#أغسطس_الاول
#ايام_الزهور
ضلينة الطريق كلة نسولف ونضحك جان امنيتي يكون الي ببطني بنية واللبسها بدلاات وفيونكات وحسن هم اخذة الواهس جان بودنة نسميها جنىٰ ونعيشها احلى عيشة
حسن راد يخليها تصير صيدلانيه مثلة واني ردتها تصير مهندسة معمارية ضلينة نتعارك ع مستقبل البنية لحد ما شبعنه ضحك و وصلنة للبيت ...
حسن،
يووم وينج تعاي نطيني البشارة يمعودة تعااي
ام حسن، هاا بشروا خير ان شاء الله
-يمة حامل
ام حسن، كلللووشش يمة ربي يجعله من اولاد السلامه
- الله يسلمج يمة بعد منا وهيج هم عينج ع ميس خطية هم حامل ووحامها قوي كلش هم ساعديها شوية
ام حسن، يي ان شاء الله بس كون تجيبلي الوليد واحطها بعيوني
ومرت الأيام ووصلت ميس لشهرها الرابع وهي ع طول تسمع كلام من عمتها ع إنو تريد ولد ومتريد بنية و كالعادة ميس تضل تسمع وتطنش وتتصبر بالله كريم
عمة اني حروح اسوي سونار تجين وياي؟
- يي اجي خ اشوف البشارة
يلا ربع ساعة ونطلع عفية حسن ميقبل اطلع ورة الاذان
-يلا ميخالف فضيها
وطلعنه والكعادة طول الطريق تحجي بالولد و الولد متدري اني بأمنيتي بنية اوفف شيخلصها واياها هذي
دكتورة ، ماما النبض مبي شي وكلشي تمام بش شوية قللي حركه الف مبروك عزيزتي بنوتة ترة
ام حسن
شنو بنية شبيج دكتورة فدوة تأكدي
دكتورة
شتأكد خالة هذي بنية كولي الحمد لله شسالفة
ام حسن
والله يا الله دكاترة اخر زمن كومي ميس نشوف غير سونار
ميس
اني بكلبي فرحت فرحه مصايرة بس تفاجئت شلون عمتي حجت وي الدكتورة كلش ستحيت اخذتها وطلعت
-عمة ترة ميصير هيج وشنو يعني واذا ما بنية اصلا اني وحسن رايدينها وبعد هم منا لكم سنة ان شاء الله يجي الولد وكحلي عيونج بيه خلاص الله يخليج
ام حسن
وهيج تتراددين فوكاها خلي بنتج الج صارلي شهرين اخدم بيج وبعدين تجيبين بنية؟
ميس
ادري يا عمة بنات عشرة اني حرام عليج اول طفلة الي ترة
ام حسن
يي خليها الج وخري مني كطيعه تاخذج انتي والي ببطنج
ميس
حسبي الله ونعم الوكيل
ميس
الوو حسن وينك تعال رجعني للبيت لا اكتل نفسي والله
حسن
شبيج ولج شكو
ميس
رجعني لبيتنة يمعود
حسن يعني تقبلها هيج ينحجي بوجهي واني رايحه وفرحانة كلش كافي تحملت هواي لخاطرك ولخاطر الي ببطني وحتى لخاطر عمتي بس والله مليت طلعت روحي شهل تخلف والتفكير احنة وين وصلنة وهي بعدها بنية لو ولد
بس العتب علية سكتت وكلت خ هو يلاحظ وحده ويحس بس انت ولا يمكك مخلصها من الصيدلية للمعرض للبيت و اكل ونوم تعبت منكم تعببتت ادري ماخذيني فصلية مو دكتورة وبنت ناس وتعرفوني كلش زين شلون جنت عايشة اني ! حرام عليكم
حسن
شبيج هديتي بوجههي أحد ضربج على ايدج هااا صوتج ما يعلى بعد ترة والله يصيرلج شي ميعجبج
ميس
يي تضربني تموتني تطلكني كلشي تسوون
حسن
كاافي هيوو سكتي هواي حجيتي لا أني ولا امي مسويلج شي وتتحملين وتسكتين
ما حجت باطل امي هم تريد تشوف حفيدها ويشيل اسمي انتي الكافي كاااافييي
ميس
الله ياخذني وافتك شورطني بيكم انتوا بعدكم ع الدكة القديمه !
حسن
كافي ولا نفس سطرتيني
ميس
روحي طلعت من خشمي وكرهتهم كره مصااير متت رحت للحمام سبحت وطلعت خابرت امي واشكيلها
ام ميس
ماما ميخالف ما طول هي هيج تفكيرها عتيگ ماشيها ولتجاوبين كسبي رجلج وحببي بالبنية لتصيرين ثولة
ميس
لج ماما يا رجلي رجلي ما بيه شي وقابل إلا هاي امةة اوفففف يلا يمة مع السلامه اجه حسن سلميلي ع ابوية !
ام ميس
الله وياج يمة
#يتبع......
اسفة للتأخير حبايبي ❤
يسعدني تشجيعكم وتصويتكم❤
احبكم
تابعوني MalokaMk
أنت تقرأ
تحررت من عقلة
Romantikاللهجة العراقية لج ميس وين صرتي ماما يلااا يي يي يووم اجيت ركض شكو يلا يمعودة تعاي تريكي قصة بشكل عام عن التخلف والتفكير القبائلي القديم !
