(( نيهان أتعبها الحب ))
$أحاسيس مغناة $
2003
كينان: ياااالله خاله جمعي شعندج ذهب فلوس ملابس اخذي الضروريات
أم نيهان: أبني ماناخذ مواد غذائيه
كينان: خاله عدنا هوايا بسرعه قبل لايشتد القصف
نيهان: نزلنا كلنا بالسرداب بيت كينان مااااما خااايفه😭
راكان: أشكبرچ وتبچين مثل الجهال
أم نيهان:ولك كولها 14سنه طفله بنتي الله موجود يحمينا
ام كينان: وانته همين طفل
راكان: لا اني رجال 15سنه
كينان: ههه رجال نص أخمس
راكان: اهووو لانو انته طويل تعيرني سنه واصير بطولك
نيهان: جسمي يرجف مااااما بردانه سناني طگطق مااااما خايفه وبردانه
أم نيهان: بنتي أهدي حضنتها تقرا قران وتنفخ عليها يمه بنتي جسمها صار ثلج
نيهان: مااااااما هسى الامريكان يعتدون علينا وگع صاروخ صوته قررريب وااصررررخ ماااارررررررريد اموووووووت باااااااباااااا
أم كينان: خيه نينه كامت اتهلوس لاتنشمر
راكان: ماما فاتحه عيونها مونايمه
كينان: يالله نيهان أضربها ع خدودها موبوعيها لاتصيرين جبانه كعدت بالارض خليتها بحضني شششششش أهدي ترجف مثل السعفه وأقوي حضنتي كلما تصرخ
نيهان: أرررجف ماااااريد اموووت مااريد يعتدون عليا الامريكان باااااابااااا
كينان: حضنتها أكثر أهدي أني يمج ماتموتين شششش وهاي الرشاشه أذبح كلمن يجي يمج شش أهدي لاتخااافين اني يمج هديت شويه
نيهان: قبل مااغمض عيوني وأهدى شفت الغضب بعيون راكان كلت يمكن ضاج لانو اخذت مكانه عند أخوه نمت ماحسيت الى ثاني يوم
أم نيهان: نينه حبيبتي گومي أگليلج لگمه
نيهان: فتحت عيوني يمه اشصار
أم نيهان: موتيني خوف عليج كلت أتخبلت البنيه اني ناقصه يمه هبطااات أنتي الباقيتلي من هالدنيا
نيهان: أمي حجتلي أحس صرت مي صافي من الخجل يبووو كنت كاعده بحضنه وحاضني بقووه يعني ماكان حلم ماما أمتى نطلع
أم نيهان: لايمه خلي يهدئ الوضع
نيهان: أختنگت من السرادب جاي أحجي..
كينان: هااابزونتي گعدتي شون صرتي هسى
نيهان: ردت أحجي قاطعني..
راكان: لااااا زينه من تجيها الحاله أنته موجود تنام بحضنك وتهدئ
نيهان: خجلت كووووولش من كلام راكان ماحجيت نزلت راسي بس لمحت كينان خزر راكان كلما اتخيل نفسي بحضن كينان حرارتي ترتفع طول فترة تواجدنا بالسرداب مارفعت عيني و خطيه كينان كلما يشتد الضرب يجي يگعد يمي يحسسني بوجوده مع العلم كنت خايفه بالكوه أسيطر ع نفسي من يعلى الضرب مااريد أحضنه ويتكرر الخجل مرت علينا ايام سوده صح كولشي موفرين بالسرداب بس أختنگنا لحد مايوم نزل كينان عيونه مدمعه وصوته مبحوح
كينان: گوموا نطلع خلص كولشي سقطت بغداد وأمريكا أحتلتنا
نيهان: كلنا كمنا نبچي أحساس قاسي هوايا ناس كانت متخيله بعد ماتدخل أمريكا راح اتسوي العراق جنه بس هيهات صاررر جهيم كثرت الجرائم والقتل والطائفيه سنين سوى ماكنا نعرف هذا شيعي لو سني بهاي الحقبه يالله عرفت أني شيعيه وبيت كينان سنه ومع هذا چنا گلب ع گلب
بعد فتره رجعت الحياة بس نمشي بخوف وقلق رجعنا للمدارس شغل كينان باعتبار أنفتحت الحدود مع باقي الدول صارت حركه أستثمار بالعراق وأعادة بناء مادمر كينان مهندس شاطر وسع شغله فتح شركة صغيره شويه شويه بدات تكبر شركة كينان الاستثماريه شغل هوايا مهندسين شباب وياه الحد ماصارت شركه كبيره تنطلب بالاسم للتنفيذ المشاريع مرت السنوات
............
2006
