البارت ..٩
#امين الرووح
عشك طفله
وصلت للبيت وشفت السياره
هاي مثل سياره حسين
اهوووو بس لا هم اجه علينه
طبعا اني متفوقه حيل بدراستي وزاد جمالي جمال وهذا بالنسبه الي صار نقمه لان صارت عليه الطلبات كومه من قبل عمامي وخوالي والجيران اووووف مليت
حسين قررت اروح البيت حيدر واحجي ويه ورده الحالنه وحاول اقنعها لان مدا اكدر اعيش بدونها هاي الطفله سطرتني خلتني اتيه بالدنيا ماعرف حتى اهلي مالي خلك الهم
صرت اهملت حالي ومالي ولا جن اني حسين الكل تهابه وتخاف منه
رحت دكيت الباب طبعا ما انطيت خبر لحد ساعه ٣ الظهر
فتحلي محمد صار رجال وكبرا بطولي هوه وشواربه متغير حيل
محمد . اهلا عمي زارتنه البركه تفضل تفضل
حسين ..فتت للاستقبال والكل تفاجاءه ابجيتي والكل رحب بيه
حجيت وي حيدر بنفس الموضوع وكتله خليني اني احجي وياها
محمد ...ورده بابا يصيحج يكول خل تجي عمج حسين يريد يحاجيج
اني جنت بالمطبخ قريبه عالاستقبال
عطت وكتله لمحمد .ماريد اشوفه واذا جاي ع موضوع الزواج خل يمشي يطلع بره
حسين ..من سمعت صوتها وكالت يطلع بره اني صدك اهنا بعد متحملت حسيت كرامتي نزلت الكاع وطاحت سبيت حالي وكمت ترخصت وطلعت عالسريع اركبت سيارتي وطلعت واسمه حيدر وكرار يصيحون عليه
حيدر .حسين اوكف وين طالع حسين يمعود مو احجي وياك
محمد..عمي حسين وين رايح الدنيا ظهر والجو نار يكتل كتل
حسين ..ما اهتميت شغلت وطلعت وانه بالطريق امشي١٦٠ وكلبي عاصرني عصر ما شفت اله حالي نضربت بسياره وفترت بيه فر السياره فتحت عيني بالمستشفى
حيدر ..طلع مثل المجنون متعصب والجو حار ماتسمع بس صريخ السياره وشحطتها القويه ما لحكنه عليه
ردت اطلع وراه بس المشكله وين الكاه ماكلي وين رايح
رجعت دخلت للبيت رحت ع ورده
حجيت عليها ورزلتها لان تصرفها جان غلط مهما يصير عيب ابنيه ترفع صوتها
وتطرد خطارها وابوها واخوه حاظر
الكلشي اكو اصول واني بالعوجه ما اقبل صرت حيل عصبي عليها وردت اضربها بس امها لزمتني وكالت عوفها اني احجي وياها
فتت غرفتي تمددت وسمعت تلفوني يدك
حسين
فرحت كلت الحمدلله حسين اتصل خل اعرف وين راح
الوووو
مرحبه
اهلا
انت حيدر
اي نعم منو انت
اني خابرتك لان صاحب التلفون سوه حادث ونقلوه للمستشفى وانت اول واحد لكيته بالصادره ودكيت عليه
حيدر .صدك كذب شنو هالخبر يمعود زين وين يامستشفى
مستشفي اليرموك
هسه جاي
كمت لبست وطلعت اخذت محمد ويايه
اطياف اني رايح للمستشفى حسين ندعم
اطياف ..يبو عزززه بس لا يروح بيها الرجال
ورده ..من سمعت ندعم متت قهر صح ماريده
بس هم خطيه تأذه وعلمود وبنته واهله
الله يكومه بالسلامه يارب ظليت ادعي اله بالصحه
رجع بابا بالليل
..ورده حظريلي بطانيه ومخده وشرشف نظيف ناخذه ويانه
وانتي اطياف سويلي شوربه واكل مرتب اخذه لرجال
ورده ..بابا شلونه عمو حسين
والله يابابا شلونه متكسر ..كسور ابرجله ثلاثه وبيده وجروح ابوجهه وجسمه طلع من الموت بعجوبه السياره ممروده مرد
اليوم ابات يمه وباجر اخابر ع اخوته
ورده ..حسيت بالذنب ولمت حالي لان لوما اني اعيط واطرده مجان صار الصار
ياربي ليش هيج تخليني بمواقف ما انحسد عليها
ظليت ابجي ولوم حالي حيل تسرعت المفروض اسمعه بالاول وبعدها اكله شنو رأي بالموضوع
ظليت الليله كله اصلي ودعيله بالشفاء العاجل
صبح الصبح
حيدر صارت ساعه تسعه خابرت اخوته وكتلهم بالصار جوي يتراكضون تقريبا وصلو بغداد ساعه ٢ الظهر
هااااا خويه حيدر شلونه حسين
حيدر ..هسه احسن نطوه مسكنات ومهدء ونام واني من البارحه وياه باقي
صارت ساعه ٥ العصر صحه احسين وشاف اخوته
هاي ليش اجيتوا وعفتوا الكاع والحلال
خويه ..شمالك ياكاع ياحلال صحتك اهم من كل هاي الامور
حسين .ميخالف اني زين باجر اطلع
حيدر .وين تطلع الدكتور كال يبقه تحت العنايه لان راسك مضروب ضربه قويه ويخافون يصير مضاعفات عندك
حسين ..مر ع وجودي بالمستشفى يومين والثالث راحوا اخوتي للمثنى رجعوا
وجه ابويه وامي وهم دك ولطم من قبل الوالده عبالك انه ميت
هي كم كسر يايمه شمالج كبل تلطمين
خايب اسكت هم عندك عين وتحاجيني اسكت لا والعباس اكومن اعليك وضربك مو انه جايزه منك لو عند عشر
حسين
ههههههه يمه والله ضحكتيني
حيدر ..خاله ارتاحي والله حسين هسه هواي احسن
ظلت لساعه اربعه اخذتها هي وعمي ابو حسين البيتي واني هم اغسل وغير ملابسي وجيب لحسين هم ملابس
خطيه صارله يومين ممغير شي
طبينه وام كرار استقبلتهم اجمل استقبال وخلت جاي كبالهم غسلت وبدلت وخذت كم لبسه وفاكهه وطلعت
ورده ..من جوه استحيت اطلع عليهم اسلم احسن روحي مالي وجه اطلع لان الصار ببنهم ابسببي ظليت واكفه يم الباب اريد ادخل وما اكدر استحي ..وسمعت الحجيه ام حسين تحجي الماما شلون حسين تعذب ابسببي وتغير وهمل بيته وبنته وعمله صرت انوب الوم حالي اكثر
وهاي الدعمه زادت الطين بله
خطيه تحجي وتبجي امه
تكول حيل حب ورده وتمناها وهوه ابد ما عجبته مره كل هاي السنين بس بنتك
