ٻًٳئعہُه ٳلہﯝردٍ 🌸✿⇣:
[آلُبْآرتٌ11]
ام ذياب:تعالي يمي يمة عذريني حطيتج بموقف صعب انتي وذياب بس والله يمة من شفتج دخلتي كلبي وتمنيتج لذياب اتمنئ هل الزواج يتم مو بس عذر حتئ تبقين. عشك:عمة انتي وثقتي بية وصدكتيني واني ماريد ارتبط باحد خاصة واني هيج وضعي وابنج ممصدكني ودة يكتلني. ام ذياب:معليج بذياب خلي علية والله كلبه طيب وحنين واني واثقة بيج يلا هسة اخليج ترتاحين ناميلج شوي ع ميصير العشاء. عشك:هاي المرة عجيبة شنو هل الثقة ومتعرفني بس من ساعات والله ذياب لو يعرف امه شتخطط يذبحني
فيصل :السلام عليكم.
ذياب:وعليكم السلام هلا فيصل
فيضل:ذياب شبيك صاير شي. ذياب:بديت اسولف لفيصل كل شي كلي هسة اشلون اخلص من هل السالفه. فيصل:انت شلون تجيبها للبيت واحنا مندري شنو سالفتها يمكن جذبت عليكم حتئ تبقئ وياكم وبلا اهله دوروا عليها ولكوها عندك شراح تكللهم. ذياب:فصيل اني صحتك اطلعني من السالفة لو تزودها علية. فيصل:امك مخططة ومخلصة شلون اطلعك هية مو تكول بريئة وطاهرة عرس عليها وطلع برائتها. ذياب:فيصل انت تحجي صدك تريدني ازوج وحدة من الشارع وادخل بيها يمكن بيها مرض وتورطني. فيصل:كوم خل نرجع للبيت الحجي وياك ضايع خل نشوف تصرفاتها ونخلي احلام تراقبها علا هل الاساس نتصرف. ذياب:خوش امشي.
ام فيصل:احلام امج مكالت شلون خطبت لذياب شو هل السالفة مادخلت عقلي كلش وهاي البنية منين تقرب لامج اول مرة نشوفها
احلام:عمة عشك تقرب امي قرابه بعيدة وانتو تعرفون صارلها كم يوم بيت خوالي اكيد شافتها هناك وعجبتها وهية مالها احد فراح تعيش ويانا لوقت العرس. ام فيصل خير انشاء الله
بمكان ثاني كاعدة مروة واختها شهلاء.
شهلاء:عمتج هاي شلون تخطب لذياب ومنين جابتها. مروة:وانتي شعليج ابنها تخطبله بكيفها. شهلاء:لا مو بكيفها عجوز النار اني اريد ذياب واني اولئ بي من الغريبة. سارة:اكلج انجبي احسلج شنو عجوز النار شو انتي كلش متحترمين احد ومنو كلج ذياب يريدج شهلاء:والله ما اخليها تتهنئ بي واني اعلمها هية وعجوز النار. سارة:سمعي شهلاء اذ سويتي شي والله اكول لفيصل وذياب وانتي تعرفيهم والله يذبحوج عوفي العالم احسلج. شهلاء:انتي معليج بية خوش عفتها وكمت والله يعشك لندمج لان اخذتي ابن عمي الله اعلم عجوز النار منين جابتج سالفة قريبتها مدخلت راسي كلش لازم اعرف سالفتج بس يراد تخطيط
ذياب:رجعت للبيت فيصل راح لامه واني رحت لامي دورت عليها ماكو خل اشوفها بغرفتها فتت للغرفة وشفتها نايمة ومنطية ضهرها للباب رحت يمها كعدت وبست راسها حسيتها كعدت كلت لازم افض سالفه عشك لاتورط اكثر.
يمة اني ماريد اتزوج هسة وخاصة عشك احنا شنعرف عنها يمكن مسويتلها جريمة وشاردة وهية ماصدكت جلبت بيج هاي وحدة وصخة وما اتزوجها لو اموت
عشك:تعبت وكمت مددت ع الجرباية بعدني منايمة وحسيت احد دخل للغرفة عبالي الحجية اجتي كعدت يمي وباست راسي عرفتها مو الحجية من العطر هاذ عطر رجالي من كال يمة عرفته ذياب تجمدت بمكاني ومكدرت اكوم خفت منه بقيت مسوية نفسي نايمة واسمعه شيحجي علية حقدت علية هواي ودي اكوم وانطي راشدي يعدل ملامح وجهه. حسيته راح يكشف عن وجهي ارخيت ملامحي وسويت نفسي نايمة ومو حاسة بدنيا توعدتله بكلبي الا ادفعه ثمن اتهامه اليه. ذياب:حجيت لامي بس حسيتها مو يمي وامي نومها خفيف وخرت الغطاء عن وجهه وانصدم هاي مو امي هاذي عشك شجابها هنا بقيت صافن عليها كلمة حلوة بحقها قليله بس الجمال مو كل شي نفرت نفسي منها عفتها وكمت اسغفر الله خل اطلع ليطب علينا احد شيكول
عشك:طلع ذياب بسرعه ركضت للباب وقفلته وكمت ابجي يا الله اني طاهرة وانت تعرف هلشي طلع برائتي للكل يا ربي بقيت ابجي ع حالي مشتاقة لاخواتي وامي وابوية شوي وندكت الباب كمت مسحت وجهي وعدلت ملابسي وفتحت الباب طلعن البنات فاتن للغرفة. مروة:تعالي حبي كعدي يمنا خل نسولف. صفا:صدك عشك سولفينه اشلون شافج ذياب عشك:اضحك بكلبي ع خواته ذياب هسة شكللهن خل اطلعلهن سالفه ليروحن يشكن بية وانشمر بشارع طلعتلهن سالفة ع اساس شافني بيت خالي ونعجب بية وخطبني وجابني وياة وسويت نفسي عشكانه هههههههه. اشوف شهلاء تباوعلي بحقد هع خاف تحب ذياب الاخت 😈هع اله اخذة منج طلعت روحي من نضراتها. احلام:شوفي عشك بعد يومين نطلع للسوك نشرتي غراض عرسج امي هسة كالت انتي وذياب متفقين العرس بعد اسبوع ولازم نخلص غراضج بسرعه ورانه هواي شغل. عشك:ماعرفت شكول بقيت ساكته واهز براسي عبالك هندي ههههه عجبتني سالفه الزواج اريد اكسر ذياب مثل مكسرني بقينا نسولف ونخطط شنو نشتري شهلاء كلش ضايقتني بنضراتها الصراحة تخوف شكلها يخوف
