فيصل زعل وماتكلم بعدها وصل عند الجامعه وماقال لها شيء ناظرت فيه قربت منه وباست خده ونزلت وابتسمت وهي تاشر له ب باي
فيصل ابتسم وبهمس:الله يوفقك
حرك وهي دخلت الجامعه
ناظرت ف الجامعه كيف كبيره تاففت وهي تتذكر ان قمر وفي ومنار وعهود مو مثلها زفرت بضيق ودخلت وهي تدور ناظرت ف بنت كانت جالسه ع جوالها وطفشانه جلست جنبها:سلام تعرفين الجامعه؟
البنت ناظرت فيها:لا والله توني جديده
ميس:وانا بعد
البنت:لحالك؟
ميس:ايه الي يقربون لي كل وحده ف جامعه
البنت:اهاا يعني انتي بتكونين معي اول ترم صح؟
ميس:ايه
البنت:حلو كذا نصير اصحاب؟
ميس ابتسمت:تمام الا وش اسمك
البنت:ميرا وانتي؟
ميس:ميس
صارو يسولفون ويتكلمون عن حياتهمم
ميرا:انتي متزوجه وعليك بنت!
ميس ضحكت:وعمرها صار١١ شهر وقريب تدخل سنه كامله
ميرا:مشاءالله توك صغيره
ميس:شسوي كنت بشرب حبوب منع حمل بس ماقدرت واصلا زوجي رفض اني اشربها
ميرا:انا متزوجه بس ماعندي بنت مانفكر الحين
ميس:اي احسن لك عشان ترتاحون شويء
ميرا:ايه الاحسن عشان نعيش يعني زوج وزوجه فقط
ميس:حلو كم قدلكم متزوجين؟
ميرا ابتسمت:٧ شهور كذا
ميس:اهاا انا سنه و٥ شهور اتوقع
ميرا:اها مشاءالله
رجعو يسولفون بعد راحو يشوفون القاعات والجامعه وصارت استاذه توريهم وتعلمهم
خلصت وجلست:افف
ميرا ضحكت:ماودي ارجع البيت
ميس:ليه؟
ميرا:ودي اجلس معاك كذا وربي انك فله
ميس ضحكت:عمري انتي
ميرا:بكرا وبعده مافي دروس يعني ماتوقع فراس يخليني اداوم
ميس:اها اجل عطيني رقمك ونتواصل
ميرا:تمام خذي سنابي
رجعو يسولفون وكذا
ميس ناظرت ف جوالها الساعه:شفيهم راحو بدري
ميرا:مابي اكلم فراس
ميس ضحكت:ولا انا
ميرا:اسمعي
ميس:ها لبيه
ميرا:لباك ي بعدي
ميس:يروحي انتي قولي
ميرا:شرايك نتقابل بعد الغداء
ميس:تم بس باقي بشوف فيصل
ميرا:اوك وانا فراس
ميس ضحكت:اجيب بنتي ولا مايحتاج ماتبينها
ميرا ضحكت:الا تكفين جيبيها يوه تشبه مين؟
ميس:تشبهني انا يقولون
ميرا:يعمري كيوتتتتت اكيد حلوه دامها تشبهك تحمست اشوفها
ميس ضحكت:يروحي انتي
ميرا:اجل عندي طريقه بثانيتين تخلي فراس يوافق
ميس:كيف؟
ميرا ضحكت:اخليه يشفشفني بعدين يوافق
ميس:الله خروف
ميرا ضحكت:جربيها ف فيصل والله يوافق لك
ميس:اذا ماوافق بجربها
ميرا:اك
ميس:بكلمه الحين عشان مايسوي لي سالفه اني ماكلمته والدوام انتهئ
ميرا:وانا بكلمه بعد شويء
ميس رفعت جوالها واتصلت:اي الو ايه خلص الدوام تمام وانا بلبس فما انت تجي اوك مع السلامه قفلت وابتسمت:يقول دقايق وهو عندي كلمي فراس بسرعه عشان ماتجلسين لوحدك
ميرا ابتسمت وكلمته ولبسو وجلسو يسولفون شويء
ميس ناظرت ف جوالها:هذا هو يدق يلا يروحي
ميرا ابتسمت:اشوفك ب المول
ميس باست خدها:ان شاءالله
ميس ركبت السياره وحرك فيصل وماهي ثواني الا وفراس عند الباب وميرا خرجت له
فيصل ناظر ف ميس الي من يوم ماركبت ماتكلمت ولا بحرف وع جوالها
فيصل:احم احم
ميس ناظرت فيه بعدين ف جوالها:تدرين هو الي زعلان مو انا
ميرا:ماتكلم؟
ميس:يقول احم احم
ميرا:افهمي ي بقره ونزلي الجوال وسولفي معه
ميس:طيب
قفلت الجوال وحطته بشنطتها:فيصل
فيصل استانس اخيرا تكلمت:عيونه
ميس:باقي زعلان؟
فيصل هز راسه ب لا:مين قال اني زعلان
ميس:انت!
فيصل ابتسم؛رضيت من البوسه
ميس ابتسمت:زين
فيصل:ايه كيف الجامعه
ميس بحماس:تعرفت ع بنت كيوتتتت وحلوه وحبوبه جد حبيتها بشكل خلاص صارت صديقتي
فيصل:اهم شيء ماتصير احلئ مني واحب مني
ميس ضحكت:لا مو كذا
فيصل:يعمري انتي كملي
ميس صارت تقول له انها طيبه وقالت له كيف الجامعه
ميس:بكرا وبعده ماعندنا شيء اوف يعني
فيصل:تمام اجل لا تداومين
ميس:انه كذا
فيصل:تمام نمر ملك ولا نخليها
ميس:الا مرها عشان صديقتي تبي تشوفها
فيصل غير الاتجاه وهو مستغرب:كيف تشوفها؟
ميس ابتسمت:بقول شيء وقول تم
فيصل استغرب:وشو!
