فيصل:خلاص روح انت انا بخليها معي ولا بنادي السكرتيره تجلس معاها
محمد:تمام انا رايح انتبه لها
فيصل:اوك
محمد خرج وفيصل نادئ السكرتيره
فيصل نزل ملك:شيليها وخليها تتفرج ع الشركه بس لا تطلع برا واما طفشت جيبيها هنا
السكرتيره مسكت يد ملك:تمام
خرجو وناظرت ف ملك:وين امها منها ماتهتم لها يع مدري كيف فيصل اخذها بس هي اخت محمد اكيد هي حلوه بس ماتوقع دامها ماتهتم ب بنتها اكيد انا احلئ وش شاف فيها وانا احلئ اففف
صارت تمشيء ملك ع الشركه وملك تناظر ف الي يشتغلون
ملك شافت ابو سلطان بعدت يدها وركضت له وهي تضمه من تحت
ابو سلطان انصدم وناظر فيها باستغراب ناظر ف سلطان:ذي ملك ولا يتهيأ لي
سلطان:الا والله ملك
ملك ناظرت ف ابو سلطان:جدو
ابو سلطان ابتسم وشالها وباس خدها:كيف جيتي
ملك:مع بابا
ملك باست خد ابو سلطان:احبك
ابو سلطان ابتسم:وانا بعد اعشقك
ملك ابتسمت وضمته وهو شد عليها
سلطان ابتسم وناظر ف السكرتيره
:وين فيصل عنها؟
السكرتيره:هو قال لي امشيها ب الشركه واما طفشت اجيبها له
سلطان:اها خلاص روحي انتي
السكرتيره هزت راسها وراحت
سلطان:يبه انت كمل شغله هاتها عنك
ابو سلطان:لا اتركها
سلطان:الا ملك تعالي
ملك مدت يدينها وشالها سلطان ومشئ فيها توجه للكوفي وجلسها ع الطاوله وصار يطلب لها اكل
شال الاكل وشالها ومشئ جلسها ع الكرسي وحط الاكل ع الطاوله وجلس جنبها:يلا كلي
ملك ابتسمت وصارت تاكل لانها ماكلت الفطور وجوعانه
سلطان ابتسم وباس خدها:يعيوني انتي
ملك ابتسمت ومدت له الحليب وشربته
سلطان ابتسم؛ي عمري وش ذا الكياته الي فيك
ملك ابتسمت ورجعت تاكل ناظرت ف سللطان الي يناظر فيها مدت له الاكل وصارت تاكله معها وسلطان ياكل ويبوس خدها
صار سلطان يلعبها ويمشيها ب الشركه ويعرفها ع الي ب الشركه وهي مستانسه وتضحك معهم ويلاعبونها كلهم واعطوها هدايا وهي شالتها ومستانسه حدها سلطان ابتسم:يلا الساعه٣ يلا نروح بابا؟
ملك هزت راسها ب اي:يلا
سلطان مسك يدها وشال الاكياس ومشئ ناظرو ف فيصل الي كان خارج وبيده المفتاح وجواله ناظر فيهم:زين جبتها تاخرنا ع ميس
ملك ناظرت ف فيصل وباست خد سلطان ومشت ل فيصل
سلطان ابتسم ومد الاكياس ل فيصل وسلم عليه وراح
فيصل مسك يد ملك؛ذي الهدايا لك؟
ملك هزت راسها ب اي
فيصل ابتسم ومشئ وهم يخرجون ركبو السياره وحركو وصلو عند ميس ميس ركبت وضلت ساكته وحاطه يدها ع خدها وتناظر الشباك
فيصل ناظر فيها ورجع يناظر ف الطريق:كيف اختبارك
ميس عضت شفتها وماتكلمت
فيصل سحب فرامل:انا اكلمك!
ميس ناظرت فيه:مو حلو جبت العيد خلاص حرك
فيصل ناظر فيها وتنهد وحرك:وليش مو حلو مو انتي لك اسبوعين تذاكرين عشان تحلين فيه؟
ميس شوي وبتبكي من القهر:مماكنت مركزه ب الاختبار
فيصل؛مين كنتي تفكرين فيه
ميس عضت شفتها:ملك شاغله بالي وماقدرت احل بس الاستاذه قالت بتساعدني لما قلت لها
فيصل:اهاا طيب انتي كنتي مذاكره زين وراجعتي
ميس:اي ذاكرت زين حتئ حافظه كل شيء بس لما جاء الاختبار حطيت راسي ع الورقه وماحليت شيء ولما مابقا الا دقيقتين الاستاذه جت تقول لي خلصتي وانصدمت وحليت اول سؤالين وسحبت الدكتوره الورقه
فيصل:اهاا يلا الله يعين
ميس بكت:بسبته يمكن مادخل طب وهذا حلمي
حطت يدينها ع وجهها وصارت تبكي وتشاهق
ملك تناظر فيها بعدين ناظرت ف فيصل الي تنهد ووقف عند البيت:يلا
ميس رفعت راسها وهي تبكي فتحت الباب ونزلت ودخلت بسرعه بدون ماتتكلم ب ولا حرف
فيصل تنهد وشال ملك وشال اغراضها ودخل حط الاغراض وملك ب الصاله وقفل الباب وركض وكان بيطلع بس ناظر ف امه وسلم عليها وركض وهو يطلع
امه استغربت لان ميس سلمت عليها وهي تبكي وطلعت
فتح الغرفه وشافها جالسه ب الزاويه ومحاوطه ارجولها وحاطه راسها ع ارجولها وتبكي بقهر لانها يمكن ماتدخل طب حلمها الي تبي تحققه بسبب ذا الاختبار صارت تبكي اكثر واكثر قفل الباب بخفيف وتققدم لها جلس مقابلها ورفع راسها وناظر فيها ناظرت فيه ومسحت دموعها بعشوائيه وكانها طفله:شفيك
فيصل ناظر ف خشمها الاحمر وعيونها المنتفخه قرب اصبعه وهو يمسك خشمها ناظر فيها وباس خشمها وسحبها لحضنه وهو يضمها حاوطته وهي تبكي بصمت
....
