البارت ...١٦
#انين_الرووح
عشك طفله
صبحنه الجمعه
وراحوا اهلي وظليت بس ابجي دم عليهم تعودت ع وجود امي واختي كربي
اتمنى يجون ويعيشون بالمثنى علمود اكدر اروح الهم كل ما يعجبني اوووف يارب ليش الفرح علينه يمر يوم والحزن يمر اعوام
تنهدت وكمت عالبيت
اليوم حسين طلب مني اسويله كباب عروك يكلي احب طعمه من يدج
رحت للمطبخ حضرته وظميته بالثلاجه
صعدت الغرفتي طلعت كتبي علمود ارجع لدوام يوم الاحد
بديت اراجع وتذكر امي من جانت تقريني شلون اذكر ودموعي شلال عليهم ياربي اريدهم يمي يكونون
تسريع بالحدث
رجعت للدراسه يوميا اداوم مر ع الدوام شهر
اروح واجي مع فرح نتمشه لان المدرسه مو حيل بعيده
طبعا اني بالمدرسه من المتميزات حيل
اقره اني واقري فرح هم دروسها
بديت انتبه ع شخص دوم يلحكنه يمشي ورانه من نجي ومن نرجع
فرح ..اكلج ورده .هذا شكد لزكه لازكنه
ورده . اي والله ماعرف شبي عبالك متيهله شخص مثل وجوهنه
ورده ..يمعوده ماعلينه بي هوه الحاله واحنه الحالنه
فرح ..اي بس اذا سمع بابا شراح يسوي
ورده ..لتحجين خاف يبطلنه ويكعدنه بالبيت ابسبب واحد ميستحي ع حاله
فرح ..لا ما احجي
ورده ..يوم بعد يوم شفت الولد بده حيل يتقربلنه
بله هذا شسويله اني جان كل ظني ع فرح جاي
بس طلعت المشكله الاكبر جاي عليه
لان اني من اطلع انزع الحلقه ماخليها لان الناس ماتعرفني اني مزوجه حسين بعد معالن زواجنه بالديره
اليوم من الصبح اول ما داومت حسيت وضعي مو زين ابد كل شويه اصخن وتفك ظليت الدروس كلها مخنطله
طلعنه من المدرسه وهم صار كبالنه وظل يمشي ورانه
ظلينه اني وفرح مجاهلين وجوده
الحد ما نزل حسين صار كبالنه اني وفرح وسمعني من رزلت الولد
ورده ..انت شعندك ورانه يوميه متستحي ماعندك خوات شنو هالزكه
الولد ..انتي اتموتين اجبريني احبج مو بيدي
ورده ..انجب شهالحجي
حسين ..اني بطريق الرجعه للبيت وشفت فرح او ورده ابنص الطريق واكفات يحجن مع ولد
صفيت السياره ونزلت وصلت يم ورده واسمعها ابصوت عالي تكله نجب
اني تخبلت طار غطه راسي
من ابنيه تغلط ع ولد عيب لان ما تعرف شنو حيكون مرد الولد الها
البنيه المحترمه تعوفه وترجع للبيت وتبلغ اهلها وهمه يتصرفون وياه
وصلت .وكتلها كافي امشن كدامي .الزمت الولد حجيت وياه شفته من هذول المايعين انطيتله راشدي وكرص اذن وكتله بالي اشوفك اهنا مره ثانيه
انت مو ابن حازم
الولد من الخوف بقه بس ما بايل ع روحه
رجعت لسياره صعدت وستلمت ورده حجي وغلط
لج انتي متستحين متكبرين انتي لشوكت تبقين طفله
لج بابا عيب مره توكف بالشارع مع شاب وتغلط عليه كدام الكل عيب صوتج ينسمع
اشو اني احجي وجان ورده شكلها كلب اصفر وبدت تتقيئ
حسين .لج هاي شبيج
اخذتها ابوجهي للمستشفى تحاليل وسوالف وجان تطلع حامل
فرحت والله حيل لان مليت من الانتظار صار ع زواجنه فتره طويله عذراء حبلت او ورده بعدها
رجعنه للبيت متاخرين
ام حسين ..اي وين جنتن يا بنات الكلب وكعتن كلبي
حسين ..يمه عذريني مخابرتج لان التهيت ابورده اخذتها للمستشفى لان تخربطت وتحاليل وطلعت حامل
ام حسين ..اخذتنه بالهلاهل والافراح
دخلنه خلينه الغده
ورده..واني وضعي ابد مو زين ماعرف شحس اصخن اتقيئ تعبانه
صعدت الغرفتي
حسين ..اليوم راح اطلع لربيل اشو ادك ع الدكتور ما يجاوب وابوي حاله ابد مو زين
خل اروحله وبالك اجيبه وياي
ورده ..حسين دير بالك ع حالك عفيه من الطريق
حسين ..ان شالله يله حبي في امان الله
ورده ..في امان الله وحفظه
طلع وصلته للباب ورجعت للغرفه شفت الساعه ٢ ونص الظهر