ميس:ابطلع مع صديقتي
فيصل:لذي الدرجه حبيتيها؟
ميس ضحكت:ايه كيوت والله
فيصل:واذا قلت لا
ميس:اعطيك الي تبيه بس قول ايه
فيصل ابتسم؛تمام يروحي بس بشرط
ميس:وشو؟
فيصل:اروح معك
ميس:اصلا زوجها بيجي واجلس معاه وخلونا لحالنا
فيصل:تمام معا اني ماعرفه زوجها بس يلا وش نسوي عاد
وقف عند بيت اهله:افف مافيني انزل
ميس:انا بنزل ومنها اسلم ع امك وابوك
فيصل:تمام
ميس نزلت وسلمت عليهم وشالت ملك وركبت السياره وبحضنها ملك الي نايمه للحين
فيصل:شفيها نايمه طول ذا الوقت
ميس:شكلها صاحييه من اخر الليل
فيصل:ايه صحيت٤ شفتها صاحيه وشكلها مصحصحه.
ميس تمسح ع شعر ملك باست خدها بخفيف:ايه عشان كذا
فيصل وقف عند بيتهم:يلا عشان نريح ونروح ل صديقتك
ميس:باقي بتقول لي وين نتقابل وكذا
فيصل:تمام
دخلو البيت ميس حطت ملك ع الكنبه وراحت تسوي حليب جديد ل ملك وشالتها وهي تطلع ل فوق وفيصل سبقهم وصلت الغرفه ابتسمت وحطت ملك جنب فيصل الي خلاص فيه نوم يبي ينام
ابتسمت وبدلت ملابسها وقالت ل ميرا ان فيصل وافق وانسدحت جنبهم وغطو بنومه عميقه كلهم
....
صحت وهي تحس بيد صغيره مره تسحب شعرها:اه
فيصل يناظر فيهم ويضحك
ميس فتحت عيونها بخفيف لفت وهي تناظر ف ملك الي تسحب شعرها:اه يحيوانه انا امك عيب
فيصل ميت ضحك:شوفي كيف نظراتها
ملك كانت عاقده حواجبها وهي تناظر ف ميس وتسحب شعر ميس
ميس بصراخ:اه اه وخري يدك صغيره بس لا يغرك الصغر
فيصل ضحك وهو يسحب يد ملك
:عيب ي بابا
ملك كانت عاقده حواجبها وماده بوزها وهي تناظر ف ميس
فيصل عدل جلسته وشالها بحضنه:ايه ليش تسحبين شعر امك؟ انتي من الحين صرتي قليله ادب؟
ملك تناظر فيه وهي عاقده حواجبها ومبوزه
فيصل يحرك يده:خير انتي تناظرين كذا تراني مب اصغر ورعانك تراني ابوك
ميس ناظرت ف ملك:شفيها ذي منفسه؟
فيصل:مدري عنها ضاربه فيوزه
ميس ضحكت وهي تجلس وتحط يدها وراء ظهر فيصل وتقرب له:شكلها بتطلع عصبيه
فيصل ابتسم وباس خد ميس:الا العصبيه عاد
ملك حركت يدها وبكت
فيصل وميس انصدمو وناظرو فيها:شفيه
فيصل:خلاص اوشش
ميس:ملك حبيبي خلاص
ملك سكتت وهي تناظر فيهم
فيصل:ايشفيها ذي كذا؟
ميس شالتها وهي تناظر فيها ابتسمت وباست خدها:ليه زعلانه
ملك صارت تبكي زياده
ميس:شفيك يروحي!!
ملك تناظر فيها وتبكي
ميس:خلاص اوشش
ملك حطت يدها ف فمها وصارت تعضها وهي تبكي
ميس؛شفيها
فيصل:كلمي امك تعلمك ليه تسوي كذا
ميس:طيب جيب جوالي
فيصل مد لها جوالها
ميس:افتحه انت
فيصل فتحه:وش مسميتها؟
ميس:روحي
فيصل دق عليها
ردت:هلا هلا
ميس:يمه
ام محمد:هلا يروحي
ميس:اخبارك
ام محمد:طيبه وانتي
ميس:الحمدالله
ام محمد:شفيك؟
ميس:ماما ملك بس تبكي
ام محمد:ليه شفيها؟
ميس:مدري وتحط يدها ف فمها وتعضها بقوه وهي تبكي
ام محمد ضحكت:ايه عرفت
ميس:شفيها؟
ام محمد:بيطلع لها اسنان ولازم يعورها كذا
ميس:اما؟
ام محمد؛اشترو لها دواء وبيخف الالم
ميس:تمام شكرا
ام محمد:العفو يلا مع السلامه
ميس:مع السلامه
ام محمد قفلت وميس ناظرت ف فيصل
:قوم جيب لها دواء
فيصل ناظر ف ملك:كل ذا عشان اسنان؟
ميس:اي اذكر ميلا كانت كذا وبس تبكي وتعض يدها بقوه
فيصل:اها تمام
ميس:روح جيب لها دواء عشان نسكت
فيصل وقف:طيب صبر
لبس ثوب بشكل سريع وخرج يجيب لها دواء