بعد وشالها وهو يسدحها ناظر فيها كانت نايمه فصخ شوزها ورماه وفتح عبايتها وهو يفصخها وطرحتها ونقابها ورماها ع الارض وفصخ شوزه وعقاله والشماغ ورماهم وانسدح جنبها وهو يسحبها لحضنه وغط بنومه عميقه معها
.....
صحو من النوم ع بكاء ملك وام سلطان تتافف وتسحبها بس كانت تبكي تبي فيصل ركضت وضمت فيصل
:بابا
فيصل ناظر فيها وماحاوطها شد ع ميس الي تناظر ف يده
ملك زاد بكاها:باباااا بااابا
فيصل وهو يشد ع ميس:عيون البابا
ملك ناظرت فيه ومدت يدينها وهي تبيه يضمها فيصل عدل جلسته وهو يسحب ميس بحضنه وناظر ف ملك
ميس منزله راسها وهي تفكر ب الاختبار الي ماحلت فيه تاففت ورفعت نظرها وهي تشوف ملك تناظر فيها بحقد وكره وهي تبكي:ببباببا
فيصل مسك يد ملك:شفيك انتي بابا بابا وش عندك؟
ام سلطان خرجت وقفلت الباب بخفيف وماحسو عليها
ملك زاد بكاها وصارت تسعل
ميس ماكان منها اي ردت فعل
فيصل تافف وشربها دواء ورجع وهو يجلس ويجلس ميس بحضنه وشال ملك وهو يجلسها بحضنه جنب ميس
ملك صارت تدفع ميس وهي تناظر ف فيصل الي يناظر فيها بعدت يدينها وصارت تبكي
فيصل:خلاصص اشش انتي
ملك سكتت وضمته بقوه
ميس ناظرت فيها ووقفت ومشت وهي تدخل غرفه التبديل بدلت ملابسها ب شورت احمر وتيشيرت ابيض مشت وهي تغسل وجهها ناظرت ف فيصل الي يناظر فيها ماتكلمت وتقدمت للمرايه ناظرت ف نفسها وصارت تمسح الروج ناظرت ف عيونها الذبلانه مدت يدها وهي تتحسسها ميلت شفتها واخذت كريم وهي تحطه تحت عيونها عشان ماتبين انها ذبلانه حطت الكريم ورتبت شعرها وكانت بتنزل بس يده منعتها وسحبها:شفيك انتي
ميس ناظرت ف ملك والعبره خانقتها:شفت صارت تكرهني
فيصل ناظر ف ملك:تحبين ماما صح
ملك كانت ماسكه يده وتحطها ب فمها رفعت راسها وناظرت فيه:لا كخه
فيصل:مللك!!!
ملك رفعت حاجبها وبوزت وهي تبوس يد فيصل
فيصل يناظر فيها
ميس ماقدرت انها ماتبكي وانسدحت وهي تبكي
فيصل:ملك شوفي امك ماختبرت زين بسبتك وهذا هي تبكي بسبتك
ملك ناظرت ف ميس:احسن
فيصل انصدم وسحبها وهو ينزلها من السرير:انزلي ل جدتك بسرعه
ملك تناظر فيه وحاطه اصبعها بفمها وحركاتها تجذب:بابا
فيصلء بعصبيه:روححي
ملك بوزت وتشبكت فيه وهزت راسها ب لا
فيصل شالها وفتح الباب ونزلها وقفل الباب عض شفته وهو يسمعها تشاهق فتح الباب وسحبها لحضنه:خلاص خلاص
ملك ضمته وهي تشاهق وتبكي بعدت ومسحت دموعها بعشوائيه
بعد ماهدت فيصل جلس ع السرير ورفع ميس بخفيف
ميس ناظرت فيه ومسحت دموعها بعشوائيه وكانت حركاتها نفس حركات ملك باس رقبتها:اخخ ليش انتو حلوين بزياده كذا
ميس ناظرت فيه وعقدت حواجبها
