هواسمري وانا في العشق ليلاه 😍

تعارف

هو اسمري وانا في العشق ليلاه 😍 (٩)

عند رنا :ماما انا عندي حاجات عيزاها من السوق
سناء :طيب امشي انتي ورغد
رنا: طيب
مشت رنا لي رغد في المطبخ
رنا :رغوده حبيبتي
رغد :خير اللهم خير رغوده دي وراها حاجه
رنا : كل خير ياستي عيزاكي تمشي معاي سوق بحري عايزه حاجات
رغد :تدفعي كم يامزه
رنا :هه طيب يامصلحجيه بشتري ليكي طرحه
رغد :معاها اسكرتي بلوزه
رنا :☹ طيب امري لي الله
في نفس البيت عند احمد بعد الضيوف مافاتو جات سناء  الصالون
سناء :انت كنت عازم رجال الحله اليله ولا شنو
احمد :حاجه زي كده تزكري صاحبي القلته ليكي مسمي ولدو علي
سناء :اي مبارك موش
احمد: ايوا جااليله وطلب رغد لي ولدو
سناء :رغد وانت قلته ليهم شنو
احمد :انامن ناحيتي موافقه بس قلته ليهم اشوف راي البيت في الاول
سناء :ربنا يقدم الفيهو الخير
في بيت ناس هدي
عند بتها ندي يلا يازوبه نمشي ونجي قبل امي ماتجي من الاجتماع
زوبه :تمام
وصلو بعد نص ساعه ودخلو بيت وكان مليان ناس وقفو في الصف ودخلو لي الشيخ
ندي :السلام عليكم
الشيخ :وعليكم السلام
ندي :اناجيتك عشان عيزاك تربط لي واحد وتفرقو من وحده
الشيخ :ماتشيلي هم انابعمل ليكي ليهو عمل عمرو ماحيكون غير ليكي انتي بس اديني اسمو واسم امو
ندي :واناحاضره في اي حاجه عايزه اسمو امجد وامو هدي
الشيخ :هاكي دا اتفينيها في بيتو وشيلي المويه دي كوبيها في عتبة بيتو
ندي :حاضر ياشيخنا
(طبعا كتير من المجتمع السوداني بمشولي شيوخ والاهم دجاليين عشان يسيطرو علي الناس اوعشان يحققو نجاح في حياتهم في حين انو دا شرك بالله وعمل من عمل الشيطان )

عند سند بعد ماودع حسام وركب الطياره وعاهد نفسو انو حيرجع سند تاني
عند رغد ورنا
رغد :خلاص انا ماقادره امشي انتي اشتريتي السوق كلو وانا شغاله الشياله بتاعتك
رنا :انطمي لومادافعه ليكي حق المشيه خليني اضرب لي امجد يوصلنا
رغد :يوصلنا ولاتتمو الحبكانيات حقتكم
رنا رفعت حاجبه وشالت تلفونا وضربت :الووو
امجد :اهليين حوبي ازيوو
رنا :تتمام انا ياوطن انت كيفك
امجد :بخير انا يا روح الوطن
ويين انتي
رنا :في السوق
امجد :طيب طيب اقعدي مكانك انا بوصلك اسي
رنا :تيب ماتسوق بسرعه وخلي بالك من نفسك
امجد :من عيوني

يتبع…

معليش ع الاخطاء الاملائيه