تمزقت طفولتي

الجزء 10

البارت 10
طلعت من الحمام رحت للغرفتي لبست دشداشه الي نطتنياهه شيرين حلوه عليه لان اني اضخم منهه اشويه مشطت شعري بعد ماشلع كلبي كلش لان طويل فكرت اكصه بس امي جانت تحب شعري وتوصي انو مااكصهه لا خلي صافنه بالمرايه دخلت شيرين
ها كملتي شكو قلقتيني شنو السالفه البيني وبينج (ام درب قلقتج لو تردين تعرفين اشكد الورث الخلو😒😒)
لارا :اكعدي خيه امانه عندي الج ارواق ارض تقريبا 300 متر هنه 600 متر ابوي مسجل نصهه بسمج ونص الثاني بسمي وقبل لايموت وصاني انو انطيهه الج وهاي الاوراق خيه هذه حلالج كدام ربي وكدام اهلي بعد مالج شي يمي 😐 وصيه اهلج هاي
شيرين :يعني بس هاي حلالي والبيت شفكرتي بي
لارا :شيرين البيت انسي مستحيل انبيعه افهمي يذبنه الوكت نرجعله بيت اهلنه هذه ريحت امي بي وحنان ابوي بي لاتتصورين ينباع
شيرين ؛وشكنالج اكلتيني اكل 😒
لارا : لاخيه عليمن اكلتج بس واحد يفكر للزمن هالتشوفيني راح ادولب من بيت البيت
شيرين :شنو تتدولبين اكعد هنا وسكتي لما تفرج ويجيج ابن حلال ياخذج
لارا:كالت هيج لو كلبني انعصر وكلت بكلبي لايختي احتمال حثكل عليج كلش لان ماازوج محرمه من هالشي 😢ماريد كلشي من الدنيا كلشي ماريد 😣
شيرين :يله رايحه اسوي عشه كملي خلي شي ع راسج وتعالي وراي
لارا؛اي ماشي جايه وراج نزلت شيرين نزلت اني وراهه بس صدفه الولد كان صاعد للفوك صارت عيني بعينه دنكت وجزيته عبالي غريب مااعرفه
صاح وراي
اكرم:لارا
لارا:ها خويه 😞
اكرم :اولا اضوج من هالكلمه ثانيا حبيت اسالج مرتاحه اهنا
لارا :اي مرتاحه بس انته منو ليش تسالني هالسؤال😞
اكرم : شنوووو😲😲
لارا :اسم الله ربي دخيلك اشبيك صرخت كتلك منو قابل اشكلت مثلا 😒
اكرم:كالتلي انته منو اني انصدمت هاي لسه ماتعرفني بس حقهه عمري كله مشايفهه بس بوفاه امهه وشتذكر مني بذاك الوقت اصغيره كلش جانت سحبتهه من ايدهه ونزلتهه امي بالصاله كاعده

اكرم :يمه البنيه تسالني انته منو😅
ام احمد عمه لارا:يا داده عزه بعينج لج هذه اكرم ابني الصغير شبيج يمه ضرب عقلج 🙂
لارا :عمه مغذوره مشايفتهم عمري كله
عمتي :اي والله حقج جان المرحوم يكول عليج ابني لارا مو بتني اوف ياخويه سوده عليه
لارا :عمتي حجت هيج واني ماصدكت دموعي نزلت ركضن ركض
اكرم :بجت لارا كلش ضجت خطيه طفله واهلهه راحو حقهه تبجي المثلهه تنام بحضن امهه حضنتهه امي وكالتهه بنيتي من اليوم عتبريني امج وابوج وكلشي عندج انسي كلشي هناك انتي بنتي من يوم ورايح انتي من ريحه الغالي لاتتصورين افرقج عن ولدي
لارا:حجت هيج اني زدتت بجي بحضنهه اتمسد ع شعري حنينه كلش حنيتهه نفس حنيه امي اتحبني كلش عمتي اكول ابوي اختارهه من بين الكل لان يدري بيهه كد المسؤليه وماامنهه ع كلشي يخصه الله يرحمك يابوي ربي يسهل امرك بهاليوم اكيد بالجنه حاسه بهالشي لان مااذيت احد بحياتك اخ جرح يلجم بجرح شخلصهه هالحياه.
صدفه دخل احمد
احمد:اليوم منين هالكمر تعالي ولج يمته اجيتي
لارا :اليوم اجيت جابني منصور
احمد:ابن عمج مو
لارا :اي ابن عمي
يحجي ومخلي ايده ع ضهري ومدنك يسولف وياي معتبرني طفلته حالي حال مريم ونضرات الشفقه بعيون الكل بس هالاكرم امره عجيب
كعد يكلب بتلفونه فصل من الرئيسي يضحك وحده ماعرف شبي 😞
اجت شيرين مدت السفره وكعدو كلهم اجه زوج عمتي ابو احمد بوسني وصبر عليه وكالي انتي بنيتي من اليوم كلش ارتاحيتلهم استحيت اكل اشويه شويه مثل العصفور رغم ماجوعنه😖
كملنه لميت السفره وي شيرين اكرم يباوعلي ساعه للمبايل اني ماهتميت اعتبار اخته حصير بنفس البيت وكرهت صنف الرجال من يوم الي سوه بيه هالحقير محمد احس كل رجال بالدنيا عدوي
😳
غسلت الماعين صبت شيرين الجاي شربو اني صعدت لان تعبانه ب10 كتلهم راح انام كالت شيرين براحتج صعدت اول ماخليت راسي ع المخده نمت حلمت امي وابوي يضحكون ولابسين ابيض وابوي يكلي اني مرتاح هنا لاتخافين عليهه عفيه عليج بنيتي صيري قويه امي اتكول لارا بوكت ماتضيك الدنيا بيج لاتترددين تعالي ويانه ترتاحين كعدت مفزوعه ميته خوف فكرت انو يجوز اموت مثلهم نزلت للمطبخ شربت مي باوعت الساعه 2 بليل عدهم حديقه بره البيت كعدت بالكاع والهوه شويه بارد الجو حلو واباوع للنجوم واذكر حلمي ودموعي تجري
تابعوني ☺☺