ٻًٳئعہُه ٳلہﯝردٍ 🌸✿⇣:
[آلُبْآرتٌ 9]
ام جعفر :اهاا سمعي سهئ اخذي خواتج وابقن بلغرفة لو تنكلب الدنيا مطلعن سمعتي
سهئ:ليش يمة شكو. ام جعفر:سهئ ع الغرفة بسرعة. سهئ:طيب يمة رايحة.
ام جعفر:زين موسئ وجعفر مو هنا خل ادبر عباء ونقاب لعشك اخذتلها وفتت للمخزن بسرعة يمة البسي راح اشردج منا ويا ابن اخوي للبصرة
عشك:خفت اكثر من كالتلي حشردني هل المرة ذبحي حلال لبستني وكالتلي انتضري بس افتح الباب تعالي عافتني وطلعت بس اوصل البصرة احصل ع تلفون واخابر زيد يجي ياخذني ويا للسعودية ما اتحمل بعد
حسين:شلونج عمة. ام جعفر:هلا عمة تعال اكعد. حسين:شكو عمة صاير شي. ام جعفر:عمةعندي بنية اريدك توصلها للبصرة وخليها يم اقرب مسجد. حسين:منو هاي عمة وشلون اوصلها للبصرة وين اهلها. ام جعفر:حسين اني كتلك وصلها لان اعتمد عليك وعندي ثقة بيك متحجي ولا تسال. حسين:ما ختلفنه عمة بس غير اعرف منو هاي وليش اوصلها هناك. ام جعفر:وصلها للبصرة وهيا تاخذ تكسي وتروح لاهلها محتاجة توصيلة وماعدها فلوس خطية عمة وصلها. حسين:ابشري عمة لوما ام علي مو وياي فلا صعدتها خليها تحضر نفسها شوي وامر اخذها ونطلع للبصرة. ام جعفر :خوش عمة طلع حسين ورجعت شفت البنات خاف وحدة طلعت محد اكو رجعت طلعت من البيت رحت للحديقة الخلفية جبت نفط وجداحة ودخلت للمخزن. عشك:من شفت مرت عمي رجعت خفت احد عرف بيها تشردني. ام جعفر سمعي يمة راح ترحين ويا حسين ويا مرته وجهاله اي شي يسالون علية لجاوبين غير مصرف التكسي ما عندج واني تكفل اوصلج لاهلج راح يذبج بلبصرة روحي لاقرب مسجد واطلبي المساعدة من شيخ المسجد واني راح احرك المخزن بس اطلعين انطيني اي شي الج كلادة شي لابسته نشمرة هنا حتئ يطمئنون انتي حتركتي. عشك:عندي هاذ السوار مال امي هاج. ام جعفر بسرعة اطلعي اجة حسين ومثل مكتلج ماريد حسين يعرف منو انتي والله يسلمج الهم. عشك:حاضر وصدكيني شي يوم راح ارجع لواسط بس لعيونج والله مراح انساج ومساعدتج الي تبقئ دين بركبتي. ام جعفر:لترجعين يا يمة راح تموتين بنسبة الهم امشي اجة حسين.
حسين:اجتي المرة تعرج مبينة عجوز ومنقبة نزلت هدئ تسلم ع عمتي وسلمت ع المرة بس مردت عليها عمتي كالت المرة خرسة ومتحجي خطية. عشك:حضنت مرت عمي وشاورتها اني طاهرة عمة لتلخيهم يندموج لان ساعدتيني راح ارجعلج بست راسها ومشيت اباوع للمزرعة متوقعت اطلع منها بدت السيارة تمشي لازم اوصل لزيد همزين حافضة رقمة لازم يرجع للعراق ياخذني كافي فراق بس راح يصدكني اذ اخوي ابن امي وابوية مصدكني اخوية من الرضاعة يصدكني خل اوصل البصرة والله كريم اخذتني الافكار لامي وعذراء والتوائم وعلي وابوية شسوت الدنيا بيكم بعدي نمت ومحسيت ع نفسي لمن كعدتني مرت حسين وكالت وصلنا للبصرة نزلوني يم جامع جبير وسالني حسين اذ رايد شي اشرتله براسي لا حرك سيارته ومشة اخر شخص من ريحة اهلي التفت المنطقة الي اني بيها مبين ع اهله اهل عز حسيت بوحدة وحشة وجوع كمت ابجي وامشي مادري وين اروح حتئ لجامع مفتت اخاف يعرفون اهلي حتئ من خيالي صرت اخاف عيوني غوشن من البجي ومشوف كدامي بس سمعت واحد يطوط بسيارته ويصيح علية التفتت بس ملحكت اشوف شي محسيت علا نفسي
راسي احسة حينفجر عيوني مورمات جسمي مكسر فتحت عيوني غرفة بيضاء اعتقد اني بمستشفئ ايدي مكدر احركها ومحد يمي 😭اريد امي اهئ اهئ انفتح الباب وطبت مرة جبيرة بلبداية خفت منها بس شكلها ميخوف مبينة طيبة وحبابة
ام ذياب:شلونج يمة اكو شي يوجعج اصيحلج الدكتورة. عشك:الحمد الله زينة بس منو انتي وشسوي هنا. ام ذياب:السموحة يمج ابني يسوق بسيارته وانتي طلعتي فجاة وميدري بيج انطيني رقم اهلج اخلي ذياب يدك عليهم يجون واحنا حاضرين باللي يطلبوا.
عشك:رحتي بيها يعشك هاي شكللها هسة ياربي شهل ورطة لو باقية يم عمي وذابحني وخلاصنة مو احسن اسغفر الله ياربي شخربط اني صحيت ع صوت المرة تصحني. وين صفنتي يمة. عشك:ياربي دلني شسوي خل اسكت وما احجي شي احسن ع كولت عمتي هع خرسة
ام ذياب:يمة ليش متحجين شبيج شي يوجعج اصيحلج الدكتور يا هاي شجاها خل اطلع اشوف ذيب خطية. يمة ذياب تعال
ذياب:هلا يمة شلونها البنية خوما بيها شي
ام ذياب:مابيها شي وليدي بس متحجي اسالها ع اهلها جنها خافت وسكتت. ذياب :وهسة شلون يمة خاف مسويتلها مصيبة وشاردة من اهلها واجيبلنه مصيبة. ام ذياب:يمة شمالك البنية احنا اذيناها ولو مكالت ع اهلها تبقئ ويانا لحد منلكة اهلها. ذياب:ع امرج يمة بس من رخصتج شوفيلي درب خل احجي وياها واسالها يمكن تحجي. ام ذياب:اي اعرفك هسة تخوف البت ذياب:افااا يمة لهل درجه مسويلكم رعب هههههههه. ام ذياب:اسكت فضحتنا تعال امشي احجي وياها كون تكول ع اهلها وين. ذياب:يلا
&
