امرأه من عاج

الثاني عشر

الثاني عشر...

#فلا حب يأتي #دون أَذًى✨

#ولا قلب #يعشق الا #وبكى 🍂

#إمرأة_من _عاج 🗽

بقـلمي ... #نٰـشوى_السـلطان ... 🍂

مسك... مادري بنفسي بقيت للمغرب بغرفتي اخذتني النومه ونمت .. كعدت مالكيت شهم.. فزيت مثل المخبلة

وبالحظه تذكرت شلون جان ضايج مني وشلون صاح بيه
كمت الحيلي اريد اشوف شهم وينه ..

شيرين... يمة يمة هذا رقم مروووان ديتصل...

ام شهم... هاااه خير يمة شيريد انطينياه...

شيرين.. فتحت خط سمعت صوته وهو يكول الوو الوو

مارديت  استحيت انطيته الامي...

ام شهم.. الوووو

مسك.. طبكت باب الغرفه ونزلت ... طبيت للمطبخ شفت لمياء تنظف ماكو احد... سمعتها تحاجيني مدري شتكول

مارديت عليها مالي خلك الكلشي حيل مقهوره طبيت للهول
شفت عمتي تخابر .. وكفت يم الباب اريد اشوف ويامن تحجي ..

شيرين.. هااا مسك تعالي...

مسك... ويامن دتحجي عمتي شهم مااجة . وينه،،؟

شيرين... اصبري هذا مروان ...

ام شهم.. يايمه اسم الله اجرالة الصبح مابي شي زين خل نودي للمستشفى ...

مسك.. اتقربت يم عمتي اريد افهم المن تقصد بقيت بخووف معقول تقصد شهم لا مستحيل مابي شي

ام شهم.. لا يمه اني اجة اشوفو شبي لا لا شلون اذا ماجي اشوفه ماراح اتاح ... لا ياامي اني اتمشى هسه اجيكم ... الله وياك

شيرين... شكووو يمه منو المريض عمي بي شي!

ام شهم.. لا يمه هذا اخيج مدري شبي يكول لازم راسه ويصيح منه .. انطيني عباتي ..

مسك.. دقيقه عمه مكالج شبي زين ليش هناك هو خلي يحيبه هنا

ام شهم.. ايكول هو كلي اخذتي عليكم هسه اني اروح واجيبه ويا مروان .. يولي شيرين سون عشى خاف اتاخر وابوجن اذا سال كوليلي راحت تشوف شهم

شيرين... ماشي يمه لا طووولين.. راحت امي ورجعت طبيت للهول .. لكيت مسك كاعده على صفحة وضايجة
كعدت يمها .. ها مسوكة شبيج حبييتي خيرج

مسك... اخوج ماعرف شبي اليوم صاح بيه على شنو ماعرف يعني انكلب الجاي خمو اني متقصده وهسه راح

لبيت عمج ومارجع شيسموها هاي ايكول مريض لا هاي مايريد يجي هنا اعرفه

شيرين.. لااا يمعوده جوز اعصابه تعبانه شبيج هالكد تتحسسين ميخالف اذا مزعلج هو يحس بغلطو ويجي  ... بس خطيه جوز مريض صدك الله اعلم