعا كانت امه مريضه ويبعتوله انها تبي تشوفه قبل ماتموت وطبعا امه كانت مريضه بلورم(عفاكم الله)وفي يوم من الايام اكتشفت خيريه امه حامل تاني قعدت تبكي وقالت انه هي مش مرتاحه معاه بي بيبي واحد يا بال اتنين حاولت كم مره اطيح البيبي بس ربي كاتب انه البيبي هادا لازم يجي روحو لي ليبيا وكانت خيريه في بدايت حملها وين روحت تسحاب روحه بتروح لي حوشها فا اول ما وصلت لقت شيابينها مستوطنيين فيه فكانت هني الصدمه وطبعا كانت متقدرش تتكلم لانه كان تكلمت ح يضبرها خليفه ف رضت بي الامر الواقع ولقتهم محولين دارها ليدار تانيه لانهم كانو هلبا 5ولاد و2بنات طبعا الفتره طولت لانها مسافرتش تاني كانت الفتر هادي فتره صيف وموسم حصاد طبعا كانت رجعه تكره خيريه هلبا وتغير منها لانه هي في نفس عمره خيريه وطبعا كانت خيريه انظيفه ومرتبه وماكلتها تهبل رغم انها متعرفش اطيب ام رجعه فكانت خماره ومن كتر ما بايره حتي دحيه متعرفش تقلي طبعا اهل المتعجرف خليفه كانو يمشو للحصاد كانو يخلو في خيريه لانها حامل وتتواحم وكان وحمها واعر كانو يخلو في رجعه مع خيريه علي اساس تساعدها فيها طبعا خيريه اطيب في الغدي باش تبعتهوهم وين ماهما يحصدو كانت اتجي شطانت الرجيم الي اسمها رجعه اتصب في ملح في ماكلت خيريه وطبعا من حسن حظ خيريه ومن سواء حظ رجعه ان كانت خيريه متحطش في ملح في بدايت تطيبها وكانت كل مر تقوللهم سامحوني لو ماكلتي ناقصه ملح فكانو يقولولها بلعكس ملحه معدل فا خيريه شكت في الموضوع
يتبع ......... فلونه
أنت تقرأ
الدنيا دواره
General Fictionتدور علي قصه حقيقه 100% والقصه صايره في الجبل الغربي مدينة (غريان) كل شي فيها خيكون حق والاسماء كلها حق لا البعض
