طبعا خليفه كان متزوج بنت عمه وكان ميحبهاش تزوجها غصب عليه وبعد فتره حملته مرته صارته بينهم مشاكل هلبا والمشاكل بدت من لاما جداها بدت تحكم اطلع فيها من غير ادنه وهاد الوضع معجباش وهو طبعه يحب كلمته تمشي علي الناس الكل ويحب يفرض رأيه علي الناس والسبب هاد زاد كبر المشكله بينهم ووصلت لي الطلاق وبعد فتره عرف بي انه جاته بنت وطبعه لانه هو مش راضي بي امها ف تنزل عليها ومن هداكه اليوم وهو ميعرف شي علي بنته وطبعاقعد مطلقه سبعه سنين لين اليوم الي شاف فيه خيريه
-----------------------------------
خليفه;ياحاجه اني نازل لي طرابلس ماشي لي جازيه بنتغد عندها تبي حاجه من غادي
سالمه; سلمتك ياوليدي يجيبهالك الله زينه انشالله
خليفه;هيا ملا سلمتك غدو مروحه
وطلع خليفه من الحوش وتوكل لي طرابلس وبعد ساعه لا ربع كان قدام حوش اخته جازيه وهو خاش بي السياره شاف بنت كانت اية من الجمال(وطبعا خليفه كان صايع افندي ومفيش بنت اتفوت عليه لا هادي الي خلاته يقرر يفكر في الزواج مر تانيه) ومن هداكه اليوم خليفه مروحش من طرابلس
نحكيلكم شويه علي خيريه
كانت هيا اخر العنقود ودلوعه بوها واخوتها والي تبيه يتنفد من دون مقدمات وكانت قريبه هلبا لي بوها ويحبها محبه خاص عن باقي خواته وكانت امها من النوع الصرم(واعره) وتبي كل شي كويس ومساوي ومنضبط هلبا في تربيه ضغارها
أنت تقرأ
الدنيا دواره
Ficción Generalتدور علي قصه حقيقه 100% والقصه صايره في الجبل الغربي مدينة (غريان) كل شي فيها خيكون حق والاسماء كلها حق لا البعض