اخذت دوه وكلت خل انام وصحه اقره لان باجر عندي امتحان غفيت وصحيت ع عياط وسبايه
ورده ..نزلت اركض هاي شكو
اسمع خاله ام حسين .ولك عدنان رد علي ولك عدنان حاجيني
اجه علي وحسن يمه بس فكي يدج الخاطر الله
اسألت اسماء ..اكلج شبي جدو عدنان
ولج مات ..شنووووو
صدك تحجين
اي والله ركضت الغرفتي شفت الساعه ٣ ونص اي حسين صارله ساعه من حرك يعني بعده قريب
خابرته
الوووو
ها ورده محتاجه شي
ورده ..اي حسين
تكدر ترجع للبيت
حسين ..لا ما اكدر لان مابقه شي وطلع المثنى
ورده ..بس بعد ميحتاج تروح لربيل
حسين ..ليش شكو
ورده ..جمد كلبك حسين عفيه ولتتهور بالسياقه
حسين ..خرب لج احجي جمدتي كلبي هسه انتي ابكلامج
ورده ..حسين ابوك مات
حسين ..شنوووووووووووو لج ورده انتي واعيه شجاي تحجين
ورده ..اي والله هسه نزلت وسمعت
حسين .من الصدمه بالخبر ماعرف شلون فريت السياره وشلون انطلقت
ورجعت للبيت وصلت لكيت اخوتي ماخذي للمغيسل ومكفني وتوهم راجعين يردون ياخذوه للدفنه
نزلت ماشوف العالم بس سراب
مامصدكت الخبر
جان اصرخ ابعالي صوتي ..ليش عفتني يااااااااابه
ورده ..جنت جوه يم خالتي والبنات جاي يبجن ويلطمن وسمعت صرخه حسين
من فزتي وخوفي كمت ابساع صارت كومه ابطفره طلعت اركض عليه
شفته يضرب ع راسه
ولك احسسسسسسسين لتأذي حالك فدوه
وصلت يمه هوه كاعد بالكاع بس يبجي
حضنته العوض بيكم حبيبي
هاي مشيه الله
هذا زرعه ..وحب ياخذه هسه تقوه ياعمري
لازم تكون
انت قوي حالك حتى اخوتك وخواتك وخالتي وعمامك يستندون عليك حسين لتضعف هيج
طبعا اني احجي وياه والألم في بطني موتني عبالك سجين في بطني
بس اتحملت وصبرت حالي
اجه عليه عمه والولد اخذو حسين وراحوا طلعوا للدفنه
اني ارجعت للبيت بس راح اموت من شده الوجع
جان ادخل للبيت عطت بصوت عالي وجان اوكع غمه عليه
البنات ..عزه ورده التموا عليه عذراء شلناها دخلنها جوه نامت عالقنفه شممناها عطر وصحت
بس احس ابحالي كأني غايبه عن الدنيا
اشرت بيدي ع بطني
اسماء ..عذراء هاي حيل مصخنه
بنين ..عمه هاي دم ع رجليها
عذراء ..عزه بعيني لحكولي خابرو ع احد
اسماء ..ركضت دكيت ع اخويه قاسم
الووو قاسم فدوه الحك وتعال البيتنه لان عدنه حادثه بالبيت صارت
اجه قاسم اخذت ورده اني ورحنه للمستشفى وبقت عذراء يم امها بالبيت
دخلنه
الدكتوره ..هاي بتكم صار عدها اسقاط لازم كورداج نسويلها
اسماء ..شنو سبب الاسقاط
الدكتوره ..عزيزتي مريضتكم بيها مرض داء القطط وهذا يسقط الجنين لازم يتعالج ياله يثبت الجنين
اسماء ..ان شالله عيني دكتوره سوي الي عليج فدوه بس استعجلي لان عدنه حاله وفاه
ورده ..هاي ثاني جنين اسقط متت قهر والله حيل حابه يصير عندي طفل ليش هيج ياربي
طلعت وضعي تعبان رجعنه والعزه انصب
والناس ملتمه
والخوال والعمام مخبوصه
خابرت ع اهلي وكتلهم جدو عدنان مات
والدي انجن جنونه
حسين ..رجعت للبيت العمام ناصبين الجوادر وبادين بالمراسيم
واني حالي حال الثوب العليه كوه شايله ع جتافي
ما دخلت للبيت ولا الغرفتي لحد ثاني يوم من الفاتحه الصبح فتت بس غسلت وطلعت الظهريه اجه ابن عمي حيدر واخوه او ولدهم وقاموا بالواجب
اطياف ..دخلت البيتهم خطيه النسوان كلها تبجي وام حسين بس تنعي
شي صدك يمرد الكلب
رجل كان والنعم منه ومن طيب اصله وكرمه
سألت ع ورده لان ما شفتها من وصلت
اطياف ..اكلج اقبال وين ورده شو مالها اثر
اقبال ..اي والله خطيه بغرفتها مريضه ونايمه
اطياف ..ركضت وصعدت دخلت غرفتها
شفت اسماء جاي تنطيها ابره
شلونج عيوني اسماء ..
هلا وميه هلا بأم ورده
شوكت جيتي ..
والله من زمان بس جنت يم ام حسين
خير شبيها ورده ليش تنطيها ابره
اسماء ..خطيه هم طرحت البارحه
اطياف ..عزه بعيني هذا الثاني ليش هيج
اسماء ..الدكتوره كالت بيها داء القطط
اطياف ..شنو هذا النوب الداء شو في وكتنه جان ماكو تونه سمعنه بي
حسين ..رجعت للبيت دخلت الغرفتي صارت ام ورده كبالي سلمت عليها
وشفت ورده امدده
حسين ..ورده اشبيها
اطياف ..شويه تعبانه انطيناها علاج وراح تتحسن ان شالله
حسين ..اي عيوني ام كرار اخذي بالج منها فدوه
اني جيت ع شغله وراجع للعزه
اطياف ..من سألني حسين عن ورده خفت اكله طرحت لان خاف الرجل ما يتحمل بعد صدمه كلت اسكت ويفوت عالعزه فتره ونكله هيج احسن اله لان من تتراكم الصدمات اللنسان يوكع وكعه قويه
حسين ..مر ع وفاه والدي اسبوع بس نفسيتي تعبانه حيل وما متقبل احد
عذراء ..شفت حسين وخطيه نفسيته ممروده ماحبيت احجيله شي عن زوجته
بس هوه شافني مقهوره والوب بس اريد اكله
حسين ..تعاي عذراء شبيج
لا خويه ماكو شي
حسين ..قابل ما اعرفج من تنهمين
عذراء ..والله اخاف احجي وانت تتاذه اكثر
احجي عذراء فدوه بدون مقدمات جسمي بعده يستقبل الصدمات
عذراء ..اي راح احجي ..تره خطيه ورده طرح الجنين بيوم وفاه ابويه بنفس اليوم المغرب
حسين ..ادري
عذراء ..شلون تدري
جان كلبي حاس لان في وكتها وضعها حيل تعبان جان
حسين..صدك نصدمت بس مابينت العذراء شي سويت حالي ادري بالصار
ونعزلت عن الدنيا كلها وصار ١٥ يوم ع وفاه والدي وابد مفايت الغرفتي اني هاي الفتره كلها ما وصلت يمها عفتها لان مالي مزاج ابشي بس الافكار دمرت راسي دمار اني ظلمت هاي الطفله بزواجي
الها وهي بعدها صغيره بعد التفكير المتواصل قررت اطلق سراحها
وخليها تعيش حياتها افضل من مشوا اهلها ظلت تبجي حسيتها طفله بريئه ومتمسكه بأمها وماتريد تهدها
نكسر كلبي عليها صار الليل ودخلت الها للغرفه شلونج ورده
.هلو حسين شلون صرت
انتي شلون صرتي
زينه ايشوفتك
رحت كعدت يمها عالجربايه هي تقربت الي وخلت راسها بحضني
.ورده.. حسين ارجوك عذرني
.حسين .ع شنو اعذرج حبيبي
.لان فقدت الطفل وانت جنت حيل فرحان بي وتمنيته يعيش
حسين ...لا انتي متوهمه اني عندي حياتج افضل من وجود الطفل
حسين...حضنتني قوي واني ايضا حضنتها ومسدت ع راسها نامي حبيبي هسه ورتاحي
ورده.. .اي راح انام بس لتعوفني ابقه يمي عفيه
حسين. .ميخالف نامت بحضني احملتها وخليتها في مكانها بوست جبينها وعيونها الزرك جنهن بحر وغفيت يمها
صبحنه وفرح صاحت ع ورده يله اليوم هم مداومين
.ورده اي اداوم تريكنه وطلعنه
حسين.. وصلتهم ابطريقي نزلان بالمدرسه ورده دخلت الصفي الكل سألني ليش غايبه ما تكتلهم شي لان محد يعرف بيه مزوجه
.والله جنت مريضه واخذت اجازه واليوم داومت اكو مدرسه اسمها ست فوزيه حيل تحبني ودائما تتفكدني اول حصه جانت الها
.دخلت ونتبهت عليه هااا هلو ورده شلونج وين هالغيبه ليش هامله دروسج وانتي شاطره
.ورده .لا ست مهامله بس جنت مريضه حيل
.الست والله عود اليوم جنت ناويه اجيلج للبيت وعرف اخبارج لان ظل بالي يمج
.شكرا ست ما تقصرين حبيبتي
الست..ورده وره الحصره اريدج .
يتبع
